Polonia Txikiko voivoderria

Polonia Txikiko voivoderria
	Polonia
Administrazioa
Estatu burujabe	Polonia
ISO 3166-2	PL-12
Hiriburua	Krakovia
Zatiketa	ikusi Myślenice barrutia, Miechów barrutia, Gorlice barrutia, Dąbrowa barrutia, Limanowa barrutia, Krakovia barrutia, Bochnia barrutia, Chrzanów barrutia, Brzesko barrutia, Tarnów, Nowy Sącz, Krakovia, Olkusz barrutia, Oświęcim barrutia, Nowy Sącz barrutia, Nowy Targ barrutia, Tarnów barrutia, Tatra barrutia, Proszowice barrutia, Sucha barrutia, Wadowice barrutia eta Wieliczka barrutia;
Geografia
Koordenatuak	49°51′N 20°16′E / 49.85°N 20.27°E
Azalera	15.108 km²
Mugakideak	Behe Karpatoetako voivoderria, Gurutze Santuko voivoderria, Silesiako voivoderria, Prešov eskualdea eta Žilina eskualdea
Demografia
Biztanleria	3.360.581 (2013)
Dentsitatea	222,44 bizt/km²
Matrikula	K
	malopolskie.pl

Polonia Txikiko voivoderria (polonieraz: Województwo małopolskie) Poloniako hegoaldean dagoen voivoderria da. 1999an eratu zen, gobernuak egindako eskualde berantolakuntzaren ondorioz. 15.182,87 km²ko azalera du eta 2010ean 3.310.094 biztanle zituen^[1]. Hiriburua Krakovia da.

Geografia fisikoa

Polonia Txikia (Małopolska) Poloniako hego-ekialdean dago, eta Vistula ibaiaren ia goi-arro guztia hartzen du. Polonia Txikiko hegoaldean mendi altuak daude, Beskides mendiak hain zuzen ere, Karpatoen lerroan, Eslovakiako mugaren inguruan: mendirik altuena Tatra mendia da, 2.499 metrokoa.

Eskualde karpatikoaz landa, Polonia Txikia penelautada da, basoz aberatsa: pagoak, urkiak eta izeiak. Hala ere, baso asko eraitsi dituzte lurrak nekazaritzarako erabiltzeko: zerealak (zekalea, garagarra eta garia) eta patata da gehien ereiten dena.

Historia

Goi Erdi Aroan gaur egungo Polonia Txikiko lurraldea Kroazia Zuriari zegokion. Baina poloniarrek boterea eskuratzen zuten neurrian, eskualdea Poloniako gune bihurtzen joan zen, Krakovia erresumako hiririk garrantzitsuenetarikoa zenez.

XVIII. mendean Austria, Prusia eta Errusiaren artean Polonia banatu zutenean, Polonia Txikia Austriar Inperioaren esku geratu zen. Gaur egun Polonia Txikikoa den ekialdeko eremua 1920. urtera arte Galitzia eskualdekoa izan zen; eta mendebaldeko eremua zen Krakovia hiriburua zegoen Polonia Txikia.