iBet uBet web content aggregator. Adding the entire web to your favor.
iBet uBet web content aggregator. Adding the entire web to your favor.



Link to original content: http://gl.wikipedia.org/wiki/Ana_Peleteiro
Ana Peleteiro - Wikipedia, a enciclopedia libre Saltar ao contido

Ana Peleteiro

Na Galipedia, a Wikipedia en galego.
Modelo:BiografíaAna Peleteiro

(2019) Editar o valor en Wikidata
Biografía
Nacemento(es) Ana Peleteiro Brión Editar o valor en Wikidata
3 de marzo de 1995 Editar o valor en Wikidata (29 anos)
A Coruña, España Editar o valor en Wikidata
EducaciónInstitut Nacional d'Educació Física de Catalunya Editar o valor en Wikidata
Altura171 cm Editar o valor en Wikidata
Peso52 kg Editar o valor en Wikidata
Actividade
Ocupaciónatleta Editar o valor en Wikidata
Nacionalidade deportivaEspaña Editar o valor en Wikidata
Deporteatletismo Editar o valor en Wikidata
Disciplina deportivaTriplo salto Editar o valor en Wikidata
Adestrado porBenjamin Compaoré (2024–)
Iván Pedroso (2016–2024) Editar o valor en Wikidata
Traxectoria Editar o valor en Wikidata
  Equipo Competición
- FC Barcelona de atletismo
- Club Atletismo Adidas
Participou en
2 de agosto de 2024athletics at the 2024 Summer Olympics – women's triple jump (en) Traducir (6ª)../... 25+ Editar o valor en Wikidata
Familia
CónxuxeBenjamin Compaoré (2023–) Editar o valor en Wikidata
ParellaBenjamin Compaoré (2021–)
Nélson Évora (2016–2021) Editar o valor en Wikidata
Premios
IMDB: nm11118521 Twitter: apeleteirob Instagram: apeleteirob IAAF: 14454805 Editar o valor en Wikidata

Ana Peleteiro Brión, nada en Ribeira o 2 de decembro de 1995, é unha atleta galega, especialista en triplo salto. Considerada a atleta galega máis destacada de todos os tempos, foi campioa de Europa tanto ao aire libre como en pista cuberta, gañou unha medalla de bronce nos Xogos Olímpicos de Toquio 2020 e outros dous bronces nos Campionatos Mundiais de Atletismo en Pista Cuberta. Asombrou desde moi nena, batendo os récords de España cadete, xuvenil, júnior e promesa e, con 16 anos, foi campioa do mundo júnior no Estadio Olímpico de Barcelona, cun salto de 14,17 m, batendo ademais o récord nacional absoluto.[1][2]

Proclamouse en 15 ocasións campioa absoluta de España de triplo salto, sete delas ao aire libre e oito en pista cuberta, a primeira en febreiro de 2014, aínda en idade júnior.[3] No Mundial de atletismo en pista cuberta de 2018, disputado en Birmingham, acadou o bronce en triplo salto cunha distancia de 14,40 m. No campionato de Europa absoluto de atletismo de 2018 celebrado en Berlín conseguiu a medalla de bronce, a primeira medalla conseguida por un atleta galego nun campionato de Europa.

En 2019 proclamouse campioa de Europa de pista cuberta de triplo salto cunha marca de 14,73 metros, novo récord de España, no Campionato de Europa de Atletismo en Pista Cuberta disputado en Glasgow.[4] Nos Xogos Olímpicos de Toquio 2020 bateu o seu propio récord de España cunha marca de 14,87 m, coa que conseguiu a medalla de bronce, o primeiro metal olímpico da historia do atletismo galego. En 2024 gañou o seu segundo bronce no mundial en pista cuberta e proclamouse por segunda vez campioa de Europa, desta vez ao aire libre, nos campionatos celebrados en Roma. Na actualidade está en posesión de tres récords absolutos de Galicia e dous de España, así como varios máis en categorías inferiores.[5]

Foi elixida mellor atleta española júnior dos anos 2011,[6] 2012,[7] e 2013, pola Real Federación Española de Atletismo.[8] No ano 2012 recibiu o Premio Nacional do Deporte, no 2013 o Premio Princesa de Asturias S.A.R. Doña Letizia e no 2020 a Medalla Castelao.

Traxectoria

[editar | editar a fonte]

Primeiros pasos

[editar | editar a fonte]

Ana Peleteiro comezou a súa carreira deportiva en Ribeira, da man de María José Martínez Patiño e Carlos Aldán, na Asociación de Atletismo e Deportes do Barbanza,[9] compaxinando as especialidades de velocidade (50 e 100 metros lisos), salto de lonxitude e triplo salto, adestrada por Abelardo Moure.

