Tempo
 Kalawarti Tempo | |
| Kategori | Aktualitas, Pulitik |
|---|---|
| Frekuensi | Minggon |
| Oplah | 300.000 (2010)[1] |
| Penerbit | PT Tempo Inti Media Tbk, |
| Terbit sepindhahan | 6 Maret 1971[2] |
| Negara | Indonésia |
| Berpusat di | Jakarta |
| Bahasa | Basa Indonesia |
| Situs web | majalah.tempo.co. |
| ISSN | 0126-4273 |
Tempo iku sawijining kalawarti pawarta minggon Indonésia sing lumrahé ngliput warta lan pulitik. Tempo wujud kalawarti pisanan sing ora duwé afiliasi karo pamaréntah. Tempo diterbitaké déning PT Tempo Inti Media Tbk.
Èdhisi sepisanan Tempo diterbitaké nalika tanggal 6 Maret 1971 kanthi Goenawan Mohamad minangka Pamimpin Rédhaksi. Terbité Tempo mau ora bisa uwal saka peran Harjoko Trisnadi, Fikri Jufri, Lukman Setiawan, lan Bur Rasuanto sing banjur dianggep "pangadeg".[3] Kalawarti iki tau dilarang déning pamaréntah nalika taun 1982 lan 21 Juni 1994[4] lan di dol manèh nalika tanggal 6 Oktober 1998. Tempo uga nerbitaké kalawarti èdhisi basa Inggris wiwit 12 September 2000 sing jenengé Tempo English Edition lan nalika tanggal 2 April 2001 Tempo uga nerbitaké Koran Tempo[4].
Palarangan terbit kalawarti Tempo taun 1994 (bebarengan karo Kalawarti Editor lan Tabloid Detik, ora tau cetha panyebabé. Nanging akèh wong yakin yèn Mantri Panerangan wektu iku, Harmoko, nyabut Layang Idin Usaha Panerbitan Pers (SIUPP) Tempo amarga lapuran kalawarti iki babagan impor kapal perang saka Jerman. Lapuran iki dianggep mbebayani "stabilitas nagara". Lapuran utama mbahas kabotan pihak militèr marang impor déning Menristek B.J. Habibie. Saklompok wartawan sing cuwa marang sikap Persatuan Wartawan Indonesia (PWI) sing nyarujuki pambrèdhèlan Tempo, Editor, lan Detik, banjur madegaké Aliansi Jurnalis Independen (AJI).
Réferènsi
[besut | besut sumber]- ↑ ., Prayudi. Textual Analysis of Tempo News Magazine Representation of Terrorism. Jurnal Ilmu Komunikasi Terakreditasi, 8 (1). (2010):41.
- ↑ "Halaman Korporat Majalah Berita Mingguan Tempo". Diarsip saka sing asli ing 2013-02-21. Dibukak ing 2013-05-07.
- ↑ Steele, Janet E. 2005. Wars within: the story of Tempo, an independent magazine in Soeharto's Indonesia. Jakarta: Equinox Pub. h.89
- ↑ a b "Laporan Tahunan PT Tempo Inti Media Tbk. 2010" (PDF). Diarsip saka sing asli (PDF) ing 2013-05-12. Dibukak ing 2013-05-07.
Buku
[besut | besut sumber]- Wars Within: The Story of Tempo, an Independent Magazine in Soeharto’s Indonesia, Equinox Publishing dan ISEAS, Janet Steele.
Pranala njaba
[besut | besut sumber]- Tempo.co
- Situs resmi Kalawarti Tempo
- Blog Tempo Interaktif Archived 2022-01-20 at the Wayback Machine.
- Maca Tempo vèrsi iPad Archived 2015-04-24 at the Wayback Machine.