Rexión Norte, Portugal

Rexión Norte, Portugal
Localización
	41°08′59″N 7°36′36″O / 41.149722, -7.61
Estado	Portugal
NUTS 1 (pt)	Portugal continental
Poboación
Poboación	4.196.354 (2007) (197,22 hab./km²)
Xeografía
Superficie	21.278 km²
Comparte fronteira con	Rexión Centro ; Galicia ; Castela e León
Identificador descritivo
Fuso horario	UTC±00:00
Código NUTS	PT11

A Rexión Norte de Portugal é unha rexión que comprende os distritos de Viana do Castelo, Braga, Porto, Vila Real e Braganza, así como parte dos distritos de Aveiro, Viseu e Guarda.

Limita ao norte con Galiza, ao sur coa Rexión Centro de Portugal, ao leste con Castela e León e ao oeste co Atlántico. Ten unha extensión de 21.278 km² (un 24 % do Portugal Continental) e no 2007, na rexión habitaban 4.196.354 persoas (un 37 % do Portugal continental).

Historicamente formaba parte da Gallaecia sur, constituíndo gran parte do Convento Bracarense con sé na vila de Braga. Formou tamén parte do Antigo Reino de Galiza. Cultura, costumes e paisaxe son aínda comúns con Galicia.

Subrexións

Comprende 8 subrexións estatísticas: Alto Trás-os-Montes, Ave, Cávado, Douro, Entre Douro e Vouga, Grande Porto, Minho-Lima e Támega

Composición territorial

A Rexión Norte comprende 86 concellos, un 27,8 % da totalidade do estado.