Medicina tradicional
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde agosto de 2017.) |
A medicina tradicional engloba o conxunto de prácticas e técnicas empregados para fins medicinais desenvolvido ó longo de xeracións dentro de varias sociedades de todo o mundo antes da era da medicina moderna.
A Organización Mundial da Saúde define medicina tradicional como:
- "A suma total dos coñecementos, habilidades e prácticas baseadas en teorías, crenzas e experiencias orixinadas en diferentes culturas, xa sexan explicadas ou non, utilizadas no mantemento da saúde, así como na prevención, diagnóstico, mellora ou tratamento de enfermidades físicas e mentais".[1]
Outros nomes
[editar | editar a fonte]
.jpg)
Tamén é coñecido co nome de medicina herbal debido ó feito de que a maioría dos remedios son parte de terapias tradicionais que inclúen herbas medicinais, partes de plantas ou produtos de orixe vexetal. O uso de diferentes drogas, segundo os diferentes pobos tradicionais deu orixe ó nome de etnofarmacoloxía.
Outro nome aplicado para as prácticas curativas tradicionais é medicina popular ou medicina folclórica (en inglés: Folk medicine), xa que moitas destas técnicas son parte do folclore étnico local ou están intimamente relacionados.
Tamén se aplica o termo medicina alternativa no conxunto de prácticas medicinais tradicionais, incluíndo os doutras culturas ou países, como a medicina tradicional chinesa, a terapia manual tradicional do Xapón, e o ayurveda. Estes teñen en común o feito de que eles non forman parte das ciencias da saúde da medicina convencional.[2]
En Galicia existen aínda hoxe exemplos de medicina tradicional como os compoñedores[3].
Notas
[editar | editar a fonte]- ↑ Organización Mundial da Saúde. Xiaorui Zhang, ed. General Guidelines for Methodologies on Research and Evaluation of Traditional Medicine (PDF) (en inglés). Xenebra. p. 1.
- ↑ Bratman, MD, Steven (1997). The Alternative Medicine Sourcebook. Lowell House. pp. 7. ISBN 1565656261.
- ↑ "Definición da palabra compoñedor". academia.gal. Consultado o 2018-09-19.