En xaneiro de 2010 proclamouse na Coruña campioa galega cadete en pista cuberta de triplo salto e salto de lonxitude, batendo na primeira das disciplinas o récord autonómico cadete, con 11,24 metros.[10] En febreiro proclamouse en Oviedo campioa de España cadete en pista cuberta tanto en triplo salto como en salto de lonxitude, cunhas marcas de 11,46 m e 5,30 m respectivamente.[11] Dous meses despois bateu o récord galego de triplo salto cadete ao aire libre, cunha marca de 12,12 superando en 43 centímetros a anterior marca de 1996.[12] En maio no campionato ao aire libre celebrado no Barco de Valdeorras, proclamouse campioa galega cadete tanto en triplo salto como en salto de lonxitude. Na primeira semana de xuño, no Campionato de España de Seleccións Autonómicas, logrou outro ouro en triplo salto cunha marca de 12,33, novo récord nacional cadete.[13] Unhas semanas despois no Campionato de España cadete ao aire libre só puido ser terceira en triplo salto e cuarta en lonxitude.[14]

Comezou 2011 proclamándose, con 15 anos de idade, campioa galega absoluta de triplo salto e subcampioa en lonxitude, no autonómico celebrado no Pazo dos Deportes de Riazor,[15] resultados que repetiu dúas semanas despois no autonómico xuvenil. En marzo participou en Zaragoza no seu primeiro Campionato de España como xuvenil, conseguindo o ouro en triplo salto e establecendo unha nova marca nacional nesa categoría de idade, con 12,70 metros, 27 centímetros máis que a marca anterior.[16] Ademais, no mesmo certame, gañou a prata no salto de lonxitude, cun salto de 5,68 m.[17] En maio, no nacional de seleccións, superou por primeira vez os 13 metros no triplo salto, establecendo unha nova mellor marca nacional xuvenil, e conseguindo o segundo mellor salto do ano desa categoría en todo o mundo.[18] Volveu superar os 13 metros no nacional ao aire libre, subindo de novo ao máis alto do podio.[19]

En xullo de 2011 disputou o seu primeiro campionato do mundo, en categoría xuvenil. O seu salto de 12,92 permitiulle subir ao terceiro caixón do podio na proba celebrada en Lille.[20] Unhas semanas despois conquistou a medalla de ouro no Festival Olímpico da Mocidade Europea celebrado na cidade turca de Trebisonda.[21] Rematou o ano sendo elixida mellor atleta júnior de España, galardón que repetiu ao ano seguinte, xunto ao de mellor adestrador para Abelardo Moure.[22][23]

En xaneiro de 2012 competiu na primeira Copa de Galicia de clubs formando parte do Ría de Ferrol, club asociado a ADT Barbanza, batendo o seu propio récord galego absoluto de triplo salto en pista cuberta, saltando até os 13,20 m, o que significaba 20 cm máis do saltado un ano antes por ela mesma no escenario da Polideportiva de Riazor (A Coruña). Esta marca significaría ademais un novo récord en categoría júnior en España, mellorando os 12,61 m que Vanesa Peñalver lograra en Alacant en 1998, pero Peleteiro aínda non contaba coa idade suficiente para que a marca fose homologable.[1][24][25] Uns días despois revalidou o seu título absoluto de triplo salto e logrou tamén o de salto de lonxitude no campionato en pista cuberta celebrado no Pazo dos Deportes de Riazor, batendo a súa propia marca de triplo e o récord galego absoluto de lonxitude, que levaba 36 anos en posesión de Ángeles Moinelo. Superou en tres centímetros a marca da antiga atleta do Deportivo da Coruña, deixando o novo récord en 5,87 m.[26][27] En marzo logrou o campionato galego xuvenil en pista cuberta en ambas disciplinas.[28]

En xullo proclamouse campioa do mundo júnior no campionato celebrado en Barcelona, cun salto de 14,17 metros, unha distancia superior aos 14,10 que clasificaron a Patricia Sarrapio para os Xogos Olímpicos de Londres.[29]

Salto á Blume

[editar | editar a fonte]

En febreiro de 2013 disputou a súa primeira competición absoluta, no Campionato de España en pista cuberta en Sabadell, onde logrou a medalla de prata por detrás de Patricia Sarrapio, cun salto de 13,75 m, récord nacional júnior e promesas.[30] Dúas semanas despois participou no Campionato de España júnior en Antequera, obtendo dúas novas medallas, o ouro no triplo salto e o bronce no salto de lonxitude.[31]

En xuño decidiu dedicarse preferentemente ao triplo salto e cambiar de adestrador e de residencia,[32] trasladándose a Madrid, ao Centro de Alto Rendemento de Madrid, onde se puxo ás ordes de Juan Carlos Álvarez, aloxándose na Residencia "Joaquín Blume", dependente do Consello Superior de Deportes de España.[9] En xullo proclamouse campioa júnior en Castelló de la Plana e participou no Campionato Europeo Júnior na localidade italiana de Rieti, de onde volveu coa medalla de bronce, cun mellor salto de 13,29.[33][34]

No campionato de España de atletismo en pista cuberta, celebrado en Sabadell en febreiro de 2014, proclamouse por primeira vez campioa de España absoluta de triplo salto, cun rexistro de 13,91 m, conseguindo nova marca de España júnior.[3][35][36] En marzo revalidou en Donostia o título de campioa júnior de triplo salto en pista cuberta e sumou o de 60 metros lisos.[37][38] En xuño en Pontevedra converteuse na campioa galega absoluta dos 100 metros lisos, cun tempo de 11,93 segundos, establecendo un novo récord galego que mantivo durante sete anos, ata que foi superado en 2021 por Adi Iglesias.[39][40] Uns meses despois gañou tamén o ouro no Campionato de España júnior ao aire libre en Alcobendas.[41]

Decaemento e volta ao primeiro plano

[editar | editar a fonte]
Ana Peleteiro saltando no Campionato europeo de atletismo en pista cuberta. Belgrado, 2017.

