iBet uBet web content aggregator. Adding the entire web to your favor.
iBet uBet web content aggregator. Adding the entire web to your favor.



Link to original content: http://gl.wikipedia.org/wiki/Míchel_Alonso
Míchel Alonso - Wikipedia, a enciclopedia libre Saltar ao contido

Míchel Alonso

Na Galipedia, a Wikipedia en galego.
Modelo:BiografíaMíchel Alonso
Nome orixinalMiguel Ángel Alonso Naya
Biografía
Nacemento24 de xullo de 1974 (50 anos)
Ferrol, España Editar o valor en Wikidata
Actividade
Ocupaciónfutbolista, adestrador de fútbol Editar o valor en Wikidata
Deportefútbol Editar o valor en Wikidata
Traxectoria Editar o valor en Wikidata
  Equipo Número de partidos xogados Puntos/goles/tantos anotados
–   UD Somozas

Miguel Ángel Alonso Naya, máis coñecido como Míchel Alonso, nado en Ferrol o 24 de xullo de 1974, é un adestrador de fútbol galego.

Traxectoria

[editar | editar a fonte]

Adestrou nas canteiras do Racing de Ferrol e do CD As Pontes e en marzo de 2003 colleu as rendas do primeiro equipo do club pontés, que militaba na Segunda B, en substitución de Víctor Pellón "Calpita".[1] O equipo acabou descendendo pero Míchel Alonso foi renovado para a seguinte tempada e dirixiu o equipo en Terceira ata a súa dimisión en maio de 2004.[2] Para a tempada 2005/06 fichou pola SD O Val, na que foi a segunda campaña en Terceira da súa historia.[3] Con todo, estivo só uns meses no cargo, que deixou en novembro tralos malos resultados.[4]

No ano 2006 regresou ao Racing de Ferrol como segundo adestrador de José Luis Vara, e trala destitución deste, de Manolo García.[5] Deixou o club no verán de 2007 e en xaneiro de 2009 comezou a súa segunda etapa como adestrador do O Val, desta vez na Primeira Autonómica. Con todo, esta nova etapa durou menos de dous meses, pois a finais de febreiro foi elixido polo Racing de Ferrol para substituír no banco ao cesado Manolo Sánchez. O equipo ferrolán ocupaba a sétima posición do seu grupo de Segunda B no momento da súa chegada, e rematou a tempada na mesma posición, lonxe do seu obxectivo do ascenso, polo que Míchel Alonso non continuou no club.

En 2010 converteuse en adestrador do Ordes, co que logrou facilmente a permanencia na Terceira División,[6] e na tempada seguinte pasou ao Somozas, tamén de Terceira.[7] Adestrou a este último equipo durante catro anos, e na tempada 2013-14 logrou un histórico ascenso á Segunda B, ao rematar o equipo primeiro do seu grupo.[8] Ao ano seguinte cumpriu o obxectivo de manter ao equipo na categoría e recibiu unha oferta de renovación, pero decidiu deixar o club.[9]

O 14 de xuño de 2016 foi presentado como adestrador do Racing de Ferrol por segunda vez,[10] sendo cesado catro meses despois debido aos malos resultados.[11] En maio de 2017 volveu a coller as rendas do Somozas, recentemente descendido de novo a Terceira,[12] finalizando en sexta posición e deixando o club ao final da tempada. En maio de 2018 incorporouse ao Rápido de Bouzas como director deportivo,[13] pero en outubro pasou a ser adestrador do equipo de forma provisional tras a rescisión do contrato de Xurxo Otero.[14] Finalmente ocupou o posto durante todo o resto da tempada.[15]

En xuño de 2019 foi anunciado como novo adestrador do Coruxo, na Segunda B.[16] En novembro conseguiu clasificar o Coruxo para a Copa do Rei por primeira vez na súa historia, tras chegar ás semifinais da Copa Federación.[17] Adestrou o club vigués durante dúas campañas e en xuño de 2021 fichou polo Formentera, da Segunda RFEF.[18]

Na súa primeira tempada no club balear acabou a liga na sétima posición, a só dous puntos da promoción de ascenso. Renovado para unha segunda campaña,[19] logrou a permanencia tras acabar 11º, e a continuación decidiu deixar o banco balear, a pesar de ter unha oferta para continuar.[20]

En outubro de 2023 foi anunciado como novo adestrador do Compostela, da mesma categoría, onde substituíu o cesado Manel Menéndez.[21] A pesar dun bo comezo con sete vitorias nos dez primeiros partidos, a chegada do 2024 devastou estas boas sensacións, sumando o equipo só nove puntos dos trinta posibles. Tras vinte partidos ligueiros adestrando o Compostela o propio Míchel recoñeceu a mala situación e presentou a súa dimisión, sendo a derrota ante a UP Langreo o golpe final.[22]

