Universitas

Aksara Latin

ꦗꦮ

Universitas Tunku Abdul Rahman

Universitas iku pawiyatan luhur utawa perguruan tinggi kang nyelenggarakaké pendhidhikan akademik lan/utawa vokasi sajeroning kawruh (ngèlmu kawruh), tèknologi, lan/utawa seni lan yèn ngebaki syarat bisa nyelenggarakaké pendhidhikan profèsi. Tembung universitas asal saka basa Latin kang tegesé umum lan menyeluruh.

Sajarah

Universitas ing donya kulon pisanan yaiku Akademi kang diadegaké taun 387 SM déning filsuf Yunani Plato, lan para siswané diajari filsafat, matématika, lan ulah raga.

Universitas-universitas kang paling wiwitan diadegaké ing Éropah:

• Universitas Magnaura ing Konstantinopel sajeroning Kamaharajan Bizantium, saiki Istanbul, Turki taun 849 déning bupati Bardas ing jaman Kaisar Michael III
• Universitas Preslav ing Bulgaria lan Universitas Ohrid ing Makedonia sajeroning Kakaisaran Bulgaria ing abad angka 9
• Universitas Bologna ing Bologna, Italia (1088)
• Universitas Paris ing Prancis lan Universitas Oxford ing Inggris ing mangsa Abad Tengahan (watara abad angka 11 nganti 12) kanthi wulangan hukum, perobatan, lan teologi.

Institusi kaya universitas iki wis ana ing Pèrsi, salah siji kang misuwur yaikuAkademi Gundisapur lan uga Universitas Al Azhar ing Kairo, kang dadi universitas tuwa dhéwé ing donya kang isih operasi. Salah siji universitas ing Asia kang misuwur liyané yaiku Universitas Nalanda ing Bihar, India.

Saliyané Universitas ana uga sawatara istilah liya kang dadi péranganing perguruan tinggi yaiku:

• Institut
• Politèknik
• Sekolah dhuwur (Sekolah Tinggi)

Deleng uga

• Pratélan perguruan tinggi ing Indonésia
• Pratélan universitas ing donya
• Sajarah perguruan tinggi ing Indonésia

Pranala njaba

• ESN - Erasmus Student Network
• Study in Europe Archived 2012-01-03 at the Wayback Machine.
• Indonésia:
  • Departemen Pendidikan Nasional (Depdiknas) Archived 2004-12-29 at the Wayback Machine.
  • Direktorat Jenderal Pendidikan Tinggi (dikti)
  • Badan Akreditasi Nasional - Perguruan Tinggi (BAN-PT) Archived 2007-04-23 at the Wayback Machine.
  • Daftar pranala situs perguruan tinggi Indonésia (di situs dikti.org)
  • Direktori perguruan tinggi swasta (di situs dikti.org)