Acrónimo

Un acrónimo (do grego ἄκρος ákros, "extremidade", e ὄνομα onoma, "nome") é unha palabra formada a partir da abreviación doutras palabras. Utilízase xeralmente para referir a voz resultante dun dos procedementos de formación de palabras no que se combinan dúas ou máis palabras, ou ben letras (habitualmente iniciais) dunha unidade lexical composta co propósito de facela máis curta.

Os acrónimos poden devir en palabras de uso corrente, habitualmente substantivos. É o caso, por exemplo, de láser, radar, módem ou informática. Acrónimos deste tipo fóronse popularizando nos últimos tempos, de xeito que o seu uso está hoxe xeneralizado e foron incorporadas ó dicionario. Aínda así, son aínda máis frecuentes nas linguaxes técnicas utilizadas nas especialidades profesionais (medicina, informática ou enxeñaría) e nos nomes de organizacións e compañías.

A subdisciplina filolóxica que estuda os acrónimos é a acronimia. En morfoloxía, coñécese como acronimia o proceso de formación de palabras a partir dos compoñentes iniciais dun nome ou frase máis longa que dá lugar ós acrónimos.

Exemplos

Estes son uns exemplos de acrónimos, cos seus respectivos significados:

ONU: Organización das Nacións Unidas
sida: síndrome de inmuno-deficiencia adquirida (debido ao seu grande uso acabou converténdose nun substantivo común, xa recollido nos dicionarios; nótese que é feminino porque síndrome tamén o é).

Existe disparidade de criterios se por acrónimos se entenden unicamente as secuencias de letras que poden pronunciarse como palabras por existir no acrónimo unha ou varias vogais que permiten lelo, ou se os acrónimos comprenden todas as secuencias de letras, aínda que non se poidan pronunciar como palabras e teñan que pronunciarse letra por letra (é dicir, un sinónimo de sigla).

Exemplos destas outras secuencias que non poden pronunciarse como palabras son:

BBC: British Broadcasting Corporation
JPEG: Joint Photographic Experts Group

Algúns detractores que non aceptan esta segunda variante como acrónimo considérana como iniciais ou siglas.

Nalgunha ocasión incorpórase expresamente unha vogal a un acrónimo para que resulte pronunciábel, como en:

RENFE: Rede Nacional dos Ferrocarrís Españois
Talgo: Tren Articulado Lixeiro Goicoechea-Oriol

Noutros casos, a secuencia de letras converte o acrónimo nunha palabra de peso propio, de xeito que se esquece con frecuencia o seu significado orixinal, como nestes casos:

láser: light amplification by stimulated emission of radiation
radar: radio detection and ranging

Tampouco hai consenso entre os falantes sobre se os conxuntos formados por dúas ou máis letras que representan unha ou varias palabras son ou non acrónimos. Por exemplo:

Acrónimo

Índice

Exemplos

Véxase tamén

Outros artigos

Ligazóns externas