Macastre

Macastre

Localización
39°22′58″N 0°47′10″O
Estado	España
Comunidade autónoma	Comunidade Valenciana
Provincia	provincia de Valencia
Comarca da Comunidade Valenciana	Foia de Bunyol
Capital	Macastre
Poboación
Poboación	1.437 (2023) (38,12 hab./km²)
Lingua oficial	lingua castelá (lingua predominante)
Xeografía
Superficie	37,7 km²
Altitude	360 m
Comparte fronteira con	Alborache Dos Aguas Yátova
Santo padrón	Bárbara de Nicomedia
Organización política
• Alcaldesa	Vicente Manuel Montó Miralles (en)
Identificador descritivo
Código postal	46368
Fuso horario	UTC+01:00
Código INE	46158
Código ARGOS de concellos	46158
Páxina web	macastre.es

Macastre é un municipio sito na comarca da Foia de Bunyol, no País Valenciano. No ano 2008 (INE) tiña 1.293 habitantes. A súa área é de 37,7 km². Limita cos concellos de Alborache, Dosaigües e Iàtova.

Xeografía

Situado entre as concas os ríos Bunyol e Magre. O seu relevo é bastante accidentado, constituído por pequenas elevacións e lombas de materiais cretáceos integrados no Sistema Ibérico. Na metade norte destaca o "turó" do Castell (430 m), ao pé do cal se asenta a poboación de Macastre. Logo de salvarse a "rambla" ou cavorco de La Horteta, o terreo torna elevarse, como no Puntal de Santa Bàrbara (400 m) e no da Foia da Estanquera (429 m); despois aparece o val do río Magre e na outra banda, no extremo sur, comezan os primeiros contrafortes da serra de Dosaigües, de maiores proporcións que as alturas do termo de Macastre.

Historia

Mapa dos municipios de Siete Aguas Buñol, Chiva e Macastre (1721)

Os restos máis antigos atopados en Macastre corresponden á Idade de Bronce. Xa na Idade Media, no ano 713, hai un tratado de capitulación no que es testemuña a presenza musulmá. En 1122 hai noticia de que o rei de Aragón Afonso I (1073-1134) recadaba parias dos almorábides. En 1238, tras a capitulación de Valencia, os castelos, vilas e alcarías (granxas) son organizadas en "fogos" e repartidos por Jaume I (1208-1276), de maneira que dan lugar ao señorío de Bunyol que abrazaba, máis ou menos, os límites da actual comarca da Foia de Bunyol, que foi concedido, o 28 de abril de 1238, a Roderic de Liçana, quen o transferiu logo á orde do Hospital. Até a expulsión dos mouriscos, en 1609, a poboación medraba con rapidez –64 familias en 1563 e 98 en 1602-, axudada pola importancia estratéxica do seu castelo, sito a cabalo dos reinos de Valencia e de Castela, pero esta medra demográfica viuse frustrada co desterro dos mouros e, se ben o 10 de novembro de 1611 se concedeu carta de poboación a diversas familias cristiás polo señor territorial, Gaspar Mercader e Carroç, señor de Macastre, estes novos poboadores non chegaban a unha vintena de veciños. Até o século XVIII non se produciu a recuperación demográfica que, desde aquela altura sempre ten sido dun moderado ascenso cun devalo durante as décadas centrais do XX.

Demografía

Evolución demográfica

1990	1992	1994	1996	1998	2000	2002	2004	2006	2007
825	857	932	997	1.000	1.050	1.066	1.137	1.201	1.299

Economía

A economía do concello baséase tradicionalmente na agricultura de secaño, con predominio do cultivo de oliveira, viñedo e alfarrobeira. Produce aceite de oliveira de excelente calidade.

Monumentos

Un paseo pola localidade permite gozar da Plaza de los Árboles, con árbores centenarias; da fonte do Bolot, realizada nos inicios do XX con azulexos de estilo modernista e máis dunha boa mostra da arquitectura rural do interior.

Dentro do seu patrimonio debe salientarse aínda:

• O castelo, berce da poboación, xa que a súa fundación podería datarse na Idade de Bronce, aínda que o seu esplendor corresponde á época islámica, no século. Actualmente áchase en lamentábel estado de ruína, mais o concello está a estudar crear nel un parque arqueolóxico.
• Igrexa da Transfiguración do Salvador, do século XVII, con fermoso campanario barroco.

Festas e celebracións

• Festas patronais, teñen lugar durante a primeira quincena de agosto. Están dedicadas aos patronos, San Salvadorei Santa Bárbara.
• Semana taurina, inmediatamente logo das festas patronais, ao longo dunha semana.
• Festas das Fillas de María, na primeira fin de semana de setembro. Ademais dos actos relixiosos en honra da Virxe, realízanse verbenas, cabalgadas, ofrendas de flores, mascletades (disparos de canóns ad hoc) e castelos de fogos artificiais.

Véxase tamén

Ligazóns externas

• Web do concello de Macastre