Parentosoma

Os parentosomas ou parentesomas son un tipo de orgánulo celular que aparece nas células da maioría dos fungos basidiomicetos, que está situado a ambos os lados do poro do septo que separa as células das hifas do fungo. Ditos poros nos basidiomicetos teñen forma de barril e reciben o nome de doliporos e sobre eles, tapándoos parcialmente por ambos os lados, están situados os parentosomas.

A súa existencia xa se coñecía desde 1933 grazas aos traballos iniciais sobre a materia de Buller, pero foron Moore e McAlear en 1962 os que denominaron a estas estruturas dos septos como doliporo e parentosoma (parenthesome), respectivamente, xa que os parentosomas eran como cúpulas con forma de parénteses ortográficas situadas sobre os poros septais. A forma destes orgánulo é moi variada, e poden ser perforados, imperforados, divididos en varias seccións cupuliformes ou con varias aberturas e sección descontinua. As variacións na súa forma serven para identificar especies e grupos e establecer as súas relacións filoxenéticas.

A función destes orgánulos non está clara e a súa composición non foi aínda completamente establecida.

Esquema da situación dun parentosoma na célula. 1. parentosoma. 2. doliporo no septo que separa as dúas células. 3. parede celular. 4 e 5. dúas células da hifa do fungo.

Notas

• Müller W. H. et al., Structural differences between two types of basidiomycete septal pore caps, Microbiology 1998 Jul; 144 (Pt 7):1721-30.
• Sneh, B, et al., Rhizoctonia Species: Taxonomy, Molecular Biology, Ecology, Pathology and Disease Control. Springer, 1996.
• Buller, A.H.R., The translocation of protoplasm through septate mycellium of certain Pyrenomycetes, Discomycetes and Hymenomycetes. "Researches on Fungi", vol V, p. 75-167. Londres. Longmans. 1933.
• Moore R.T., McAlear, J.H., Fine structure of mycota. 7. Observations on septa of ascomycetes and basidiomycetes. "American Journal of Botany" 49, pp. 86–94. 1962.

Véxase tamén

Outros artigos

• Fungos
• Basidiomicetos
• Corpo de Voronin
• Corpo de Berkeley
• Corpo polar do fuso
• Spitzenkörper

Ligazóns externas

A. Marie Patton, Roger Marchant. A Mathematical Analysis of Dolipore/Parenthesome Structure in Basidiomycetes. 1978. https://web.archive.org/web/20101224065638/http://mic.sgmjournals.org/cgi/reprint/109/2/335.pdf