Xerez Club Deportivo

Xerez
Xerez
Nome	Xerez Club Deportivo, S.A.D.
Alcume(s)	Azulinos; La bulería mecánica
Fundación	1907, como Xerez FC; 1933, refundación; 1947, como Jerez CD
Estadio	Municipal de Chapín; Xerez da Fronteira, España
Inauguración	1988
Capacidade	20.523
Presidente	Juan Luís Gil "Tintín"
Adestrador	Francisco Higuera
Liga	Terceira RFEF
2013–14	19º (3ª – Grupo 10)
Vestimenta	Joma
Na rede
	http://www.xerezcd.com/
Titular	Alternativo

O Xerez Club Deportivo^[2] é un club de fútbol español, con sede na cidade de Xerez da Fronteira (Cádiz, Andalucía). Foi refundado o 24 de setembro de 1947.

Durante a tempada 2008-09, na que contou co apoio de 9.656 abonados, militou na Segunda División de España e logrou o ascenso á Primeira División por primeira vez na súa historia, ao que se sumou o título de campión da categoría de prata. Actualmente conta con 16.216 abonados.^[3] Nesa tempada quedou 20º e volveu descender á Segunda División.

Denominación

Cando o Reino de Castela tomou Xerez o 9 de outubro de 1264 aos musulmáns no período coñecido como a Reconquista, a cidade pasa a denominarse Xerez, representando o fonema /x/ (iota) co pictograma X, como era regra na época. Outros casos similares son México e Texas. Á que se lle engadiría ao pouco tempo de la Frontera, ao atoparse na Fronteira co Reino de Granada, e ser escenario habitual de escaramuzas e enfrontamentos entre ambos reinos. Máis de dous séculos máis tarde, trala conquista de Granada en 1492, Xerez perde a súa condición de cidade fronteiriza definitivamente, pero non perde tal denominación.

O primeiro club de fútbol existente na cidade (de 1907 ao 1911, segundo fontes), o Xerez Fútbol Club, recupera o pictograma clásico "X" en lugar de utilizar a "J" moderna. Con todo, a pronunciación é a mesma. O Jerez Club Deportivo, descendente directo do anterior decide renderlle homenaxe a instancia do expresidente Pablo Porro Guerrero, a través de dúas medidas. A primeira delas foi o cambio de camiseta á usada polo primeiro club, pasando de camiseta de raias branca e azuis verticais a unha lisa azul. Este equipamento é o actual, diferenciándose unicamente da do Xerez Fútbol Club en que este utilizaba medias negras. A segunda medida tomada foi a recuperación do pictograma "X", pasando a ser Xerez Club Deportivo. O 29 de setembro de 1992 o club transfórmase nunha Sociedade Anónima Deportiva, pasando á denominación definitiva actual: Xerez Club Deportivo Sociedad Anónima Deportiva.

Uniforme

Pretemporada 2009/10.

Uniforme titular: Camiseta azul, pantalón branco e medias azuis.
Uniforme alternativo: Camiseta branca, pantalón azul e medias brancas.
Terceiro uniforme: Camiseta laranxa, pantalón laranxa e medias laranxas.

Titular

Alternativo

Terceiro

Estadio

Artigo principal: Estadio Municipal de Chapín.

Estadio de Chapín.

O Xerez xoga os seus partidos no Estadio Municipal de Chapín, cunha capacidade para 20.523 espectadores e cunhas dimensións de 105 x 68 metros. Foi inaugurado en 1988, coa intención de substituír o antigo Estadio Domecq que foi derribado. En 2002 foi reformazado completamente para albergar os Xogos Ecuestres Mundiais do mesmo ano.

Datos do club

Tempadas en 1ª: 1
Tempadas en 2ª: 24
Tempadas en 2ª B: 17
Tempadas en 3ª: 21
Tempadas en Rexional Preferente: 2
Posto na Clasificación histórica de Primeira División: 56º
Mellor posto na liga: 20º (1ª División, 2009-10)
Mellor resultado en 1ª: 3-0 fronte ó Real Valladolid (2009-10)
Mellor resultado en 2ª: 12-0 fronte ó Atlético Sanluqueño, 1958-59)
Maior goleada encaixada en 1ª: 5-0 fronte ó Real Madrid, 2009-10)
Maior goleada encaixada en 2ª: 7-0 fronte ó Real Jaén, 1951/52)
Máximo goleador: Agar, 90 goles (1947-48 a 1953-54)
Máis partidos disputados: Vicente Moreno, 358 partidos

Partidos históricos en Primeira División

Tempada	Local	Resultado	Visitante	Estadio	Notas
2009-10	Xerez	2-1	Villarreal	Chapín	0-1 min 17.
2009-10	Xerez	2-1	Mallorca	Chapín	0-1 min 23.
2009-10	Málaga	2-4	Xerez	La Rosaleda	0-1 min 5. 2-1 min 55.
2009-10	Xerez	3-0	Valladolid	Chapín
2009-10	Atlético de Madrid	1-2	Xerez	Vicente Calderón
2009-10	Xerez	2-1	Almería	Chapín
2009-10	Xerez	3-2	Zaragoza	Chapín

Palmarés

Torneos nacionais

Segunda División de España (1): 2008–09
Segunda División B de España (2): 1981–82, 1985–86
Subcampión da Segunda División B (2): 1992–93, 1996–97
Terceira División de España (5): 1952–53, 1959–60, 1964–65, 1966–67, 1970–71
Subcampión da Terceira División de España (5): 1958–59, 1960–61, 1961–62, 1963–64, 1969–70
Rexional Preferente (2): 1947–48, 1948–49

Filial

Artigo principal: Xerez Club Deportivo B.

O Xerez Club Deportivo B, fundado en 1957, milita actualmente en Primeira División Andaluza. O equipo filial disputa os seus partidos no Estadio de la Juventud, e é onde se forman as novas promesas do Xerez CD.

Notas

↑ La 'Bulería Mecánica' de Esteban, ante su barrera
↑ A pronunciación correcta é [xe'reθ] (como Jerez en castelán), non [ʃe'reθ], que é a forma literal que moitas persoas tenden a lelo. O club decidiu recuperar o arcaísmo e substituír a letra "J" por unha "X" pero a pronunciación segue sendo a mesma.
↑ Xerez CD. "O Xerez conta con 16.216 abonados". Consultado o 27 de outubro de 2009.

Véxase tamén

Ligazóns externas

Páxina oficial do club

[1] La 'Bulería Mecánica' de Esteban, ante su barrera

[2] A pronunciación correcta é [xe'reθ] (como Jerez en castelán), non [ʃe'reθ], que é a forma literal que moitas persoas tenden a lelo. O club decidiu recuperar o arcaísmo e substituír a letra "J" por unha "X" pero a pronunciación segue sendo a mesma.

[3] Xerez CD. "O Xerez conta con 16.216 abonados". Consultado o 27 de outubro de 2009.

[2]

[1]

[3]