Elche Club de Fútbol

Elche
Nome	Elche Club de Fútbol, S.A.D.
Alcume(s)	Franjiverdes Ilicitanos
Fundación	1923
Estadio	Martínez Valero, Elx, España
Inauguración	1976
Capacidade	39.750
Propietario	Christian Bragarnik
Presidente	Joaquín Buitrago Marhuenda
Adestrador	Eder Sarabia
Liga	Primeira División
2021–22	Primeira División, 13.º de 20
Na rede
Sitio web oficial
Titular Alternativo Terceiro

O Elche Club de Fútbol, S.A.D. (en valenciano: Elx Club de Futbol) é un club de fútbol español con sede social na cidade de Elx (Alacant). Actualmente compite na Primeira División tras ascender na tempada 2019-20.

Historia

O Elche Football Club foi fundado en 1922, coa unión de varios clubs da cidade, entre eles o Illice, o Sporting e o Gimnástica de Elche. Na tempada 1958–59 logra o seu primeiro ascenso a 1ª División, manténdose nesta categoría durante doce tempadas consecutivas. O seu maior éxito conségueo na tempada 1968-69 cando accede á final da Copa do Xeneralísimo, (actual Copa do Rei), proclamándose subcampión contra o Athletic Club.

Uniforme

• Primeiro equipamento: Camiseta branca cunha franxa horizontal verde, pantalón branco e medias brancas.
• Segundo equipamento: Camiseta negra, pantalón negro e medias negras.

Estadio

Artigo principal: Estadio Martínez Valero.

O Estadio Martínez Valero, foi inaugurado o 8 de setembro de 1976, substituíndo ao antigo campo de Altabix (1926). Obra do arquitecto Juan Boix Matarredona, é na actualidade o maior recinto deportivo da provincia de Alacant. Conta cun aforamento de 41.000 localidades, divididas en dúas gradarías. Ten unha altura de 18 metros e un peso de 100 millóns de quilos. O terreo de xogo ten unhas dimensións de 108 metros de longo por 70 de ancho, e o aparcadoiro pode albergar 2.184 vehículos. O Martínez Valero dispón dun sistema de vixilancia por cámaras, unha rede de altofalantes e dous videomarcadores, situados nos aneis norte e sur do estadio.

Estadio Martínez Valero en Elx.

O partido inaugural foi Elche C.F. - Selección de México, onde empataron a tres. Os goles do Elche C.F nese partido conseguíronos Finarolli, Orellana e Gómez Voglino. Ademais, nel xogouse a final da Copa do Rei da tempada 2002/03. Formou parte dos estadios onde levaron a cabo os partidos da Copa Mundial de Fútbol de 1982.

O Elche Club de Fútbol dispuxo doutros estadios, como o El Clot, El Cementerio, Stadium de Elche (Campo de Don Jeremías) e do Altabix.

Datos do club

Visión do Martínez Valero nun partido do trofeo Festa d'Elx entre o Elche CF e o FC Barcelona en 2003.

• Tempadas en 1ª: 22 (Incluída a 2020/21)
  • Mellor posto: 5º (tempada 1963-64)
• Tempadas en 2ª: 37
  • Mellor posto: 1º (tempadas 1958-59 e 2012-13)
• Tempadas en 2ªB: 7
  • Mellor posto: 2º (tempada 1996-97)
• Tempadas en 3ª: 19
  • Mellor posto: 1º (tempada 1957-58)
• Posto na Clasificación histórica de Primeira división: 23º

Denominacións

• Elche Football Club (1923-1939).
• Elche Club de Fútbol (1939-1997).
• Elche Club de Fútbol Sociedad Anónima Deportiva (Desde 1997).

Xogadores

Categoría principal: Xogadores do Elche CF.

Cadro actual

Datos do 31 de xaneiro de 2014

Nº Posto País Xogador 1 POR Manu Herrera 2 DEF Damián Suárez 3 DEF Alberto Botía (cedido polo Sevilla) 4 DEF David Lombán 6 MED Rubén Pérez (cedido polo Atlético de Madrid) 7 MED Aarón Ñíguez 8 MED Sergio Mantecón 9 DIA Richmond Boakye (cedido polo Juventus) 10 MED Javi Flores 11 DIA Coro 13 POR Toño 14 DIA Manu del Moral (cedido polo Sevilla)

Nº Posto País Xogador 15 DIA Carles Gil (cedido polo Valencia) 16 MED Fidel 17 MED Javi Márquez (cedido polo Mallorca) 18 DEF Sergio Pelegrín 19 DEF Cristian Săpunaru 21 DEF Edu Albácar 23 DEF Domingo Cisma 24 DEF Carlos Sánchez 25 MED Garry Rodrigues (cedido polo Levski Sofia) 26 DEF Charlie I'Anson 27 DIA Álvaro Giménez 28 DIA Cristian Herrera

Cedidos

Nº Posto País Xogador POR Leandro (na Ponferradina)

Palmarés

Torneos nacionais

• Segunda División (2): 1958−59, 2012−13
• Terceira División (7): 1940−41, 1943−44, 1944−45, 1947−48, 1954−55, 1956−57, 1957−58
• Subcampión da Copa do Xeneralísimo (1): 1968−69
• Subcampión da Copa RFEF (1): 1999−00
• Subcampión da Segunda División (2): 1972−73, 1987−88
• Subcampión da Segunda División B (1): 1996−97
• Subcampión da Terceira División (6): 1929−30, 1932−33, 1933−34, 1945−46, 1946−47, 1948−49

Torneos amigables

• Trofeo Festa d'Elx (25): 1961, 1962, 1963, 1965, 1968, 1972, 1973, 1976, 1977, 1978, 1980, 1981, 1982, 1987, 1988, 1992, 1993, 1994, 1996, 1997, 2005, 2006, 2009
• Trofeo Carabela de Plata (2): 1999, 2007
• Trofeo Ciudad de Alcoy (1): 2008
• Trofeo Puma (1): 2009
• Trofeo Concepción Arenal (1): 1978

Distincións especiais

• Trofeo Antuerpen (1): 1966-67

Filial

Artigo principal: Elche Club de Fútbol Ilicitano.

O Elche Ilicitano é o equipo filial do Elche Club de Fútbol, chamado nas súas orixes Club Deportivo Ilicitano. Fundouse en 1932 coa intención de servir como canteira para o primeiro equipo. Actualmente milita no grupo IV da Rexional Preferente da Comunidade Valenciana. Na década de 1960 chegou a xogar en 2ª división.

Véxase tamén

Ligazóns externas

• Sitio web oficial do Elche
• Fundación do Elche
• Web do fútbol base de Elche