Carlos Reino Caamaño

Carlos Reino Caamaño, nado na Coruña en 1889 e finado en Ourense o 17 de xuño de 1937, foi un médico e político galego.

Carlos Reino Caamaño

Biografía
Nacemento	1889 A Coruña, España
Morte	17 de xuño de 1937 (47/48 anos) Ourense, España
Causa da morte	pena de morte, ferida por arma de fogo
Alcalde de Verín
marzo de 1936 – xullo de 1936 (destitución) ← Ramiro Mascareñas Romero
Datos persoais
Educación	Universidade de Santiago de Compostela
Actividade
Ocupación	político, médico
Familia
Irmáns	José Reino Caamaño Antonio Reino Caamaño

Verín, en lembranza dos fusilados o 17/6/1937

Traxectoria

Fillo de Antonio Modesto Reino Rodríguez e Carmen Caamaño Ferreiro e irmán de José Reino Caamaño. Obtivo a licenciatura en Medicina na Universidade de Santiago de Compostela en 1923. Foi médico titular e Inspector Municipal de Sanidade en Cartelle, Celanova e Poio. Despois exerceu na comarca de Verín, primeiro en Oímbra e dende 1934 en Verín, onde foi nomeado médico da Beneficencia municipal. Foi nomeado alcalde Verín por Izquierda Republicana en marzo de 1936.. Co golpe de Estado do 18 de xullo de 1936 foi detido. Xulgado en Ourense por rebelión militar o 22 de maio de 1937, foi sentenciado a pena de morte. Foi executado no Campo de Aragón o 17 de xuño de 1937 con outras cinco persoas. Todos os seus bens foron requisados en xaneiro de 1937 por orde do Xulgado Militar de Ourense.

Véxase tamén

Ligazóns externas

• Simón-Lorda, D. (20 de xuño de 2011). "Noticias del doctor Carlos Reino Caamaño, alcalde de Verín en julio de 1936. Reseña de un homenaje ciudadano". Diario de un médico de guardia (en castelán). 
• Expediente de responsabilidades políticas de Carlos Reino Caamaño.