Merak

Peafowl Kalamangsa: 3–0 Ma PraЄ Є O S D C P T J K Pg N ↓ Pliosèn Wekasan – Saiki
Merak India lagi njleprakaké buntuté kang dawa.
Klasifikasi ngèlmiah
Karajan:	Animalia
Filum:	Chordata
Klas:	Aves
Ordho:	Galliformes
Famili:	Phasianidae
Subfamili:	Phasianinae
Spésies
Pavo cristatus Pavo muticus Afropavo congensis

Merak nganggo kreta tembaga Searsole Rajbari, Benggala Barat, India

Merak iku arané spésies manuk cacah telu ing génus Pavo lan Afropavo saka famili Phasianidae, kang anggotané kaya ta pitik alas lsp. Ana spésies warna loro kang asli Asiah: merak indhi utawa merak biru asli Indhi, Sri Lanka, lan Pakistan; lan merak ijo asli Myanmar, Indhocina, lan Jawa; lan spésies siji asli Afrika, ya iku merak kongo kang mung ana ing Ledhokan Kongo. Merak lanang katitik saka cangungongé (pambengoké) lan elaré kang éndah. Elar kang éndah iku katon mligi ing spésies-spésies merak asli Asiah, kang wulu ing buntuté ana coraké mata, mung dijleprak nalika mangsané golèk jodho. Anak merak arané uncung.

Pigunané warna-warna kang ndakik ing buntuté iku isih dadi rembuging manéka warna panalitèn ngèlmiah. Charles Darwin mrakirakaké warna-warna ndakik mau kanggo narik kawigatèné merak wadon lan praèn mentèrèng ing merak lanang ngalami owah gingsir salaras karo pilihan sèksualé. Amotz Zahavi duwé téyori cacad (handicap theory) yèn praèné iku minangka panenger manawa merak lanang waras-wiris amarga yèn merak lanang kurang waras, ora bakal bisa nyengkuyung yasan buntuté kang gedhé tur mentèrèng mangkono.

Pranala njaba

• Basisdhata warna-warnaning merak
• Vidhio, foto, lan swaraning merak ing Internet Bird Collection.
• "Behavioural Ecologists Elucidated How Peahens Choose Their Mates, And Why", artikel ing Science Daily.