El Ejido

El Ejido
Localización
	36°46′59″N 2°49′00″O / 36.783055555556, -2.8166666666667
Estado	España
Comunidade autónoma	Andalucía
Provincia	Provincia de Almería
Capital	El Ejido (en)
Contén a división administrativa	El Ejido (en)
Poboación
Poboación	89.975 (2023) (396,37 hab./km²)
Xeografía
Parte de	Berja Notary District (en) ; Poniente Almeriense (en)
Superficie	227 km²
Bañado por	Mar Mediterráneo
Altitude	80 m
Comparte fronteira con	Balanegra (en) ; La Mojonera ; Vícar ; Dalías ; Roquetas de Mar
Organización política
• Q126367773	Francisco Gongora Cara (en)
Identificador descritivo
Código postal	04700
Fuso horario	UTC+01:00
Código INE	04902
Páxina web	elejido.es

El Ejido é concello e cidade española da provincia de Almería, na comunidade autónoma de Andalucía, situada na comarca do Poniente Almeriense, a 32 km da capital de provincia, Almería.

En 2011 tiña 83.774 habitantes e era o terceiro municipio máis poboado da provincia por detrás de Almería e Roquetas de Mar. A súa extensión superficial é de 227 km² e ten unha densidade de 376,16 hab/km².

Xeografía

Situación

Noroeste: Dalías	Norte: Dalías	Nordés: Dalías e Vícar
Oeste: Berja		Leste: La Mojonera
Suroeste: mar Mediterráneo	Sur: mar Mediterráneo	Sueste: Roquetas de Mar

O termo municipal de El Ejido atópase na comarca do Poniente Almeriense, entre o sistema montañoso da Serra de Gádor ao norte e o mar Mediterráneo ao sur. A súa xeografía está constituída principalmente por unha planicie de 45 msnm de altitude, que sofre lixeiras ondulacións (outeiros e valgadas), sendo a vexetación orixinaria de arbustos (esparto, oliveira brava, lentisco etc). A franxa costeira do municipio, de 27 quilómetros de lonxitude, posúe zonas húmidas de importancia ecolóxica.

Limita ao norte co municipio de Dalías, ao leste cos municipios de Roquetas de Mar, La Mojonera e Vícar, ao oeste co de Berja e ao sur co mar Mediterráneo.

Clima

O clima da comarca é mediterráneo, con invernos suaves (12 °C) e veráns calorosos (28 °C). As precipitacións son escasas (286 mm anuais), e acumúlanse no outono, inverno e primavera, sendo os meses máis húmidos decembro e xaneiro.

Historia

En tempos antigos, os primeiros habitantes de Murgi proviñan do Cerrón de Dalías. El Ejido ten a súa orixe nos pastores e agricultores que se estableceron no Campo de Dalías para explotar os seus recursos, case todos procedían da Alpujarra. Na década dos 50 do século XX, El Ejido non tiña máis de 3.000 habitantes, e é en 1956 cando o Instituto Nacional de Colonización no Campo de Dalías realiza diversos ensaios sobre a aplicación dos enarenados na zona.

Estes ensaios son exitosos e é a partir de 1961 cando se implantan de forma xeral os enarenados baixo invernadoiro, ademais doutros sistemas como o sistema de rega por goteo, inventado en Israel. A poboación do Campo de Dalías creceu a un ritmo imparable, así como a súa prosperidade económica como consecuencia dos anteriores factores.

El Ejido pertencía ao municipio de Dalías, ata que en 1981 nunha sesión plenaria e cun posterior acordo co Consello Permanente da Xunta de Andalucía trasladouse a El Ejido a capitalidade dese municipio e posteriormente en 1982 polo Real Decreto 2251/1982 de 30 de xuño establécese a segregación dos núcleos de Dalías e Celín que se constituíron nun novo municipio con capital en Dalías.^[1] Actualmente, debido á gran cantidade de invernadoiros que se atopan na zona, dise que El Ejido se atopa no corazón do «Mar de plástico».

Demografía

Evolución demográfica
1996	1998	1999	2000	2001	2002	2003	2004	2005	2006	2007	2008	2009
47.610	50.170	51.485	53.008	55.710	57.063	61.265	63.914	68.828	75.969	78.105	80.987	84.227

O municipio divídese nos seguintes núcleos de poboación, segundo o nomenclátor de poboación publicado polo INE (Instituto Nacional de Estadística). Os datos de poboación refírense a 2010:

Entidade	Pob. (2010)
Almerimar	6.246
Balerma	4.380
El Ejido	44.965
Guardias Viejas	519
Matagorda	2.242
Las Norias de Daza	9.963
Pampanico	1.230
San Agustín	3.833
Santa María del Águila	11.059
Tarambana	952

Economía

A economía ejidense cimenta as súas bases na agricultura intensiva (invernadoiros), ao redor da cal xerouse unha rica industria auxiliar de comercialización dos produtos hortícolas a nivel nacional e internacional. Así, a produción de tomates, pementos, xudías etc. o motor da economía deste municipio, cuxo éxito reside nun control a distintos niveis: creación de sementes e patróns de estándares de consumo, control de crecemento e especialización da produción para responder ás demandas dos distintos mercados, e a xeración dunha rede de comercialización a nivel internacional para asegurar a colocación da produción.