Desde o verán de 2014 Peleteiro sufriu un decaemento deportivo. En Eugene (Oregón), o 5 de xullo de 2014, saltou 13,71 m, quedando clasificada no sexto posto no Mundial júnior. En febreiro de 2015 volveu do campionato de España de categoría promesas de Antequera con dous metais: prata en 60 metros lisos e bronce no triplo salto. Con todo, en agosto proclamouse campioa de España de triplo salto, no Campionato de España celebrado en Castelló de la Plana, o seu primeiro ouro absoluto ao aire libre[42] e ao ano seguinte logrou outro ouro no Campionato de España de atletismo en pista cuberta celebrado en Madrid.[43] A iso uniuse o seu paso por Lisboa, a onde se mudou na primavera de 2016 para preparar a súa participación nos Xogos de Río dese ano, aos que tivo que renunciar por problemas físicos. A etapa portuguesa durou pouco. Meses despois púxose en mans do adestrador cubano Iván Pedroso, e foi vivir a Guadalajara.[9]

En febreiro de 2017 proclamouse por terceira vez campioa de España en pista cuberta, nos campionatos celebrados en Salamanca,[44] e en marzo quedou quinta no Campionato de Europa absoluto de pista cuberta celebrado en Belgrado.[45] En xullo dese ano logrou o ouro no Campionato de España de atletismo en Barcelona[46] e a prata no Campionato de Europa sub-23 celebrado en Bydgoszcz. Un mes despois disputou no Estadio Olímpico de Londres o Campionato do Mundo, logrando o sétimo posto na final, cun salto de 14,23 m.[47]

Bronce europeo, bronce mundial e récord de España

[editar | editar a fonte]

No mundial de atletismo en pista cuberta de 2018, disputado en Birmingham, acadou a medalla de bronce en triplo salto cunha distancia de 14,40 m.[48] O bronce de Birmingham e habituarse a estar sempre por riba dos 14 m reflicte todo un cambio de técnica.[49] Tamén ese ano revalidou os dous títulos de campioa de España: en pista cuberta en Valencia cunha marca de 14,22 e ao aire libre en Xetafe con 14,55, batendo a súa mellor marca persoal.[50][51][52]

O 11 de agosto de 2018, aos seus 22 anos, obtivo a medalla de bronce no concurso de triplo salto do campionato europeo en Berlín, cun mellor salto de 14,44 m, a un centímetro da prata, que foi para a alemá Kristin Gierisch; o ouro foi para a grega Paraskevi Papachristou, que saltou 14,60 m. A galega estivo en posicións de podio de principio a fin do concurso. Fixo dous moi bos saltos, pero que resultaron nulos.[53] Foi a primeira medalla europea para un atleta galego en toda a historia.[54]

Campioa de Europa

[editar | editar a fonte]
Co premio "Princesa de Asturias", outorgado en 2012.

Na mañá do 3 de marzo de 2019, no campionato de Europa en pista cuberta, en Glasgow, cun salto de 14,73 m fixo historia no deporte español, alzándose coa medalla de ouro e, ademais, bateu en 9 centímetros o récord de España de triplo salto, en poder de Carlota Castrejana con 14,64 m desde 2007.[55][56] Ademais en setembro proclamouse de novo campioa de España de triplo salto en La Nucía (Alacant) cun salto de 14,20.[57]

Mundial de Doha

[editar | editar a fonte]

En outubro de 2019 participou no Campionato do mundo de atletismo ao aire libre celebrado en Doha. Meteuse na final cun salto de 14,23 m[58] e na final rematou sexta cunha mellor marca de 14,47, lonxe dos 15,37 da súa compañeira de adestramentos, a venezolana Yulimar Rojas.[59] Un mes despois do Mundial foi galardoada co Premio Deporte Galego á mellor deportista galega feminina de 2018.[60][61] Fíxolle entrega do premio o presidente da Xunta, Alberto Núñez Feijóo, o 28 de novembro no Auditorio de Lalín.[62]

Prata europea e 11º campionato de España

[editar | editar a fonte]

En marzo de 2020 conquistou o seu quinto campionato de España en pista cuberta, en Ourense. Con molestias nun xeonllo preferiu non arriscar e bastoulle con saltar 13,90 para gañar o campionato.[63]

O 20 de febreiro de 2021 logrou en Madrid o seu décimo campionato de España de triplo salto, o sexto en pista cuberta, cunha marca de 14,21 m.[64] Dúas semanas despois, no Europeo baixo teito de Toruń (Polonia), acadou a medalla de prata, saltando 14,52 metros e quedando a un centímetro do ouro da portuguesa Patrícia Mamona.[65] En xuño en Xetafe, proclamouse campioa de España por 11ª vez (5ª ao aire libre), cun salto de 14,61 que foi ademais a mellor marca española da historia ao aire libre.[66]

Bronce olímpico en Toquio 2020

[editar | editar a fonte]

