Monto
Monto esas granda altajo ek tereno, qua rezultas de subleveso di sulo, ed havas sur sua flanki, ye alteso-gradi diversa, zoni de vejetantaro interdiferanta.
.JPG)
Formaco di monti
redaktarMonti formacesas per diversa geologiala forci inkluzanta tektonika forci, erodado e volkanal agado. Ica forci efikas dum longa tempo. Sam-tempe, monti subisas altra, planiganta forci inkluzanta veterala dekado, terala falo e erodado.
Famoza alta monti
redaktarLa maxim alta monto en la Tero nomesas Monto Everest Anglalingue (Zhūmùlǎngmǎ Chinalingue) qua esas alta de 8 848,86 metri. Altra famoza monti en la Tero inkluzas: la volkanala monto Monto Fuji en Japonia, anke konocata kom Fujiyama, qua esas la maxim alta monto en ta lando; Monto Blanko qua jacas inter Francia e Italia en Europa.
| Geografiala formi | ||
|---|---|---|
| Arkipelago • Atolo • Bayo • Delto • Dezerto • Duno • Estuario • Fluvio • Fonto • Fyordo • Geizero • Glaciero • Gulfo • Insulo • Istmo • Kabo • Kaverno • Klifo • Kolino • Kontinento • Lago • Laguno • Maro • Marsho • Monto • Oceano • Peninsulo • Planajo • Prato • Ravinego • Savano • Stepo • Stretajo (marala) • Tundro • Valo • Volkano | ||