Քրիստոֆեր Ռիվ

Քրիստոֆեր Ռիվ; անգլ.՝ Christopher Reeve
Ծնվել է	սեպտեմբերի 25, 1952[…]
Ծննդավայր	Նյու Յորք, Նյու Յորք
Մահացել է	հոկտեմբերի 10, 2004[…] (52 տարեկան)
Մահվան վայր	Կիսկո լեռ, Վեստչեստեր շրջան, Նյու Յորք, ԱՄՆ
Կրթություն	Ջուլիարդ դպրոց, Կոռնելի համալսարան, Princeton Day School? և HB Studio
Քաղաքացիություն	ԱՄՆ
Կրոն	ունիտարական ունիվերսալություն
Մասնագիտություն	հեռուստատեսային դերասան, կինոդերասան, կինոռեժիսոր, թատրոնի դերասան, հնչյունավորող, դերասան, ռեժիսոր, կինոպրոդյուսեր և սցենարիստ
Ծնողներ	հայր՝ Ֆրենկլին Ռիվ, մայր՝ Բարբարա Լեմ
Ամուսին(ներ)	Դանա Ռիվ
Պարգևներ և մրցանակներ	Փրայմթայմ Էմմի մրցանակ Նյու Ջերսիի փառքի սրահ ASCB Public Service Award? Լասկեր-Բլումբերգի հանրային ծառայությունների մրցանակ Հոլիվուդյան փառքի ծառուղու աստղ ; և Audie մրցանակ հեղինակի կողմից պատմելու համար
	christopherreeve.org

Քրիստոֆեր Դ'Օլե Ռիվ (անգլ.՝ Christopher D'Olier Reeve, սեպտեմբերի 25, 1952(1952-09-25)^[1]^[2]^[3]^[…], Նյու Յորք, Նյու Յորք^[4] - հոկտեմբերի 10, 2004(2004-10-10)^[5]^[1]^[2]^[…], Կիսկո լեռ, Վեստչեստեր շրջան, Նյու Յորք, ԱՄՆ), թատրոնի, հեռուստատեսության և կինոյի ամերիկացի դերասան, սցենարիստ, ռեժիսոր, Էմմի մրցանակի դափնեկիր, հասարակական գործիչ։

Կենսագրություն

Ռիվը ծնվել է Նյու Յորք քաղաքում, լրագրողուհի Բարբարա Պիտնիի և բանաստեղծ-վիպասան Ֆրանկլին Դ'Օլե Ռիվի (1928 -2013 թթ.) ընտանիքում։ Քրիստոֆերի երկու ծնողների նախնիները եղել են անգլիացիներ և Ամերիկա են եկել 1600-ական թվականներին։ Քրիստոֆերի հոր պապը՝ Ֆրանկլին Դ'Օլեն (1877-1953 թթ.), 1919-1920 թվականներին եղել է Ամերիկյան լեգեոնի առաջին հրամանատարներից, իսկ պապը՝ Ռիչարդ Հենրի Ռիվը եղել է «Prudential Financial» ամերիկյան ապահովագրական և ներդրումային ընկերության գլխավոր տնօրենը ավելի քան 25 տարի։

Քրիստոֆեր Ռիվը համաշխարհային համբավ է ձեռք բերել 1978 թվականին՝ նկարահանվելով «Սուպերմեն» ֆիլմում։ Նրա մնացած ֆիլմերը մնացել են ավելի քիչ տեսանելի։ Ֆիլմի նկարահանումներից բացի նա խաղացել է թատրոնում, մասնակցել է մի շարք հանրային և գիտական ծրագրերի, բարեգործական միջոցառումների և տարբեր երկրներում մասնակցել արվեստագետների աջակցության, շրջակա միջավայրի պաշտպանության հետ կապված ծրագրերի։ Երեխաների և մարդու իրավունքների պաշտպանության գործում համագործակցել է «Միջազգային համաներում» (անգլ.՝ «Amnesty International») կազմակերպության հետ։

Ռիվը եղել է հեծանվորդ, ջրասուզորդ, զբաղվել է առագաստասպորտով, նվագել է դաշնամուր, երկու անգամ միայնակ փոքրիկ ինքնաթիռով թռչել է Ատլանտյան օվկիանոսի վրայով։

1995 թվականի մայիսի 27-ին Վիրջինիա նահանգում ընկել է ձիուց, ինչի հետևանքով կոտրվել է ողնաշարը։ Բժիշկները չեն կարողացել նրան ոտքի կանգնեցնել և նա մնացել է հաշմանդամ։ Նա չէր կարողանում ինքնուրույն շնչել, խոսում էր հատուկ սարքի միջոցով։ Դրանից հետո նա իրեն նվիրեց վերականգնողական թերապիայի և կնոջ հետ միասին բացեց հաշմանդամների համար ինքնուրույն ապրելու կենտրոն։ Չնայած այդ ամենին Քրիստոֆեր Ռիվն աշխատել է հեռուստատեսությունում, նկարահանվել է ֆիլմերում և զբաղվել հասարակական գործունեությամբ։

Մահացել է 2004 թվականի հոկտեմբերի 10-ին սրտի կաթվածից^[7]։

Ընտանիք

Ռիվն ամուսնացել է 1992 թվականի ապրիլին Դանե Մորոզինայի հետ։ Նույն թվականի հունիսին ծնվել է նրանց որդին՝ Ուիլյամը։ Ռիվը բացի այդ ունի ևս երկու երեխա Գայ Էկստոնից՝ Մեթյուն ( 1979 թ.) և Ալեքսանդրան (1983 թ.)։ 2015 թվականի հունիսի 13-ին Ալեքսանդրան որդի է ունեցել, որին անվանել էն Քրիստոֆեր Ռասսել Ռիվ Ջիվենս՝ ի պատիվ պապին^[8]։