Despois de dominar de xeito absoluto o triplo salto español durante o último lustro, disputou en Toquio os seus primeiros Xogos Olímpicos. Comezou a súa andaina olímpica o 30 de xullo, meténdose na final cun salto de 14,62, a súa mellor marca persoal do ano e a mellor marca española da historia nos Xogos.[67] Na final disputada o día 1 de agosto, conseguiu a medalla de bronce, a primeira medalla olímpica na historia do atletismo galego.[68] Fíxoo despois de bater por dúas veces o récord de España, deixándoo en 14,87 m, marca coa que rematou terceira por detrás da venezolana Yulimar Rojas (que bateu o récord do mundo con 15,67 m) e a portuguesa Patrícia Mamona (15,01 m).[69]

En febreiro de 2022, en Ourense, gañou o seu sétimo campionato de España en pista cuberta, igualando en títulos a Patricia Sarrapio, que acabou segunda na mesma proba, a máis de metro de Peleteiro.[70] En xullo de 2023 gañou un novo título ao aire libre, cun salto de 14,21, pero non conseguiu a mínima para o Campionato do Mundo de Budapest.[71] En febreiro de 2024 recuperou en Ourense o título de campioa de España en pista cuberta e conseguiu a mínima para o campionato do mundo en pista cuberta de Glasgow.[72] Na cidade escocesa realizou un salto de 14,75 metros, co que superou por dous centímetros os 14,73 que conseguira exactamente cinco anos antes no mesmo lugar e que eran a súa mellor marca persoal. Con este salto meteuse no podio e levou a segunda medalla de bronce mundial da súa carreira, por detrás da atleta de Dominica Thea Lafond (ouro con 15,01 m) e a cubana Leyanis Pérez (prata con 14,90).[73] Uns meses despois revalidou o título de campioa de España ao aire libre, cunha marca de 14,27.[74]

Xogos Olímpicos de 2024

[editar | editar a fonte]

Chegou aos Xogos de París con altas expectativas, despois dos bos resultados recentes e ante a ausencia da venezolana Yulimar Rojas.[75][76] Iniciou a competición o 2 de agosto, conseguindo o pase á final no seu primeiro salto (14,36 metros). Ao día seguinte disputou a final, que tivo que verse interrompida pola choiva que caía no Stade de France. Realizou un mellor salto de 14,59 m., insuficiente para achegarse ás medallas, acabando finalmente sexta.[75] Máis tarde afirmou que a choiva a afectara psicoloxicamente durante a competición.[77]

Tralos Xogos de París deixou o equipo de Iván Pedroso, despois de oito anos traballando con el, e regresou a Ribeira para ser adestrada polo seu esposo Benjamin Compaoré nas instalacións de atletismo que levan o seu nome, dentro do Estadio Municipal da Fieiteira.[78][79]

Marcas persoais

[editar | editar a fonte]
Data Especialidade Lugar Marca[80]
3 de marzo de 2024 Triplo salto (pista cuberta) Glasgow 14,75 m
1 de agosto de 2021 Triplo salto (aire libre) Toquio 14,87 m
28 de xaneiro de 2012 Salto de lonxitude (pista cuberta) A Coruña 5,87 m
18 de maio de 2019 Salto de lonxitude (aire libre) Eivisa 6,07 m
15 de xuño de 2014 100 metros lisos (aire libre) Pontevedra 11,93 s
15 de febreiro de 2014 60 metros lisos (pista cuberta) Madrid 7,56 s
9 de febreiro de 2013 50 metros lisos (pista cuberta) A Coruña 6,66 s

     Récord nacional      Récord galego

Palmarés

[editar | editar a fonte]

Triplo salto

[editar | editar a fonte]

Salto de lonxitude

[editar | editar a fonte]

100 m lisos

[editar | editar a fonte]

Resultados

[editar | editar a fonte]

Resultados nacionais

[editar | editar a fonte]
Data Competición Lugar Resultado
Categorías cadete, xuvenil, júnior e promesas
2010 Campionato de España de atletismo cadete en pista cuberta, en triplo salto Oviedo 1ª
Campionato de España de atletismo cadete en pista cuberta, en salto de lonxitude 1ª
Campionato de España de atletismo cadete, en triplo salto Pamplona 3ª
2011 Campionato de España de atletismo xuvenil en pista cuberta, en triplo salto Zaragoza 1ª
Campionato de España de atletismo xuvenil en pista cuberta, en salto de lonxitude 2ª
Campionato de España de atletismo xuvenil, en triplo salto Granollers 1ª
2013 Campionato de España de atletismo júnior en pista cuberta, en triplo salto Antequera 1ª
Campionato de España de atletismo júnior en pista cuberta, en salto de lonxitude 3ª
Campionato de España de atletismo júnior, en triplo salto Castelló de la Plana 1ª
2014 Campionato de España de atletismo júnior en pista cuberta, en triplo salto Donostia 1ª
Campionato de España de atletismo júnior en pista cuberta, en 60 metros lisos 1ª
Campionato de España de atletismo júnior, en salto de lonxitude Alcobendas 1ª
2015 Campionato de España de atletismo promesas en pista cuberta, en 60 metros lisos Antequera 2ª
2017 Campionato de España de atletismo promesas en pista cuberta, en triplo salto Madrid 1ª
Campionato de España de atletismo promesas, en triplo salto Torrent 1ª
Absoluto
2013 Campionato de España de atletismo en pista cuberta, en triplo salto Sabadell 2ª
2014 Campionato de España de atletismo en pista cuberta, en triplo salto Sabadell 1ª
2015 Campionato de España de atletismo en pista cuberta, en triplo salto Antequera 3ª
Campionato de España de atletismo, en triplo salto Castelló de la Plana 1ª
2016 Campionato de España de atletismo en pista cuberta, en triplo salto Madrid 1ª
2017 Campionato de España de atletismo en pista cuberta, en triplo salto Salamanca 1ª
Campionato de España de atletismo, en triplo salto Barcelona 1ª
2018 Campionato de España de atletismo en pista cuberta, en triplo salto Valencia 1ª
Campionato de España de atletismo, en triplo salto Xetafe 1ª
2019 Campionato de España de atletismo, en triplo salto La Nucía 1ª
2020 Campionato de España de atletismo en pista cuberta, en triplo salto Ourense 1ª
2021 Campionato de España de atletismo en pista cuberta, en triplo salto Madrid 1ª
Campionato de España de atletismo, en triplo salto Xetafe 1ª
2022 Campionato de España de atletismo en pista cuberta, en triplo salto Ourense 1ª
2023 Campionato de España de atletismo, en triplo salto Torrent 1ª
2024 Campionato de España de atletismo en pista cuberta, en triplo salto Ourense 1ª
Campionato de España de atletismo, en triplo salto La Nucía 1ª