Recentemente produciuse unha transformación xeneralizada das técnicas de control de pragas dos cultivos hortícolas, de maneira que na maioría dos invernadoiros as pragas combátense mediante loita biolóxica, no canto de loita química.^[2]

O turismo, concentrado na franxa costeira, constitúe outro das bases do desenvolvemento deste municipio.

Algunhas das cuestións xurdidas nos últimos anos no municipio son a sobreexplotación dalgúns dos xacementos acuíferos ou a crise crecente do modelo de comercialización e produción ante a competencia de países non europeos con custos de produción máis reducidos.

El Ejido estase convertendo no centro comercial e administrativo da comarca do Poniente Almeriense. As distintas administracións públicas e empresas privadas foron facendo investimentos para alcanzalo: El Ejido acolle o Palacio de Xustiza, Axencia Estatal da Administración Tributaria e centro da Seguridade Social e CAISS.

Política e administración

Administración municipal

A administración política do municipio realízase a través dun Concello de xestión democrática cuxos compoñentes elíxense cada catro anos por sufraxio universal. O censo electoral está composto por todos os residentes empadroados nel Ejido maiores de 18 anos e nacionais de España e dos outros países membros da Unión Europea.

Segundo o disposto na Lei do Réxime Electoral Xeneral, que establece o número de concelleiros elegibles en función da poboación do municipio, a Corporación Municipal de El Ejido está formada por 25 concelleiros.

Desde 2011 exerce o cargo de alcalde, Francisco Góngora Cara, do Partido Popular.

Eleccións municipais en El Ejido.^[3]
Partido político	2019		2015		2011		2007
Partido político	Votos %	Concelleiros	Votos %	Concelleiros	Votos %	Concelleiros	Votos %	Concelleiros
Partido Popular (PP)	32,56%	9	48,06%	14	49,06%	13	16,00%	4
Vox	24,76%	7	0,42%	0	-	-	-	-
Partido Socialista Obrero Español de Andalucía (PSOE-A)	18,87%	5	24,88%	7	16,07%	4	21,00%	6
Ciudadanos	13,89%	4	5,39 %	1	-	-	-	-
Izquierda Unida Los Verdes-Convocatoria por Andalucía (IULV-CA)	4,56%	0	8,10%	2	8,10%	2	6,24%	0
Unión Progreso y Democracia (UPyD)	2,08%	0	6,25%	1	9,19%	2	-	-
Partido de Almería (PAL)	-	-	3,28%	0	15,26%	4	51,71%	15

Alcaldes

Estes son os alcaldes de El Ejido desde 1982, ano da separación entre Dalías e El Ejido:

Lista de alcaldes desde 1982
Mandato	Alcalde	Partido político
1982–1983	José Antonio García Acien	UCD
1983–1987	Juan Callejón Baena	PSOE
1987–1991	Juan Callejón Baena	PSOE
1991–1995	Juan Antonio Enciso Ruiz	PP
1995–1999	Juan Antonio Enciso Ruiz	PP
1999–2003	Juan Antonio Enciso Ruiz	PP
2003–2007	Juan Antonio Enciso Ruiz	PP-PAL
2007–2011	Juan Antonio Enciso Ruiz*	PAL
2011–2015	Francisco Góngora Cara	PP
2015-2019	Francisco Góngora Cara	PP

Patrimonio

Laimún, un monumento funerario e símbolo do municipio.
O gran mosaico romano de Ciavieja. Foi descuberto nunha escavación non arqueolóxica, que destruíu unha parte.
A Torre de Balerma.
O Castelo de Guardias Viejas da época de Carlos III de España.

Notas

↑ Boletín Oficial del Estado (ed.). "BOE número 104 de 2/5/1983". Arquivado dende o orixinal o 04/12/2011. Consultado o 10 de decembro de 2009.
↑ Vídeo sobre a agricultura en el Ejido Arquivado 23 de decembro de 2009 en Wayback Machine. — Ayuntamiento de El Ejido.
↑ Ministerio do Interior (ed.). "Resultados Eleccións Municipais 2007. El Ejido". Arquivado dende o orixinal o 24 de novembro de 2011. Consultado o 3 de xuño de 2010.

Véxase tamén

Ligazóns externas

Sitio web oficial do Concello de El Ejido (en castelán)

[1] Boletín Oficial del Estado (ed.). "BOE número 104 de 2/5/1983". Arquivado dende o orixinal o 04/12/2011. Consultado o 10 de decembro de 2009.

[2] Vídeo sobre a agricultura en el Ejido Arquivado 23 de decembro de 2009 en Wayback Machine. — Ayuntamiento de El Ejido.

[3] Ministerio do Interior (ed.). "Resultados Eleccións Municipais 2007. El Ejido". Arquivado dende o orixinal o 24 de novembro de 2011. Consultado o 3 de xuño de 2010.

[1]

[2]

[3]