Taman Nasional Bogani Nani Wartabone
| Taman Nasional Bogani Nani Wartabone | |
|---|---|
IUCN kategori II (taman nasional) | |
  Bogani Nani Wartabone NP Pernahé ing Sulawesi | |
| Pernah | Sulawesi, Indonésia |
| Koordhinat | 0°33′38″N 123°40′48″E / 0.56056°N 123.68000°EKoordhinat: 0°33′38″N 123°40′48″E / 0.56056°N 123.68000°E |
| Laladan | 2,871.15 square kilometres (287,115 ha) |
| Dikukuhaké | 1991 |
| Bebadan pamaréntahan | Kementrian Lingkungan dan Kehutanan |
| Situs jaringan | boganinaniwartabone |
Taman Nasional Bogani Nani Wartabone iku salah siji taman nasional kang ana ing Ujung Minahassa, Sulawesi, Indonésia. Taman nasional iki ambané kurang luwih 2.871,15 km². Taman Nasional Bogani Nani Wartabone ngadek taun 1991. Jeneng taman nasional iki dijupuk saka Nani Wartabone, Pahlawan Nasional Indonésia.[1]
Taman Nasional Bogani Nani Wartabone kang sadurungé duwé jeneng Dumoga Bone, duwé ciri kang béda karo liyané, papan iki dadi panggon peralihan géografi panggon Indomalayan ing sisih kulon lan Papua-Australia ing sisih wétan (Wallaceae Area).
Tuwuhan kang mung ana ing taman nasional iki kaya ta: palem matayangan (Pholidocarpus ihur), kayu ireng (Diospyros celebica), kayu wesi (Intsia spp.), kayu kuning (Arcangelisia flava) lan kembang bangkai (Amorphophallus companulatus). Saliyané iku uga ana tuwuhan kang lumrah tinemu ing taman nasional iki, kaya ta: Piper aduncum, Trema orientalis, Macaranga sp., cempaka, agathis, kenanga, warna-warna anggrek, lan tuwuhan hias.[2]
Taman Nasional Bogani Nani Wartabone duwé 24 warna mamalia, 125 aves, 11 reptilia, 2 amfibia, 38 warna kupu, 200 kumbang, lan 19 warna iwak. Kéwan kang dadi endemiking Sulawei kaya ta kethèk ireng/yaki (Macaca nigra nigra), kethèk dumoga bone (M. nigrescens), tangkasi (Tarsius spectrum spectrum), bajing Sulawesi (Macrogalidia musschenbroekii musschenbroekii), anoa (Bubalus depressicornis), babirusa (Babyrousa babirussa celebensis), lan warna-warna manuk.[2]
Manuk kang dadi lambang ing taman nasional iki ya iku maleo (Macrocephalon maleo), lan lawa bone (Bonea bidens).[2]
Cathetan sikil
[besut | besut sumber]- ↑ boganinaniwartabone.dephut.go.id Archived 2016-09-19 at the Wayback Machine.(diundhuh tanggal 25 Agustus 2011)
- ↑ a b c www.dephut.go.id Archived 2011-08-11 at the Wayback Machine. (diundhuh tanggal 25 Agustus 2011)
Pranala njaba
[besut | besut sumber]- Bogani Nani Wartabone National Park
- UNEP World Database of Protected Areas: Bogani Nani Wartabone National Park
- Sulawesi national park last refuge for threatened wildlife Archived 2009-01-07 at the Wayback Machine.
- WorldTwitch - Australasia Bird News Archived 2021-04-27 at the Wayback Machine.
| Artikel iki minangka artikel rintisan. Kowé bisa ngéwangi Wikipédia ngembangaké. |