Alimosho

Alimosho yin Lẹdo Gandudu Dokọ̀ tọn de to Miná Ikeja tọn, tó Ayimatẹn Awọnlin tọn mẹ to Naijilia. Ewọ wẹ yin lẹdo gandudu dokọ̀ tọn he kló hugan to Awọnlin, bọ sọha mẹhe nọ nọ̀ finẹ lẹ tọn yì 1,288,714, sọgbe hẹ Mẹhihia owhe 2006 tọn (etomọṣo, Gandudu Awọnlin tọn sọta sọha Mẹhihia tọn enẹ bo dọ dọ̀ sọha mẹhe tin to LGD tọn lọ mẹ lẹ su hugan livi awè).

E ko wa yin mimá do Lẹdo Whedo Nukọ̀nyiyi-dindin tọn (Local Community Development Areas (LCDA)) susu. Tito vọjlado bibasi na LCDA tọn lọ bẹjẹeji to anademẹ Bola Ilori, mẹhe yin azìnponọ Gandudu Dokọ̀ tọn Alimosho hoho tọn lọ tọn. Mimá kleunkleun ṣidopo he yin didetọn sọn Alimosho hoho tọn lọ mẹ lẹ wẹ: Agbado/Oke-odo LCDA, Ayobo/Ipaja LCDA, Alimosho LG, Egbe/Idimu LCDA, Ikotun/Igando LCDA po Mosan Okunola LCDA. LGD lọ mẹ wẹ otò-hunnukún Egbeda/Akowonjo tin te.

Alimosho yin didoai to owhe 1945 tọn mẹ podọ e nọ̀ aṣẹpipa agbegbe whèyihọ-waji tọn (western region) tọn glọ to whenẹnu. Suhugan mẹhe nọ nọ̀ Alimosho lẹ tọn wẹ yin Egbado lẹ. Lẹdo lọ tindo nuwiwa aṣà tọn susu lẹ, dehe yin tọ́ntlọ́ngbọ́n to ye mẹ lẹ wẹ hùnwhẹ whemẹ̀whemẹ̀ tọn Olò lẹ, Gunnukó lẹ po Egungun lẹ po tọn. Sinsẹ̀n tangan he to lẹdo lọ mẹ lẹ wẹ, Male po Mẹylọhodotọ́ Klisti tọn lẹ po. Ayọgbe wẹ yè nọ do hugan to lẹdo lọ mẹ.

Wekantẹn Alimosho tọn tintan yin petlezìn onù-awènọ de to tòhomẹ-liho Council tọn ji, fie ko wa yin LCDA Egbe/Idimu tọn todin.

Yẹdide-sedotẹn

• 
  Dotówhé daho Alimosho tọn 3
• 
  Dotówhé daho Alimosho tọn 2
• 
  Dotówhé mẹgopinpọn tọn Bola Ahmed Tinubu tọn to Alimosho

Nọtẹn gbonu tọn lẹ

• Alimosho Local Government