Na tempada 2024/25, fichou polo Arousa, prometendo ante os medios darlle importancia a canteira na súa etapa.[23]

Palmarés

[editar | editar a fonte]
Somozas

Notas

[editar | editar a fonte]
  1. ↑ "Estreno de Míchel Alonso". La Voz de Galicia (en castelán) (Ferrol ed.). 23 de marzo de 2003. p. 47. 
  2. ↑ "Paseo en Brollón". La Voz de Galicia (en castelán) (Ferrol ed.). 30 de maio de 2004. p. 43. 
  3. ↑ "El ascenso del Negreira mantiene en Tercera a O Val". La Voz de Galicia (en castelán) (Ferrol ed.). 27 de xuño de 2005. p. 42. 
  4. ↑ "Carlos Rodríguez retorna al banquillo de O Val". La Voz de Galicia (en castelán) (Ferrol ed.). p. 40. 
  5. ↑ Aneiros, María (26 de febreiro de 2009). "El Racing apuesta por Míchel para ascender". El Correo Gallego. Arquivado dende o orixinal o 23 de setembro de 2015. Consultado o 18 de marzo de 2015. 
  6. ↑ "Míchel Alonso deja el Ordes y se compromete con el Somozas". La Voz de Galicia (en castelán) (Ferrol ed.). 19 de xuño de 2011. p. 12. 
  7. ↑ Valencia, José (18 de xullo de 2011). "Michel Alonso: «Veo a Racing y Pontevedra un punto por encima del resto»". La Voz de Galicia. Consultado o 18 de marzo de 2015. 
  8. ↑ Antelo, Iván (12 de maio de 2014). "Entre el cielo y el infierno". La Voz de Galicia (en castelán). Consultado o 11 de outubro de 2021. 
  9. ↑ "Míchel Alonso no renovará por el Somozas". La Voz de Galicia (en castelán). 3 de xuño de 2015. Consultado o 11 de outubro de 2021. 
  10. ↑ "El Racing confía en Míchel Alonso para dirigir el nuevo proyecto"
  11. ↑ "Tena regresa al banquillo del Racing de Ferrol tras la destitución de Míchel Alonso" (en castelán). 17 de outubro de 2016. Consultado o 19 de decembro de 2019. 
  12. ↑ "Míchel Alonso se hará cargo nuevamente del Somozas" (en castelán). 17 de maio de 2017. Consultado o 19 de decembro de 2019. 
  13. ↑ "Míchel Alonso será el director deportivo del Bouzas" (en castelán). 30 de maio de 2018. Consultado o 19 de decembro de 2019. 
  14. ↑ "Míchel Alonso se hace cargo del Rápido". Faro de Vigo (en castelán). 19 de outubro de 2018. Consultado o 19 de decembro de 2019. 
  15. ↑ "Míchel Alonso, jefe de todo" (en castelán). 1 de novembro de 2018. Consultado o 19 de decembro de 2019. 
  16. ↑ "Míchel Alonso, novo adestrador do Coruxo". Faro de Vigo. 20 de xuño de 2019. Consultado o 19 de decembro de 2019. 
  17. ↑ "O Coruxo apela á ilusión ante a súa histórica cita de Copa". La Voz de Galicia. 17 de decembro de 2019. Consultado o 19 de decembro de 2019. 
  18. ↑ "Míchel Alonso ocupará el banquillo del Formentera". La Voz de Galicia (en castelán). 24 de xuño de 2021. Consultado o 11 de outubro de 2021. 
  19. ↑ "Míchel Alonso renueva con la SD Formentera". Diario de Ibiza (en castelán). 12 de maio de 2022. Consultado o 9 de novembro de 2023. 
  20. ↑ "Míchel Alonso: «El primer año merecíamos el ‘playoff’»". Periódico de Ibiza y Formentera (en castelán). 18 de maio de 2023. Consultado o 3 de setembro de 2023. 
  21. ↑ "Michel Alonso, novo adestrador da SD Compostela". 18 de outubro de 2023. Consultado o 9 de novembro de 2023. 
  22. ↑ "Michel Alonso dimite como adestrador do Compostela". 18 de marzo de 2024. Consultado o 24 de marzo de 2024. 
  23. ↑ "Míchel Alonso: «Non veño adestrar a Terceira RFEF, veño adestrar ao Arousa»". 5 de xuño de 2024. Consultado o 12 de agosto de 2024. 
Traído desde «https://gl.wikipedia.org/w/index.php?title=Míchel_Alonso&oldid=6896888»