Espírito Santo, Brasil

Espírito Santo, Brasil
	Espírito Santo (pt)
	Bandeira Brasón
Himno	Hino do Espírito Santo (pt)
Epónimo	Espírito Santo
Localización
	20°15′S 40°15′O / -20.25, -40.25
Estado	Brasil
Capital	Vitória
Contén a división administrativa	Afonso Cláudio (pt) ; Alegre (pt) ; Alfredo Chaves (pt) ../... 78+
Poboación
Poboación	3.885.049 (2014) (84,32 hab./km²)
Lingua usada	Língua puri (pt) ; Guaraní mbyá ; Língua koropó (pt) ; Lingua baixo alemá ; Lingua tupiniquim
Xeografía
Parte de	Rexión Sueste do Brasil
Superficie	46.077,5 km²
Altitude	756 m
Punto máis alto	Pico da Bandeira (pt) (2.891,32 m)
Comparte fronteira con	Estado do Río de Xaneiro ; Minas Xerais ; Baía
Datos históricos
Precedido por	Província do Espírito Santo (pt)
Creación	1889
Organización política
Órgano executivo	secretariado do governo do Espírito Santo (pt)
• Governador (pt)	Max Freitas Mauro (pt) (1987–1991); Albuíno Cunha de Azeredo (pt) (1991–1995); Vitor Buaiz (pt) (1995–1999); José Ignácio Ferreira (pt) (1999–2003); Paulo Hartung (pt) (2003–2011); Renato Casagrande (pt) (2011–2015); Paulo Hartung (pt) (2015–2019); Renato Casagrande (pt) (2019–)
Órgano lexislativo	Assembleia Legislativa do Espírito Santo (pt) , (Escano: 30)
Identificador descritivo
Fuso horario	UTC−03:00; America/Sao_Paulo (en)
ISO 3166-2	BR-ES
Sitio web	es.gov.br

Espírito Santo é un estado brasileiro ao leste da Rexión Sueste. Limita ao leste co océano Atlántico, ao norte cos estados de Baía e Minas Xerais, ao oeste con Minas Xerais, e ao sur co estado do Río de Xaneiro. A súa capital é Vitória.

Xeografía

A súa superficie de 45.597 km² é semellante en tamaño á de Estonia. Presenta unha variedade de hábitats, incluíndose a planicie costeira, lagos, unha variedade de formacións de montañas, bosques de montaña, mangleiral e moitos outros.

Topografía

O estado pode ser dividido en dúas áreas: a planicie costeira e as montañas interiores, que forman a serra. A parte máis alta da serra chámase Serra do Caparaó (cuxo punto máis alto -Pico da Bandeira- atinxe a 2.890 m de altitude).

Clima

O clima do Espírito Santo é seco en xeral, e quente ao norte do río Doce. O clima de montaña é máis frío chegando ao clima tropical de altitude nas rexións máis altas, como o oeste e o suroeste. O clima predominante nas planicies costeiras é o tropical, tendendo a tropical seco no norte. En xeral o verán é chuvoso e o inverno é seco.

Ríos e lagos

O principal río do estado é o río Doce, que nace no veciño estado de Minas Xerais. Outro importante río é o Santa María, que desemboca próximo á illa onde se sitúa a capital, Vitória.

O estado ten unhas 26 lagoas, próximas ás marxes do río Doce. A máis importante delas é a Lagoa Juparanã.

Economía

Os cultivos máis importantes no estado son o arroz, o café (un dos máis importantes produtos de exportación agrícolas do Brasil), o cacao, a cana de azucre, o feixón, as froitas, (principalmente a banana e a papaia), e o millo.

Da cría de animais para fins comerciais, a máis importante é de gando, que é criado tanto para produción de carne como de leite. Destaca tamén a avicultura, que vende en todo Brasil e tamén exporta. As industrias de enlatados, produtos forestais, téxtiles, o aceiro e a minería de ferro son tamén grandes importantes. O estado acolle a maior fábrica de aproveitamento das minas de ferro do mundo (Val do Rio Doce), e unha das maiores industrias de produción de papel e celulosa do mundo, a Aracruz.

Os portos de Vitória e Tubarão son importantes para a exportación do mineral de ferro e do aceiro, e ademais na costa da rexión de São Mateus atopouse recentemente petróleo, o que impulsou a economía estatal, estando en vigor acordos comerciais para a súa explotación.

O turismo vén crecendo en importancia na economía de estado pero a maioría dos viaxeiros son de estados veciños, e non doutros países, así que os beneficios do turismo aínda son pequenos, en comparación con outros estados. Destinos turísticos coñecidos inclúen a zona costeira con cidades como Guarapari, Jacaraípe e Manguinhos. Pero cada vez máis os destinos de montaña gañan popularidade, como Domingos Martins e Castelo.

Véxase tamén

Outros artigos

Ligazóns externas

Sitio web oficial