George Carlin

George Carlin
	; (1975)
Biografía
Nacemento	(en) George Denis Patrick Carlin ; 12 de maio de 1937 ; Nova York, Estados Unidos de América
Morte	22 de xuño de 2008 (71 anos); Santa Monica, Estados Unidos de América
Causa da morte	insuficiencia cardíaca; infarto agudo de miocardio
Relixión	Ateísmo e católico non practicante
Educación	Cardinal Hayes High School (en) ; Bishop Dubois High School (en)
Altura	175 cm
Actividade
Ocupación	actor, monologuista, locutor de radio, xornalista, guionista, humorista, compositor, actor de dobraxe, presentador de televisión, actor de televisión, escritor, actor de cinema, humorista, produtor
Período de actividade	1956 - 2008
Xénero artístico	Comedia observacional, character comedy (en) , humor absurdo (pt) , ribaldry (en) , Humor negro, Ironía e sátira
Movemento	Ateísmo
Selo discográfico	Atlantic Records
Obra
	Obras destacables seven dirty words (en) ;
Familia
Cónxuxe	Sally Wade (1998–2008); Brenda Carlin (1961–1997)
Fillos	Kelly Carlin; () Brenda Carlin
Premios
	(2009) Premio Grammy do Salón da Fama, premiado polo traballo Class Clown (en) ; (2008) Premio de Mark Twain ao humor estadounidense; (2008) Grammy Award for Best Comedy Album (en) ; (2001) Grammy Award for Best Comedy Album (en) ; (2001) Emperor Has No Clothes Award (en) ; (2000) Grammy Award for Best Comedy Album (en) ; (1993) Grammy Award for Best Comedy Album (en) , premiado polo traballo Jammin' in New York (en) ; (1972) Grammy Award for Best Comedy Album (en) , premiado polo traballo FM & AM (en) ; estrela no Paseo da Fama de Hollywood ;
	Sinatura
Sitio web	georgecarlin.com

George Denis Patrick Carlin, nado o 12 de maio de 1937 en Nova York e finado o 22 de xuño de 2008 en Santa Monica (California), foi un humorista, actor e escritor estadounidense que gañou cinco Grammy polos seus álbums de comedia^[1].

Traxectoria

Carlin caracterizouse pola súa actitude irreverente, o seu humor negro e os seus pensamentos contracorrente en política, lingua inglesa, psicoloxía, relixión, e varios suxeitos considerados tabú pola sociedade estadounidense da época. Carlin e a súa comedia "Seven dirty words" foi o eixo da decisión do Tribunal Supremo dos Estados Unidos no caso F.C.C. v. Pacifica Foundation (1978), que outorgou poder ao goberno para regulamentar o contido das emisións públicas de radio para evitar a utilización de linguaxe indencente.

O primeiro dos seus 14 especiais de comedia en vivo para a HBO gravouse en 1977. Na década de 1990 e 2000 centrou as súas actuacións en asuntos de política contemporánea estadounidense e satirizou o exceso de cultura americana. O seu derradeiro especial, It's Bad for Ya, gravouse tan só catro meses antes da súa morte.

Carlin sitúase segundo na lista que fixo Comedy Central dos 100 mellores cómicos en vivo de todos os tempos, superado por Lenny Bruce.^[2] Carlin participou frecuentemente en The Tonight Show durante as tres décadas da era Johnny Carson e foi o anfitrión do primeiro episodio de Saturday Night Live (1975). Gravou 19 álbums de comedia e seis recompilatorios, en vida publicou catro libros entre eles Brain Droppings (1997) que recibiu un Grammy pola súa versión en audiolibro, participou en varios filmes e tivo o seu propio programa de televisión The George Carlin Show (1994-1995).

Notas

↑ "Comedian George Carlin wins posthumous Grammy". Reuters. 8 de febreiro de 2009. Consultado o 2009-02-08.
↑ "Stand Up Comedy & Comedians". Comedy Zone. Consultado o 2006-08-10.

Véxase tamén

[1] "Comedian George Carlin wins posthumous Grammy". Reuters. 8 de febreiro de 2009. Consultado o 2009-02-08.

[2] "Stand Up Comedy & Comedians". Comedy Zone. Consultado o 2006-08-10.

[1]

[2]