Resultados internacionais

[editar | editar a fonte]
Data Competición Lugar Resultado
Categorías cadete, xuvenil, júnior e promesas
2011 Campionato do mundo de atletismo xuvenil, en triplo salto Lille 3ª
Festival olímpico da mocidade europea, en triplo salto Trebisonda 1ª
2012 Campionato do mundo de atletismo júnior, en triplo salto Barcelona 1ª
2013 Campionato de Europa de atletismo júnior, en triplo salto Rieti 3ª
2014 Campionato do mundo de atletismo júnior, en triplo salto Eugene 6ª
2017 Campionato de Europa de atletismo sub-23, en triplo salto Bydgoszcz 2ª
Absoluto
2017 Campionato de Europa de atletismo en pista cuberta, en triplo salto. Belgrado 5ª
Campionato do mundo de atletismo, en triplo salto. Londres 7ª
2018 Campionato do mundo de atletismo en pista cuberta, en triplo salto Birmingham 3ª
Campionato de Europa de atletismo, en triplo salto Berlín 3ª
2019 Campionato de Europa de atletismo en pista cuberta, en triplo salto. Glasgow 1ª
Campionato do mundo de atletismo, en triplo salto. Doha 6ª
2021 Campionato de Europa de atletismo en pista cuberta, en triplo salto. Toruń 2ª
Xogos Olímpicos, en triplo salto. Toquio 3ª
2022 Campionato do mundo de atletismo en pista cuberta, en triplo salto Belgrado 8ª
2024 Campionato do mundo de atletismo en pista cuberta, en triplo salto Glasgow 3ª
Campionato de Europa de atletismo, en triplo salto Roma 1ª
Xogos Olímpicos, en triplo salto. París 6ª

Galardóns

[editar | editar a fonte]
Ana Peleteiro recibe a Medalla Castelao

Vida persoal

[editar | editar a fonte]

Desde 2021 é a parella do seu colega do triplo salto, o francés Benjamin Compaoré, con quen casou en setembro de 2023 na parroquia pontevedresa de Salcedo.[86] Dez meses antes nacera a súa primeira filla en común: Lúa.[87]

