Hànzì

Hànzì
Sorçh	Screeu fockle
Çhengaghyn	Çhengaghyn Sheenagh, Shapaanish, Koreeish, Vietnamish
Eash	Eash Ooha ny Sheen - jiu
Ream Unicode	U+4E00 - U+9FAF U+3400 - U+4DBF U+20000 - U+2A6DF
ISO 15924	Hani, Hans (aashagh), Hant (tradishoonagh)
"Hànzì" ayns Hànzì tradishoonagh (toshtal) as Hànzì aashagh (jesh)
Notey: Bee cowraghyn sheeanagh ASE er y duillag shoh ayns Unicode, foddee.

She possan dy chowraghyn screeu fockle eh Hànzì, haink rish 'sy Çheen ayns yn Eash Ooha, myr Screeuyn craueyn oracle. Ga dy vel ny cowraghyn er gaghlaa rish ny keeadyn, ta'n corys hene er varraghtyn. Chammah's ymmyd 'sy Çheen, skeeayll ny cowraghyn dys çheeraghyn elley. Foddee yn ennym "Hànzì" çheet er cowraghyn ymmodee eashyn ny Sheen, as ny keayrtyn, er Hànzì ayns çhengaghyn elley; agh dy mennick, t'eh çheet er screeuyn jeianagh ny Sheen (tradishoonagh ny aashagh).

Hànzì as çhengaghyn Sheenagh

Ta'n chooid smoo jeh çhengaghyn Sheenagh goll er screeu liorish Hànzì (ga dy vel coryssyn elley ec fir jeu, myr sampleyr, Pe'h-ōe-jī son Min Nan).

Bentyn rish Sheenish, t'ad rheynn Hànzì ayns eashyn rere cummey ny cowraghyn:

• Screeuyn craueyn oracle 'syn Eash Ooha.
• Screeuyn seal 'syn Eash Ooha.
• Screeuyn cleragh 'syn Eash Ooha as Eash Yiarn.
• Hànzì tradishoonagh neayr's y 5oo Eash BNJ.
• Hànzì aashagh neayr's 1956 ayns Deynphobblaght ny Sheen (agh ta ny fir tradishoonagh ry-akin foast ayns çheeraghyn elley).

Hànzì as Shapaanish

Ta Kanji Shapaanagh jeh sliught Hànzì. Ta ymmyd jeant jeu mastey ymmodee coryssyn screeuee elley (Hiragana, Katakana as ny keayrtyn, rōmaji).

Shoh sampleyr jeh kione-linney pabyr naight (ass Asahi Shimbun er 19 Averil, 2004) as eshyn jannoo ymmyd jeh'n chiare coryssyn: : kanji (jiarg), hiragana (gorrym), katakana (geayney), as yn Abbyrlhit Romanagh as earrooyn Arabagh (doo):

ラドクリフ、マラソン五輪代表に1万m出場にも含み

Hànzì as Koreeish

Ta Hanja Koreeish jeh sliught Hànzì.

Hànzì as Vietnamish

'Sy Vietnam, v'ad cliaghtey jannoo daa ymmyd jeh. V'ad screeu obbraghyn ard-scollairagh ayns Sheenish Chlassicagh liorish Hán tự (yn ennym v'oc er Hànzì), as lettyraght Vietnamish ayns Chữ Nôm (corys jeant liorish Hànzì as cowraghyn gollrish Hànzì). Rish reill ny Frank, haink quốc ngữ y ve ny screeyn oikoil ayns 1910, as rish mean y 20oo eash va dagh ooilley red screeut liorish, faggys.