Գարի Նևիլ

Գարի Նևիլ; անգլ.՝ Gary Neville
Անձնական տվյալներ
Ամբողջական անուն	Գարի Ալեքսանդր Նևիլ
Ազգությունը	Անգլիացի
Քաղաքացիությունը	Անգլիա
Ծննդյան ամսաթիվ	փետրվարի 18, 1975 (49 տարեկան)
Ծննդավայր	Բերի, Մեծ Մանչեսթեր, Անգլիա
Հասակ	180
Քաշ	77 կիլոգրամ
Դիրք	պաշտպան
Ակումբային տեղեկություններ
Ներկա ակումբ	Ավարտել է ֆուտբոլիստի կարիերան
Պատանեկան կարիերա
1991-2002	Մանչեսթեր Յունայթեդ
Մասնագիտական կարիերա*
Ազգային հավաքական
Մարզչական կարիերա
2012	Անգլիա մարզչական շտաբ
Պարգևներ Անգլիական ֆուտբոլի փառքի սրահ
	* Մասնագիտական կարիերայում ընդգրկված են միայն առաջնության խաղերը և գոլերը:

Գարի Նևիլ (անգլ.՝ Gary Alexander Neville, փետրվարի 18, 1975(1975-02-18)^[1]^[2]^[3], Բերի, Մեծ Մանչեսթեր, Միացյալ Թագավորություն), անգլիացի ֆուտբոլիստ, Մանչեսթեր Յունայթեդի և Անգլիայի հավաքականի պաշտպան։ Ռոյ Քինի հեռանալուց հետո դարձավ Մանչեսթեր Յունայթեդի ավագը։ Նևիլն ամբողջ կարիերայի ընթացքում խաղացել է Օլդ Թրաֆորդում։ Հավաքականում առաջին խաղն անցկացրել է 1995 թվականին։ Ավելի քան 10 տարի խաղացել է եզրային պաշտպանի դիրքում, և համարվում է այդ դիրքի լավագույն խաղացողներից մեկը։

Կարիերա

Նևիլը սկսել է խաղալ հարազատ Բերի ակումբում։ 1991 թվականի հուլիսին միացել է Մանչեսթեր Յունայթեդի ակադեմիային։ 1992 թվականի հունվարին պայմանագիր է կնքել Յունայթեդի հետ։ Դեբյուտը նշել է 1992 թվականին ՈՒԵՖԱ-ի գավաթի Տորպեդոյի դեմ խաղում։ 1994/95 թվականի մրցաշրջանում դարձել է թիմի հիմնական կազմի խաղացող։ 1996 թվականին մասնակցել է Եվրոպայի առաջնությանը։ Նա մասնակցել է բոլոր խաղերին մինչև կիսաեզրափակչում Գերմանիայի հետ հանդիպումը։ 1998 թվականին նա այն 22 ֆուտբոլիստներից էր, որը հայտավորված էր 1998 թվականի ԱԱ-ը։ Նա 4 խաղերից խաղաց 3-ում։ 1998/99 թվականներին նա թիմի հետ նվաճեց Չեմպիոնական տիտղոսները՝ ներքին առաջնությունում և Չեմպիոնների Լիգայում։ Գարին խաղադաշտ դուրս եկավ 54 անգամ և գրավեց Էվերթոնի դարպասը։

2003/04 թվականների մրցաշրջանում նա ևս 2 անգամ դարձավ գոլի հեղինակ։ Գավաթային Սիթիի դեմ խաղում որտեղ նրա հետ մեկտեղ խաղադաշտ էր դուրս եկել Սթիվ Մաքմանամանը նա արժանացավ մեծ համակրանքի չնայած իր հեռացմանը։

2004 թվականի հուլիսին նա նոր հինգամյա պայմանագիր կնքեց թիմի հետ։ Փետրվարին նա առաջին տիտղոսը նվաճեց, որպես ավագ, հաղթելով երկրի գավաթը։

2006/07 թվականներին նա միշտ հայտնվում էր հիմնական կազմում, մինչև որ վնասվածք ստացավ և բաց թողեց մրցաշրջանը։ Նա խաղադաշտ վերադարձավ ՉԼ-ի 1/4 եզրափակչում, Ռոմայի դեմ խաղում։

2010 թվականին նա ստացավ մարզչական լիցենզիա և դարձավ Սըր Ալեքս Ֆերգյուսոնի ավագ օգնականը, մինչև Օլե Գունար Սուլշերի հայնվելը։

2011 թվականի փետրվարի 2-ին նա հայտարարեց կարիերայի ավարտի մասին։ Վերջին տարիներին նա հաճախակի ստանում էր վնասվածքներ։ Ալեքս Ֆերգյուսոնն ասում էր «Նևիլն Անգլիայում լավագույն եզրային պաշտպանն է »^[4]

Մայիսի 24-ին Օլդ Թրաֆորդում Յուվենտուսի դեմ խաղում նա անցկացրեց հրաժեշտի խաղն ավագի թևկապով։

2012 թվականին Ռոյ Հոջսոնը նրան հրավիրեց հավաքականում մարզչական աշխատանքի^[5]։

Գարին Ֆիլ Նևիլի ավագ եղբայրն է, խաղացել է Յունայթեդում 1993-2005 թվականներին։

Անձնական կյանք

Նրա հայրը Նևիլ Նևիլը պրոֆեսիոնալ կրիկետ խաղացող էր։ Մայրը՝ Ջիլը նեթբոլիստ էր։ Նա նույնպես խաղում էր կրիկետ և խաղում էր մինչև 14 տարեկանների թիմում։ Նա 1992 թվականի հուլիսի 19-ին մասնակցել է Ավստրալիայում կայացած պրոֆեսիոնալ առաջնությանը։

Նևիլն ամուսնացել է 2007 թվականի հունիսի 16-ին Էմմա Հեթֆիլդի հետ։ Աղջիկը՝ Մոլին ծնվել է 2009 թվականի հունվարի 11-ին։ Երկրորդ աղջիկը Սոֆին ծնվել է 2010 թվականի մարտի 15-ին։

Ձեռքբերումներ

Մանչեսթեր Յունայթեդ

Պրեմիեր Լիգայի հաղթող- 1995/96, 1996/97, 1998/99, 1999/2000, 2000/01, 2002/03, 2006/07, 2008/09
Անգլիայի գավաթակիր - 1996, 1999, 2004
Անգլիայի Լիգայի գավաթակիր- 2006, 2010
ՈՒԵՖԱ-ի ՉԼ—ի գավաթակիր- 1999, 2008
Անգլիայի սուպերգավաթակիր- 1996, 1997, 2008
Միջմայրցամաքային գավթի հաղթող- 1999
Աշխարհի Ակումբային Առաջնության հաղթող- 2008