Cepheus
| CEPHEUS | |
|---|---|
 | |
| Cekakan | Cep |
| Genitif | Cephei |
| Asensio rekta | 22 |
| Deklinasi | +70 |
| Area | 588 derajad pesagi (#27th) |
| Lintang utama | 7 |
| Lintang Bayer/Flamsteed | 43 |
| Lintang mawa planèt | 1 |
| Lintang padhang | 1 |
| Lintang cedhak | 3 |
| Lintang paling padhang | α Cep (Alderamin) (2.45m) |
| Lintang paling cedhak | Kruger 60 ( tc) |
| Obyèk Messier | 0 |
| Udan météor | None |
| Rasi lintang sing wewatesan | Cygnus Lacerta Cassiopeia Camelopardalis Draco Ursa Minor |
| Katon antara lintang +90° lan −10°. Katon paling cetha ing wektu 21.00 jroning sasi November. ' | |
Cepheus inggih punika salah satunggaling rasi lintang ingkang mapan wonten ing belahan langit sisih lor. Rasi lintang punima dipunparingi nama saking namanipun raja Ethiopia, Cepheus, ingkang wonten ing mitos Yunani, garwanipun Cassiopeia lan bapakipun Andromeda. Rasi lintang Cepheus punika inggih kalebet salah satunggal saking 48 rasi lintang ingkang dipundhaptar déning abad kaping kalih déning astonom saking Walanda, Ptolemy lan sapunika sampun kalebet salah satunggal saking 88 rasi lintang modhern.
Lintang-lintang
[besut | besut sumber]Rasi lintang Cepheus gadhah tlatah ingkang ambanipun kirang langkung 588 drajat persegi lan ngewrat satunggal lintang ingkang dipunmangertosi minangka planit-planit. Rasi lintang punika saged dipuntingali ing garis lintang antawisipun +90° lan-10° lan ingkang saé piyambak dipuntingali ing jam 9 dalu ing salebeting sasi Novèmber. Sapérangan ageng lintang-lintang ingkang wonten ing Cepheus inggih gadhah magnitudo tiga lan sekawan, kanthi gadhah lintang binar lan sapérangan variabel ingkang narik kawigatosan para panaliti. Déné lintang-lintang ingkang wonten ing rasi lintang punika inggih kados makaten:
- Lintang ingkang padhang piyambak wonten ing rasi lintang Cetus inggih punika lintang Alpha Cephei, ingkang ugi dipunmangertosi minangkang Alderamin (pundhak sisih tengen) utawi (tangan sisih tengen). Lintang punika inggih gadhah cahya lintang sub raksaaa tipe A lan lajeng dados cahya raksasa padhang warna abrit ingkang mapan caket kaliyan pérangan kutub langit sisih lor. Alderamin badhé dados lintang kutub udakawis ing 5.500 taun. Posisi ingkang paling pungkasan pindhah inggih ing taun 18.000 saderengipun Masehi. Alderamin inggih gadhah cahya pethak kanthi magnitudo 2,5, ingkang tebihipun 49 taun cahya saking bumi.
- Beta Cephei ugi dipunsebat Alfrik inggih punika lintang ingkang padhang piyambak nomer kalih wonten ing rasi lintang Cepheus. Lintang punika inggih gadhah cahya raksaa binar kanthi cahya raksasa biru lan lintang pengamping ingkang lemah. Alfirk inggih minangka prototipe saking lintang variabel Beta Cephei, ingkang tebiipun kirang langkung 595 taun cahya saking bumi.
- GAmma Cepheis utawi ingkang ugi dipunsebat Errai, Alrai utawi Er Rai, inggih punika lintang binar ingkagn tebihipun kirang langkung 45 taun cahya. Komponèn ingkang paling wigatinipun inggih punika cahya sub raksasa oranye ingkang dipunpitados umuripun sampun ngantos 6,6 milyar taun.[1]
- delta Cephei utawi Alrediph utawi Al Radif (pengikut) inggih punika variabel lintang binar ingkang narik kawigatosanipun para paningal ingkang gadhah kontras warna ingkang saé. Lintang punika kalebet lintang ganda kanthi cahya raksasa jene minangka komponèn ingkang paling wigati lan pengampingipun cahya biru kanthi magnitudo 7,5.[1]
- Mu Cephei inggih punika variabel lintang semi reguler, kanthi super raksasa ingkang gadhah warna abrit. Lintang punika kalebet salah satunggal lintang ingkang padhang piyambak lan amba ingkang dipuntingali ing galaksi Bimasekti.
- Xi Cephei ugi dipunmangertosi minangka Kurhah, Alkirdah, Alkurhah, utawi Al Kirduh inggih punika kalebet lintang ganda tiga.
- Kurger 60 inggih minangka lintang binar ingkang tebihipun 12,9 taun cahya. Lintang punika ngewrat kalih cahya raksasa abrit ingkang ngorbit saben 44,6 taun sapisan.
Cepheus inggih taksih kalebet satunggaling kulawarga rasi lintang Perseus, sesarengan kaliyan rasi lintang Cassiopeia, Andromeda, Perseus, Pegasus, Auriga, Lacerta lan Triangulum. Déné rasi lintang sanèsipun ingkang wonten ing sak kiteripun rasi lintang Cepheus inggih punika Cygnus, Lacerta, Cassiopeia, Camelopardalis, Draco lan Ursa Minor.[2]
Cathetan suku
[besut | besut sumber]- ↑ a b Ridpath & Tirion 2001, kc. 112–113.
- ↑ Cepheus Archived 2012-05-06 at the Wayback Machine.(dipunundhuh tanggal 23 Pebruari 2013)
- Levy, David H. (2005). Deep Sky Objects. Prometheus Books. ISBN 1-59102-361-0.
- Ridpath, Ian; Tirion, Wil (2001), Stars and Planets Guide, Princeton University Press, ISBN 0-691-08913-2
- Ian Ridpath and Wil Tirion (2007). Stars and Planets Guide, Collins, London. ISBN 978-0-00-725120-9. Princeton University Press, Princeton. ISBN 978-0-691-13556-4.
- Staal, Julius D.W. (1988), The New Patterns in the Sky: Myths and Legends of the Stars (édhisi ka-2nd), The McDonald and Woodward Publishing Company, ISBN 0-939923-04-1