William Stokes

William Stokes

Beathaisnéis
Breith	1 Deireadh Fómhair 1804 Baile Átha Cliath
Bás	10 Eanáir 1878 73 bliana d'aois Baile Átha Cliath
Áit adhlactha	Reilig Naomh Fhiontain, Cill Fhionntain
Faisnéis phearsanta
Scoil a d'fhreastail sé/sí	Ollscoil Dhún Éideann Scoil Leighis, Coláiste na Tríonóide, Baile Átha Cliath
Gníomhaíocht
Gairm	dochtúir leighis, múinteoir ollscoile, cairdeolaí
Ball de	An Cumann Ríoga Acadamh Ríoga na Sualainne um Eolaíocht Acadamh Ríoga na hÉireann
Teangacha	Béarla
Teaghlach
Páiste	Margaret Stokes, Whitley Stokes
Gradam a fuarthas  Comhalta den Chumann Ríoga  Pour le Mérite für Wissenschaften und Künste

Lia a rugadh i mBaile Átha Cliath ab ea William Stokes (1 Deireadh Fómhair 1804 – 10 Eanáir 1878). Agus é fós ina mhac léinn d'fhoilsigh sé leabhar ar an steiteascóp is a úsáidí, an chéad leabhar Béarla ar an ionstraim nua sin. Lena chomhghleacaí in Ospidéal na Mí, Robert Graves, thug sé isteach cleachtadh stiúrtha i scrúdú praiticiúil is cóireáil na n-othar do mhic léinn míochaine, rud nach ndearnadh roimhe sin. Chuir sé síos don chéad uair ar análú deacair athraitheach a bhíonn ag seandaoine atá dian tinn le galar croí, a dtugtar análú Cheyne-Stokes nó ruaigeanna Stokes-Adams air anois. Scríobh sé dhá théacsleabhar míochaine cháiliúla, Diagnosis and Treatment of Disease of the Chest (Diagnóisiú is Cóireáil Galar Cliabhraigh, 1837) agus Diseases of the Heart and Aorta (Galair an Chroí is an Aorta, 1854).

Toghadh mar uachtarán ar Acadamh Ríoga na hÉireann don tréimhse 1874–76. Dlíodóir fiú le rá agus scoláire an léinn Cheiltigh ab ea a mhac, Whitley Stokes, agus seandálaí agus scríbhneoir a iníon, Margaret Stokes.