José Aurelio Gay
José Aurelio Gay López, nado en Madrid o 10 de decembro de 1965, é un exfutbolista español e actual adestrador de fútbol. Xogaba de centrocampista.
| Biografía | |||||||||||||||||||||||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 10 de decembro de 1965  (59 anos)Madrid, España | ||||||||||||||||||||||||||||||||||||||||||||||||||||||||||||||||||||||||||||||||||||||
| Altura | 174 cm | ||||||||||||||||||||||||||||||||||||||||||||||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||||||||||||||||||||||||||||||||||||||||||||||
| Ocupación | futbolista, adestrador de fútbol | ||||||||||||||||||||||||||||||||||||||||||||||||||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||||||||||||||||||||||||||||||||||||||||||||||||||
| Posición de xogo | Centrocampista | ||||||||||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||||||||||
  | |||||||||||||||||||||||||||||||||||||||||||||||||||||||||||||||||||||||||||||||||||||||
Traxectoria
editarComo xogador
editarNado en Madrid, Gay comezou a súa carreira nas categorías inferiores do Real Madrid, chegando a xogar no Castilla CF. Durante a súa etapa madridista, participou coa selección de España sub-20 no Campionato Mundial da FIFA, xogando cinco partidos como titular e outro como substituto.
Logo de dúas tempadas en Segunda División, Gay fichou polo RCD Espanyol da Primeira División en 1988. Marcou dous goles en 17 partidos na súa primeira tempada, na que o equipo descendeu. Estableceuse no once titular do club durante as seguintes dúas tempadas en Segunda e Primeira (1990-91), sendo o segundo máximo goleador do equipo nesta última con cinco goles, só por detrás do alemán Wolfram Wuttke.
José Aurelio fichou polo Real Zaragoza en 1991. En tempadas consecutivas, axudou aos aragoneses a gañar a Copa do Rei en 1994 e a Recopa do ano seguinte, aínda que tivo unha grave lesión. Abandonou o club no verán de 1996.
As últimas tres tempadas da súa carreira pasounas no Real Oviedo e o CD Toledo, cos que pasou dous anos en Segunda División, aínda que só xogou 43 partidos de liga. Retirouse en 1999 aos 33 anos.
Como adestrador
editarLogo do seu retiro, adestrou ao seu último club, o CD Toledo durante unha tempada. A partir de entón adestrou a varios equipos de diferentes categorías: Real Madrid C, Pontevedra CF (co que acadou o ascenso a segunda división, sendo destituído a mediados da tempada seguinte), Real Jaén, Lorca Deportiva CF, CF Fuenlabrada e Real Zaragoza B. O 12 de decembro de 2009 substituíu a Marcelino García Toral no primeiro equipo. Aínda que debutou cunha derrota ante o Real Madrid (6-0) e que ocupaba posicións de descenso en febreiro, os xogadores que chegaron no mercado de inverno levaron ao Real Zaragoza á 14ª posición. Na tempada seguinte, en novembro de 2010, co equipo na última posición, Gay foi despedido e substituído por Javier Aguirre.
Na tempada 2012–13 foi contratado polo Racing de Santander, en substitución de Fabri González, sendo o terceiro adestrador nesa campaña. O 5 de marzo de 2013 foi destituído, sendo substituído por Alejandro Menéndez.[1]
Palmarés
editarComo xogador
editar- Subcampión da Copa Mundial da FIFA sub-20 (1985)
Notas
editar- ↑ ""Alejandro Menéndez, nuevo entrenador verdiblanco"". Arquivado dende o orixinal o 09 de marzo de 2013. Consultado o 21 de abril de 2013.