Notas

[editar | editar a fonte]
  1. ↑ 1,0 1,1 Ana Peleteiro inicia el año con récord gallego absoluto y júnior en España La Voz de Galicia, 14/01/2013.
  2. ↑ 14th IAAF World Junior Championships Triple Jump women. Results Arquivado 14 de agosto de 2018 en Wayback Machine..
  3. ↑ 3,0 3,1 Ana Peleteiro y Fátima Diame escenifican el cambio de generación del atletismo español en MundoDeportivo.com
  4. ↑ "Ana Peleteiro pulveriza el récord de España y gana el oro europeo". La Voz de Galicia (en castelán). 2019-03-03. Consultado o 2019-03-03. 
  5. ↑ "Récords galegos". Federación Galega de Atletismo. Consultado o 21 de febreiro de 2021. 
  6. ↑ "Natalia Rodríguez y Manuel Olmedo, mejores atletas de 2011". Real Federación Española de Atletismo. 29 de decembro de 2011. Arquivado dende o orixinal o 28 de xaneiro de 2012. Consultado o 16 de abril de 2012. 
  7. ↑ "Ruth Beitia y Miguel Ángel López, mejores atletas de 2012". Real Federación Española de Atletismo. 26 de decembro de 2012. Arquivado dende o orixinal o 24 de setembro de 2015. Consultado o 20 de outubro de 2015. 
  8. ↑ "Ruth Beitia y Miguel Ángel López, mejores atletas españoles de 2013". Real Federación Española de Atletismo. 20 de decembro de 2013. Arquivado dende o orixinal o 24 de setembro de 2015. Consultado o 20 de outubro de 2015. 
  9. ↑ 9,0 9,1 9,2 "Del Barbanza a La Alcarria". La Voz de Galicia, 11-8-2018.
  10. ↑ "Los representantes del área barbanzana regresaron del pabellón de Riazor con once medallas, cuatro de oro". La Voz de Galicia (en castelán) (Barbanza ed.). 26 de xaneiro de 2010. p. 14. 
  11. ↑ "Ana Peleteiro Brión, campeona nacional cadete de triple salto y longitud, e Iria Delgado subcampeona". La Voz de Galicia (en castelán) (Barbanza ed.). 9 de febreiro del 2010. p. 14. 
  12. ↑ "Ana Peleteiro batió el recórd autonómico de triple salto". La Voz de Galicia (en castelán). 15 de abril de 2010. Consultado o 21 de febreiro de 2021. 
  13. ↑ "Una fuera de serie nacida para saltar". La Voz de Galicia (en castelán). 7 de xuño de 2010. p. 46. 
  14. ↑ "Resultados Campionato de España cadete Pamplona 2010" (PDF) (en castelán). Arquivado dende o orixinal (PDF) o 08 de maio de 2021. Consultado o 21 de febreiro de 2021. 
  15. ↑ Trasbach, Gonzalo (28 de xaneiro de 2011). "Ana Peleteiro, campeona autonómica de triple salto". La Voz de Galicia (en castelán) (Barbanza ed.). p. 14. 
  16. ↑ "Ana Peleteiro se corona campeona nacional de triple". La Voz de Galicia (en castelán) (Barbanza ed.). 13 de marzo de 2011. p. 12. 
  17. ↑ "Una marca de nivel mundial". La Voz de Galicia (en castelán). 14 de marzo de 2011. p. 46. 
  18. ↑ "Ana Peleteiro, segunda marca mundial juvenil del año en triple". La Voz de Galicia (en castelán). 30 de maio de 2011. p. 42. 
  19. ↑ "Ana Peleteiro Brión (1995) se proclamó campeona de España de triple salto al aire libre". La Voz de Galicia (en castelán) (Barbanza ed.). 22 de xuño de 2011. p. 14. 
  20. ↑ "Ana Peleteiro, primera medalla española en Lille". La Voz de Galicia (en castelán). 9 de xullo de 2011. p. 46. 
  21. ↑ "Ana Peleteiro bate por cuarta vez este año el récord gallego juvenil de triple salto". La Voz de Galicia (en castelán). 27 de xullo de 2011. p. 43. 
  22. ↑ "Ana Peleteiro fue elegida mejor atleta júnior española del 2011". La Voz de Galicia (en castelán) (Barbanza ed.). 6 de xaneiro de 2011. p. 9. 
  23. ↑ "Ana Peleteiro y su técnico Abelardo Moure, los mejores del año para el atletismo español". La Voz de Galicia, 28-12-2012.
  24. ↑ Vanesa Peñalver. Perfil na web da IAAF.
  25. ↑ "Ana Peleteiro, dobre mellor mellor marca xuvenil en triplo (12.80m e 13.04m)". Real Federación Española de Atletismo. 29 de xaneiro de 2012. Arquivado dende o orixinal o 24 de setembro de 2015. Consultado o 16 de abril de 2012. 
  26. ↑ "La juvenil Ana Peleteiro crece de récord en récord". La Voz de Galicia (en castelán). 29 de xaneiro de 2012. p. 63. 
  27. ↑ "Cto. Absoluto de Galicia en pista cuberta 2012" (PDF). Federación Galega de Atletismo. Consultado o 21 de febreiro de 2021. 
  28. ↑ "Camponato galego xuvenil 2012" (PDF). Federación Galega de Atletismo. Consultado o 21 de febreiro de 2021. 
  29. ↑ "Ana Peleteiro, campeona del mundo júnior de triple salto" (en castelán). 12 de xullo de 2012. Consultado o 21 de febreiro de 2021. 
  30. ↑ "Sarrapio contiene a la joven Peleteiro y gana el triple salto" (en castelán). 17 de febreiro de 2013. Consultado o 21 de febreiro de 2021. 
  31. ↑ "Ana Peleteiro logra un oro y un bronce en Antequera". La Voz de Galicia (en castelán). 17 de marzo de 2013. Consultado o 21 de febreiro de 2021. 
