Jaime Romero

Jaime Romero
	;
Biografía
Nacemento	31 de xullo de 1990 (34 anos); Valdeganga, España
Altura	176 cm
Peso	74 kg
Actividade
Ocupación	futbolista
Período de actividade	2008 -
Deporte	fútbol
Posición de xogo	Extremo esquerdo
–
Traxectoria

Jaime Romero Gómez, nado o 31 de xullo de 1990 en Valdeganga (Albacete), é un futbolista profesional español da canteira do Albacete Balompié que actualmente xoga como centrocampista no Córdoba Club de Fútbol.

Traxectoria

Nado en Valdeganga (Albacete), Castela-A Mancha, Jaime Romero formouse nas categoría inferiores do Albacete Balompié, principal equipo da súa provincia natal. Con tan só dezaoito anos, na campaña 2008−09, debuta co primeiro equipo naquela altura da Segunda División. Cos albaceteños xoga todos os partidos menos seis e anota tres tantos. O seu rendemento lévao a xogar coa selección española sub-19 e a asinar co Udinese Calcio da Serie A, máxima categoría do fútbol italiano, nun traspaso valorado en 1,8 millóns de euros. O seu debut co equipo de Udine produciuse o 8 de novembro de 2009 na derrota do seu equipo na casa ante a ACF Fiorentina. Nesa temporada acaba xogando tres partidos máis na máxima categoría: ante a Juventus FC, o Bologna FC 1909 e como titular ante o A.C. Siena.^[1]

Na seguinte temporada é cedido a outro equipo da Serie A, o A.S. Bari de la Serie A italiana, onde disputa dez partidos de liga, cinco deles como titular. Na temporada seguinte regresa a España para xogar cedido no Granada C.F., sendo o primeiro reforzo do club no seu regreso á Primeira División. En dúas temporadas no club andaluz na máxima categoría xoga vinte e nove partidos onde anota un gol. O seu debut na máxima categoría sería o 27 de agosto de 2011 no Estadio Nuevo Los Cármenes na derrota por 0−1 do seu equipo ante o Real Betis. O seu primeiro gol en Primeira chega o 11 de abril no minuto dous no empate 2−2 na casa do seu equipo ante o Athletic Club.

En xaneiro de 2013 sae do equipo nazarí para xogar cedido no Orduspor da Süper Lig, máxima categoría do fútbol turco. Alí xoga once encontros antes do fin da temporada. Para a temporada 2013−14 é cedido ao Real Madrid Castilla, filial do Real Madrid. O 2 de xaneiro chega debutar co primeiro equipo nun amigábel en Qatar ante Paris Saint-Germain, xogando a segunda parte completa en substitución de Cristiano Ronaldo. Ao ano seguinte é cedido ao Real Zaragoza, onde é chave para que o conxunto chegue á final dos playoffs de ascendo a Primeira. Alí permanece outro ano máis até que o 4 de xullo de 2016 C.A. Osasuna de Primeira División. Tras o descenso de categoría dos navarros, o 8 de xullo de 2017 asina polo Córdoba C.F. por 500.000 euros. O 17 de xaneiro anúnciase a súa cesión ao Club Deportivo Lugo.

Clubs

Club	Categoría	Ano	Partidos	Goles
Albacete Balompié	Segunda	2008−2009	36	3
Udinese Calcio	Serie A (1ª)	2009−2010	4	0
A.S. Bari	Serie A (1ª)	2010−2011	10	0
Granada C.F.	Primeira	2011−2012	18	1
Granada C.F.	Primeira	2012−2013	11	0
Orduspor	Süper Lig (1ª)	2013	11	0
Real Madrid B	Segunda	2013−2014	32	2
Real Zaragoza	Segunda	2014−2015	28	7
Real Zaragoza	Segunda	2015−2016	9	1
C.A. Osasuna	Primeira	2016−2017	19	0
Córdoba C.F.	Segunda	2017−2018	17	0
Lugo	Segunda	2018	18	2

Notas

↑ "Partidos. Jaime Romero Gómez. 2009-10". BDFútbol.

Véxase tamén

Ligazóns externas

Datos do xogador en bdfutbol.com (en inglés)
Datos do xogador en Transfermarkt (en inglés)

[1] "Partidos. Jaime Romero Gómez. 2009-10". BDFútbol.

[1]