Zingira

Zingira edo istinga berritzen ez den sakonera gutxiko ur eremua da, non landareak hazten diren. Hezegune eta eremu lehorren arteko transiziotzat jotzen dira. Sarritan zingiretan zohikatza sortu ohi da.

Landaredia da zingiren ezaugarri bereizgarria, urteroko uholdeek bustiriko lurrean haz daitezkeen zuhaitz espezieez osaturiko oihanak ageri baitira bertan. Paduretan ez bezala, zingiretako flora nagusia ez dira landare belarkarak, enbor zurkaradun zuhaitzak baizik.