  32. ↑ Ana Peleteiro cambia de entrenador Martí Perarnau, 17 de xuño de 2013.
  33. ↑ "Campionato de España Castelló 2013" (PDF). Real Federación Española de Atletismo. Arquivado dende o orixinal (PDF) o 21 de xaneiro de 2021. Consultado o 21 de febreiro de 2021. 
  34. ↑ "Bronce con lágrimas para Ana Peleteiro" (en castelán). 19 de xullo de 2013. Consultado o 21 de febreiro de 2021. 
  35. ↑ Vídeo coas súas declaracións despois da vitoria (RFEA-Youtube).
  36. ↑ Ana Peleteiro: «Salió como soñaba, no me lo esperaba». Faro de Vigo, 24-2-2014.
  37. ↑ "Ana Peleteiro revalida su título en triple salto con 13,39 metros". Marca (en castelán). 22 de marzo de 2014. Consultado o 21 de febreiro de 2021. 
  38. ↑ "Resultados Donostia 2014 (pista cuberta)" (PDF). Real Federación Española de Atletismo. Arquivado dende o orixinal (PDF) o 16 de maio de 2021. Consultado o 21 de febreiro de 2021. 
  39. ↑ "Campionato galego aire libre 2014" (PDF). Federación Galega de Atletismo. Consultado o 21 de febreiro de 2021. 
  40. ↑ "As atletas galegas asinan unha actuación inesquecíbel no Estatal". Nós Diario. 28 de xuño de 2021. Consultado o 30 de xuño de 2021. 
  41. ↑ "Campionato de España júnior Alcobendas 2014 (aire libre)" (PDF). Real Federación Española de Atletismo (en castelán). Arquivado dende o orixinal (PDF) o 16 de maio de 2021. Consultado o 21 de febreiro de 2021. 
  42. ↑ "Ana Peleteiro y Solange Pereira, de oro". 3 de agosto de 2015. Consultado o 10 de marzo de 2020. 
  43. ↑ "Peleteiro y Okutu, saltos de oro". La Voz de Galicia (en castelán). 6 de marzo de 2016. Consultado o 10 de marzo de 2020. 
  44. ↑ "Ana Peleteiro, campeona de España de triple salto". Faro de Vigo (en castelán). 18 de febreiro de 2017. Consultado o 10 de marzo de 2020. 
  45. ↑ "Ana Peleteiro, quinta de Europa y a 11 centímetros del bronce". Sport (en castelán). 4 de marzo de 2017. Consultado o 21 de febreiro de 2021. 
  46. ↑ "Los favoritos ganan los billetes para el Mundial en el 800 y el 3.000 obstáculos". Marca (en castelán). 24 de xullo de 2017. Consultado o 10 de marzo de 2020. 
  47. ↑ "Ana Peleteiro, mejor marca personal y 7ª en la final de triple salto". Mundo Deportivo (en castelán). 8 de agosto de 2017. Consultado o 20 de febreiro de 2021. 
  48. ↑ Campos, Tomás (3 de marzo de 2018). "Ana Peleteiro logra un histórico bronce en el triple salto del Mundial de Birmingham". Marca (en castelán). Consultado o 28 de xullo de 2021. 
  49. ↑ Castro, Xosé Ramón (11 de agosto de 2018). "Del Barbanza a La Alcarria" (en castelán). Consultado o 28 de xullo de 2021. 
  50. ↑ Campos, Tomás (10 de agosto de 2018). "Ana Peleteiro logra el bronce europeo en triple con un mejor salto de 14,44". Marca (en castelán). Consultado o 21 de febreiro de 2021. 
  51. ↑ "Ana Peleteiro y Saúl Ordóñez amplían a 17 atletas el equipo español para el Mundial de Birmingham" (en castelán). 22 de febreiro de 2018. Consultado o 10 de marzo de 2020. 
  52. ↑ "Peleteiro, campeona de España con su mejor marca personal". Diario de Arousa (en castelán). 24 de xullo de 2018. Consultado o 10 de marzo de 2020. 
  53. ↑ Castro, Xosé Ramón (11 de agosto de 2018). "Bronce para la historia de Peleteiro". La Voz de Galicia (en castelán). Consultado o 28 de xullo de 2021. 
  54. ↑ Castro, Xosé Ramón (12 de agosto de 2018). "Ana Peleteiro: «Ya puedo creer en mí»". La Voz de Galicia (en castelán). Consultado o 28 de xullo de 2021. 
  55. ↑ Castro, Xosé Ramón (8 de outubro de 2019). "Ana Peleteiro, la gallega que sabe volar". La Voz de Galicia (en castelán). Consultado o 28 de xullo de 2021. 
  56. ↑ Molina, Israel (3 de marzo de 2019). "Peleteiro hace historia con sus 14.73" (en castelán). Arquivado dende o orixinal o 26 de febreiro de 2021. Consultado o 28 de xullo de 2021. 
  57. ↑ "Ana Peleteiro lidera el festival gallego en el nacional de atletismo". La Voz de Galicia (en castelán). 2 de setembro de 2019. Consultado o 10 de marzo de 2020. 
  58. ↑ "Ana Peleteiro, a la final de triple salto en Doha". El Progreso (xornal) (en castelán). 3 de outubro de 2019. Consultado o 7 de outubro de 2019. 
  59. ↑ "Ana Peleteiro remata de sexta no Mundial de Doha". TVG. 7 de outubro de 2019. Consultado o 6 de outubro de 2019. 
  60. ↑ "Os premios Deporte Galego 2018 distinguen á atleta Ana Peleteiro e o piragüista Manuel Antonio Campos". Galicia Confidencial. 8 de novembro de 2019. Consultado o 8 de novembro de 2019. 
  61. ↑ "Ana Peleteiro y Tono García Campos, galardonados en los Premios Deporte Galego 2018". La Voz de Galicia (en castelán). 8 de novembro de 2019. Consultado o 8 de novembro de 2019. 
