Tenerife

Tenerife esas la maxim vasta e populoza insulo del arkipelago Kanarii. Havanta 2 034 km² e 978 100 habitanti en 2022, equivalanta a 45% de la habitantaro dil arkipelago, ol esas la maxim populoza insulo di Hispania. Lua chef-urbo esas Santa Cruz de Tenerife, qua ank esas chef-urbo dil Autonoma Komunitato Kanarii, kune urbo Las Palmas de Gran Canaria.

Cirkume 5 milion turisti vizitas Tenerife omnayare. Ol esas la maxim vizitata insulo dil arkipelago, un ek la maxim importanta turistala destini di Hispania e di la mondo. La Nacionala Parko Teide, jacanta centre del insulo, nun esas Mondala Patrimonio di la Homaro, segun UNESCO. L'insulo ank esas sideyo dil Universitato di La Laguna, la maxim anciena universitato di Kanarii, fondita en 1792.