Francisco Javier Rodríguez Vílchez

Francisco Javier Rodríguez Vílchez
	; (2013)
Biografía
Nacemento	17 de xuño de 1978 (46 anos); Almería, España
Altura	174 cm
Peso	70 kg
Actividade
Ocupación	futbolista, adestrador de fútbol
Deporte	fútbol
Posición de xogo	Dianteiro
1997–1999
Traxectoria

Francisco Javier Rodríguez Vílchez, nado en Almería o 17 de setembro de 1978, é un exfutbolista e actual adestrador de fútbol español. Xogaba de dianteiro sendo aínda hoxe o máximo goleador da historia da UD Almería no fútbol profesional. O seu último club como xogador foi o Orihuela Club de Fútbol.

Traxectoria

Como futbolista

Debuta como profesional en Tercera división na tempada 1995/96 no Plus Ultra CF de Almería, aínda en idade xuvenil. As súas boas actuacións propician a súa fichaxe polo primeiro equipo xuvenil do RCD Espanyol de Barcelona para a tempada 1996/97. Tras esta etapa, xoga dúas tempadas no Club Polideportivo Almería, onde chamou a atención dos técnicos do Valencia CF e foi incorporado ao filial deste en 1999. Posteriormente, disputou a tempada 2000/01 no Polideportivo Ejido, en calidade de cedido.

No mercado de inverno da tempada 2001/02 incorpórase á Unión Deportiva Almería onde logra o ascenso a Segunda División. Permaneceu no equipo ata a tempada 2003/04 cando, ao finalizar o seu contrato marcha libre ao Albacete, que entón militaba en Primeira división. Malia que a súa marcha non supuxo beneficio económico para o club, non foi criticado pola afección da súa terra, ao comprender esta que o xogar en Primeira era unha oportunidade irrechazable por Francisco, que se encontraba nun gran momento de forma. No seu periplo en Primeira división apenas xoga e tan só marca tres goles: un foi o gol do Albacete na súa derrota no Estadio Santiago Bernabéu ante o Real Madrid, e outro no Estadio Vicente Calderón ante o Atlético de Madrid, que destacou pola súa bela factura e foi considerado entre algúns medios especializados (como Estudio Estadio, en Televisión Española) un dos mellores goles da tempada 2004/05.

No mercado de inverno da tempada 2005/06 foi traspasado novamente á UD Almería. Con motivo do ascenso do Almería a Primeira o 19 de maio de 2007, recibiu, xunto ao presidente Alfonso García; o adestrador Unai Emery; e o primeiro capitán, José Ortiz; o Escudo de Ouro da Cidade de Almería concedido polo Concello da devandita cidade. En agosto de 2007, é cedido por período dun ano ao Granada 74. En 2008 volve ao Almería despois da súa cesión, pero rescindiu o seu contrato e fichou polo Alicante CF. En xaneiro de 2010, tras estar seis meses sen equipo e adestrando co filial da Almería, fichou polo Orihuela de Segunda División B para retirarse ao final da devandita campaña.

Como adestrador

En 2011, Francisco converteuse no adestrador do Almería B. Na tempada 2012/13 estivo preto de clasificar ao filial almeriense para a promoción de ascenso a Segunda división. O 29 de xuño de 2013 foi nomeado técnico do primeiro equipo.^[1] Malia ser o adestrador máis novo da tempada 2013-14^[2] e non gañar ningún dos 10 primeiros partidos, a directiva confiou nel e finalmente logrou dirixir o seu equipo cara á permanencia.^[3] Iso sérvelle para seguir un ano máis no banco almeriense. Ao ano seguinte, pese a estar fóra dos postos de descenso co orzamento máis pequeno da categoría é cesado. Ao seu seguinte club é o UCAM Murcia da Segunda División, equipo que case consegue salvar a pesar de estar en postos de descenso. Na temporada 2016−17 asina co Club Deportivo Lugo

Notas

↑ AS, ed. (29 de xuño de 2013). "Francisco, novo adestrador do Almería para o próximo curso".
↑ El País, ed. (4 de xullo de 2013). "Francisco, novo técnico do Almería".
↑ Axencia EFE (18 de maio de 2014). Sport, ed. "O Almería logra o empate que necesitaba para seguir en Primeira".

Véxase tamén

Ligazóns externas

Ficha na páxina web da UD Almería (en castelán)
Ficha en BDFutbol (en castelán)

[1] AS, ed. (29 de xuño de 2013). "Francisco, novo adestrador do Almería para o próximo curso".

[2] El País, ed. (4 de xullo de 2013). "Francisco, novo técnico do Almería".

[3] Axencia EFE (18 de maio de 2014). Sport, ed. "O Almería logra o empate que necesitaba para seguir en Primeira".

[1]

[2]

[3]