  62. ↑ "Ana Peleteiro e Tono Campos, premios do Deporte Galego". CRTVG. 28 de novembro de 2019. Consultado o 29 de novembro de 2019. 
  63. ↑ "Ana Peleteiro proclámase Campioa de España en pista cuberta". 2 de marzo de 2020. Consultado o 10 de marzo de 2020. 
  64. ↑ "Peleteiro, campeona con 14,21, afina para la defensa de su corona europea" (en castelán). 20 de febreiro de 2021. Consultado o 20 de febreiro de 2021. 
  65. ↑ "Ana Peleteiro se queda a un centímetro del oro en Torun". RTVE (en castelán). 7 de marzo de 2021. Consultado o 7 de marzo de 2021. 
  66. ↑ "Ana Peleteiro cólgase o ouro no triplo salto, coa mellor marca española do ano e ao aire libre". 28 de xuño de 2021. Consultado o 28 de xullo de 2021. 
  67. ↑ G. Mariñas, Carmen (30 de xullo de 2021). "Ana Peleteiro estará na final do triplo salto". Consultado o 31 de xullo de 2021. 
  68. ↑ Castro, Xosé Ramón (1 de agosto de 2021). "Ana Peleteiro, bronce olímpico con récord de España: 14,87 metros". La Voz de Galicia (en castelán). Consultado o 1 de agosto de 2021. 
  69. ↑ "Ana Peleteiro gaña o bronce en triple salto". Nós Diario. 1 de agosto de 2021. Consultado o 1 de agosto de 2021. 
  70. ↑ "Ganan Mechaal, De Arriba, Hortelano y Peleteiro; Ortega, sin Mundial". Mundo Deportivo (en castelán). 27 de febreiro de 2022. Consultado o 27 de febreiro de 2022. 
  71. ↑ "Ana Peleteiro, campeona de España sin mínima mundialista: "Solo estar aquí es un logro, pero quería cuatro centímetros más"". Televisión Española (en castelán). 30 de xullo de 2023. Consultado o 1 de xaneiro de 2024. 
  72. ↑ "Ana Peleteiro firma un emotivo oro de triple salto en el Nacional de pista corta de Ourense". La Voz de Galicia (en castelán). 18 de febreiro de 2024. Consultado o 21 de xullo de 2024. 
  73. ↑ "¡Ana Peleteiro, bronce mundialista en triple salto y aviso para París con un marcón: 14.75!" (en castelán). 3 de marzo de 2024. Consultado o 21 de xullo de 2024. 
  74. ↑ "Jordan, Peleteiro y Ndikumwenayo triunfan en La Nucía" (en castelán). 29 de xuño de 2024. Consultado o 21 de xullo de 2024. 
  75. ↑ 75,0 75,1 Carrazoni Mier, Yuri (4 de agosto de 2024). "A Peleteiro escápaselle a medalla nunha mala noite en París". Nós Diario. Consultado o 6 de agosto de 2024. 
  76. ↑ "Una noche aciaga para Ana Peleteiro: termina sexta y se le escapa la medalla en triple salto" (en castelán). 3 de agosto de 2024. Consultado o 6 de agosto de 2024. 
  77. ↑ "Ana Peleteiro, logo de quedar a 8 cm. do bronce, atendeu a @LoretoCosta1". Twitter. Consultado o 6 de agosto de 2024. 
  78. ↑ Arribas, Carlos (27 de setembro de 2024). "Ana Peleteiro regresa a Galicia, a Ribeira, el pueblo del que salió hace 11 años". El País (en castelán). Consultado o 27 de setembro de 2024. 
  79. ↑ "Ana Peleteiro xa está en Ribeira e inaugura a reforma do complexo onde vai adestrarse". Televisión de Galicia. 26 de setembro de 2024. Consultado o 27 de setembro de 2024. 
  80. ↑ "Perfil de Ana Peleteiro". worldathletics.org (en inglés). Consultado o 20 de febreiro de 2021. 
  81. ↑ "Ana Peleteiro, Premio Princesa de Asturias S.A.R. Doña Letizia". Real Federación Española de Atletismo. 2 de decembro de 2013. Arquivado dende o orixinal o 24 de setembro de 2015. Consultado o 20 de outubro de 2015. 
  82. ↑ "Tono Campos, distinguido como mejor deportista masculino en los Premios Deporte Galego". Pontevedra Viva (en castelán). 9 de novembro de 2019. Consultado o 23 de febreiro de 2021. 
  83. ↑ "VII Gala do Deporte Feminino en Galicia – MUDEGA". Arquivado dende o orixinal o 04 de marzo de 2021. Consultado o 2021-02-20. 
  84. ↑ "La gallega Ana Peleteiro, elegida mejor atleta española del año 2019". Faro de Vigo (en castelán). 19 de xullo de 2020. Consultado o 23 de febreiro de 2021. 
  85. ↑ "A Roda, Amigos do Camiño de Santiago, Pilar Cernuda, ‘Súper Piñeiro’ e Ana Peleteiro, Medallas Castelao 2020". Nós Diario. 19 de xuño de 2020. Consultado o 19 de xuño de 2020. 
  86. ↑ Hermida, María (25 de setembro de 2023). "La boda de Ana Peleteiro en Pontevedra: una noria, la novia oculta en un BMW y una campeona del mundo de fútbol empapada". La Voz de Galicia (en castelán). Consultado o 9 de xuño de 2024. 
  87. ↑ Judith, Del Río (6 de xuño de 2022). "Ana Peleteiro da a luz a su primera hija: "Fue el día más duro y más maravilloso de mi vida"". La Vanguardia (en castelán). Consultado o 9 de xuño de 2024. 

Véxase tamén

[editar | editar a fonte]

Outros artigos

[editar | editar a fonte]
Traído desde «https://gl.wikipedia.org/w/index.php?title=Ana_Peleteiro&oldid=6844372»