Diosdado Macapagal

Diosdado Pangan Macapagal (lair ing Lubao, Pampanga , 28 Sèptèmber 1910 – pati ing Makati City, Metro Manila, 21 April 1997 ing umur 86 taun) inggih punika pulitikus Filipina. Piyambakipun njabat minangka Présidhèn Filipina ingkang kaing 9 lan présidhèn kaping 5 saking républik katiga. Piyambakipun kapilih wonten ing taun 1961 saperlu nggantosaken Présidhèn Carlos P. Garcia. Jabatanipun pungkasan wonten ing taun 1965 nalika dipunasoraken déning Présidhèn Ferdinand Marcos. Piyambakipun jejuluk "Tiyang Jujur" (The Incorruptable). Présidhèn Gloria Macapagal-Arroyo ingkang njabat minangka Présidhèn Filipina wiwit taun 2001 minangka putri saking garwanipun ingkang angka 2.

Diosdado Macapagal
Présidhèn Filipina ke-9
Linggih 30 Dhésèmber 1961 – 30 Dhésèmber 1965
Wakil Présidhèn	Emmanuel Pelaez (1961-1965)
Kang sadurungé	Carlos Garcia
Kang sawisé	Ferdinand Marcos
Wakil Présidhèn Filipina ke-6
Linggih 30 Dhésèmber 1957 – 30 Dhésèmber 1961
Présidhèn	Carlos Garcia
Kang sadurungé	Fernando Lopez
Kang sawisé	Emmanuel Pelaez
Anggota DPR dari Pampanga di disrik 1
Linggih 1947–1957
Kang sadurungé	Amado Yuzon
Kang sawisé	Francisco Nepomuceno
Rerincèn dhiri
Lair	(1910-09-28)28 Sèptèmber 1910 Lubao, Filipina
Pati	April 21, 1997(1997-04-21) (umur 86) Makati City, Filipina
Parté pulitik	Parté Liberal
Sisihan	Purita de la Rosa (1938–1943) Eva Macaraeg (1946–1996)
Anak	Cielo Arturo Gloria Diosdado
Almamater	Universitas Filipina Universitas Santo Tomas
Profési	Pengacara Profesor
Agama	Katolik Roma
Tandha tangan	Barkas:Macapagal Sig.png

Wiwitan gesang lan karier

Macapagal niyos wonten ing Lubao, Pampanga saking satunggaling kulawarga miskin, Urbano Macapagal lan Romana Pangan. Piyambakipun lulus paling apik saking SD Lubao lan lulus angka 2 paling apik saking SMA Pampanga. Éwadéné kulawarganipun miskin, jalaran pambiyantu saking Mantri Dalam Negeri nalika punika Honorario Ventura, piyambakipun sinau ngèlmu hukum wonten ing Universitas Santo Tomas. Piyambakipun kasil pikantuk gelar Dhoktor wonten ing Hukum Sipil lan Ph.D. wonten ing ngèlmu ékonomi wonten ing universitas ingkang sami.

Piyambakipun pikantuk gelar hukumipun nalika taun 1936. Piyambakipun lajeng nyambt damel minangka pengacara kanggé sawijining parusahan Amérika wonten ing Manila lan dados asisten hukum Présidhèn Manuel L. Quezon. Wonten ing masa pendudukan Jepang sadanguning Perang Donya II, Macapagal mbiyantu ékan-ékan anti Jepang lan dados penghubung intelijen kaliyan gerilyawan AS. Nalika wekdal punika garwa ingkang angka 1 séda amargi kekirangan gizi. Piyambakipun lajeng palakrama kaliyan Evangelina Macaraeg, ibu saking Présidhèn Gloria Macapagal Arroyo.

Wonten ing taun 1948, piyambakipun dados sekretaris 2 wonten ing Kedutaan Filipina wonten ing Washington, DC. Wonten ing taun 1949, piyambakipun kapilih minangka anggota Dewan Perwakilan lan njabat dumugi 1956. Nalika wekdal punika ugi piyambakipun kaping 3 kapilih dados wakil Filipina wonten Majelis Umum Perserikatan Bangsa-bangsa

Wonten ing taun 1957, minangka anggota Parté Liberal, piyambakipun dados wakil présidhèn wonten ing sangandhaping Présidhèn Carlos Garcia saking Parté Nacionalista.

Kepresidenan

Potret resmi Présidhèn Macapagal ingkang dipunmedalaken déning pura Malacañang

Macapagal kapilih minangka présidhèn nalika taun 1961 déning sawijining koalisi antawising liberal lan progresif, sarta ngasoraken upaya pamilihan malih Carlos P. Garcia. Piyambakipun musataken kawigatosanipun bab upaya-upaya mbesmi korupsi wonten ing papréntahan. Wonten ing upayanipun kanggé ngrangsang perkembangan èkonomi, piyambakipun pikantuk nasihat saking pendukung-pendukungipun ingkang sugih lan ngenengaken mata uang peso Filipina ngambang kanthi ndhèrèkaken pasar pertukaran valuta. Kawicaksanan punika nguras jutaan peso saben taunipun saking perbendaharaan nagara sadanguning masa pamarèntahanipun. Upaya-upaya pembaruanipun dipunhalangi déning Nacionalista, ingkang ndominasi Dewan Perwakilan lan Senat nalika punika. Nanging makaten, rata-rata tingkat tuwuhipun PDB wonten ing masa kepresidenan Macapagal inggih punika 5,15%.

Uga delengen

• Sajarah Filipina (1946-1965)

Setelah nama Diosdado Macapagal:

• Papan Anggegana Internasional Diosdado Macapagal
• Diosdado Macapagal Boulevard

Pranala NJaba

• The Philippine Presidency Project
• Diosdado Macapagal tribute

Cathetan suku

• Zaide, Gregorio F. (1984). Philippine History and Government. National Bookstore Printing Press.

Kursi majelis
Kang sadurungé Amado Yuzon	Anggota DPR saking Pampanga ing disrik 1 1947–1957	Kang sawisé Francisco Nepomuceno
Kalungguhan pulitik
Kang sadurungé Carlos Garcia	Wakil Présidhèn Filipina 1957–1961	Kang sawisé Emmanuel Pelaez
	Présidhèn Filipina 1961–1965	Kang sawisé Ferdinand Marcos
Kalungguhan parté pulitik
Kang sadurungé Eugenio Perez	Présidhèn Parté Liberal 1957–1961	Kang sawisé Ferdinand Marcos