Մրցանակներ

«Ոսկե գլոբուս» մրցանակ (1997 թ.)
«Էմմի» մրցանակ (1997 թ., 1998 թ., 2003 թ.)
BAFTA մրցանակ (1979 թ.)
«Ոսկե ազնվամորի» (1989 թ.)
ԱՄՆ-ի ռեժիսորների «Գիլդիայի» մրցանակ (2005 թ.)
ԱՄՆ-ի դերասանների «Գիլդիայի» մրցանակ (1999 թ.)
«CableACE Award» մրցանակ (1997 թ.)
«Սատուրն» մրցանակ (1979 թ., 1981 թ., 1982 թ., 1983 թ., 1984 թ.)

Ֆիլմեր

Տարեթիվ	Անվանում	Դեր
1974	Մեծ ներկայացումները	սպա
1974—1976	«Կյանքի սերը»	Բեն Հարպեր
1975	«The Wide World of Mystery»	դերասանի անունն անհայտ է
1978	«Սուպերմեն»^[9]	Սուպերմեն, Կլարկ Կենտ
1980	«Սուպերմեն-2»	Սուպերմեն, Կլարկ Կենտ
1980	«Ժամանակին ինչ-որ մի տեղ»	Ռիչարդ Կոլլեր
1982	«Մահացու ծուղակ»	Կլիֆֆորդ Անդերսոն
1982	«Մոնսենյոր»	Ջոն Ֆլայերտի հայրը
1983	«Սուպերմեն-3»	Սուպերմեն, Կլարկ Կենտ
1984	«Բոստոնցիները»	Բեյզիլ Ռենսոմ
1985	«Ավիատորը»	Էդգար Էնսկոմբ
1985	«Աննա Կարենինա»	կոմս Վռոնսկի
1987	«Փողոցային տղան»	Ջոնատան Ֆիշեր
1987	«Սուպերմեն-4, Պայքար խաղաղության համար»	Սուպերմեն, Կլարկ Կենտ
1988	«Ալիքների անջատում»	Բլեյն Բենգեմ
1988	«Մեծ փախուստ 2․ Անորոշ պատմություն»	մայոր Ջոն Դոջ
1990	«Վարդը և շնագայլը»	Ալան Պինկերտոն
1991	«Երազներ մահվան մասին»	Ջորջ Ուեստֆիլդ
1992	«Էյվոնլի ճանապարհը»	Ռոբերտ Ռեզերֆորդ
1992	«Մղձավանջ կեսօրին»	Շոն
1993	«Ծովագայլը»	Խամֆրի Վան Վեյդեն
1993	«Ֆրեյզերը»	Լեոնարդ
1993	«Փառքի առավոտ»	Ուիլլ Պարկեր
1993	«Մնացած օրը»	Ջեկ Լյուիս
1995	«Սև անտառ»	Ալան Ջոնսոն
1995	«Արյունոտ ձի»	Ալան Ջոնսոն
2003	«Փորձաշրջան»	Կեվին Հիլի
2003-2004	«Սմոլվիլի գաղտնիքը»	դոկտոր Վիրջիլ Սվոնն

Աղբյուրներ

Ծանոթագրություններ

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 ^2,2 ^2,3 ^2,4 Internet Broadway Database — 2000.
↑ ^3,0 ^3,1 filmportal.de — 2005.
↑ ^4,0 ^4,1 ^4,2 Deutsche Nationalbibliothek Record #119541599 // Gemeinsame Normdatei (գերմ.) — 2012—2016.
↑ ^5,0 ^5,1 ^5,2 http://www.guardian.co.uk/society/2004/oct/12/health.film
↑ https://laskerfoundation.org/award/public-service/
↑ Прощай, Супермен!
↑ «Alexandra Reeve Givens Welcomes Son Christopher Russel» (անգլերեն). Արխիվացված է օրիգինալից 2015 թ․ հուլիսի 3-ին. Վերցված է 2017 թ․ սեպտեմբերի 20-ին.
↑ Супермен

Վիքիպահեստն ունի նյութեր, որոնք վերաբերում են «Քրիստոֆեր Ռիվ» հոդվածին։

[_e0377745c6d75e93-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_8b4d36ee44a815d2-2] 2,0 ^2,1 ^2,2 ^2,3 ^2,4 Internet Broadway Database — 2000.

[_7e8e23cc8118a046-3] 3,0 ^3,1 filmportal.de — 2005.

[_95ef320ab68fd339-4] 4,0 ^4,1 ^4,2 Deutsche Nationalbibliothek Record #119541599 // Gemeinsame Normdatei (գերմ.) — 2012—2016.

[_63b2b0b3f387677b-5] 5,0 ^5,1 ^5,2 http://www.guardian.co.uk/society/2004/oct/12/health.film

[_b928ff2a7a6b374d-6] ttps://laskerfoundation.org/award/public-service/

[7] Прощай, Супермен!

[8] «Alexandra Reeve Givens Welcomes Son Christopher Russel» (անգլերեն). Արխիվացված է օրիգինալից 2015 թ․ հուլիսի 3-ին. Վերցված է 2017 թ․ սեպտեմբերի 20-ին.

[9] Супермен

[1]

[2]

[3]

[4]

[5]

[6]

[7]

[8]

[9]