Claude Lévi-Strauss

Claude Lévi-Strauss
(2005) Irudi gehiago
seat 29 of the Académie française (en) 1973ko maiatzaren 24a - 2009ko urriaren 30a ← Henri Millon de Montherlant - Amin Maalouf →
Bizitza
Jaiotza	Brusela, 1908ko azaroaren 28a
Herrialdea	Frantzia Belgika
Lehen hizkuntza	frantsesa
Heriotza	Parisko 16. barrutia, 2009ko urriaren 30a (100 urte)
Hobiratze lekua	Lignerolles
Heriotza modua	berezko heriotza: miokardio infartu akutua
Familia
Aita	Raymond Lévi-Strauss
Ama	Emma Lévi-Strauss
Ezkontidea(k)	Dina Dreyfus (mul)  (1932 -  1945) Rose Marie Ullmo (en)  (1946 -  1954) Monique Roman (en)  (1954 -
Familia	ikusi Issac Strauss (en) (birraitona) Aline Caro-Delvaille (en) (amaldeko izeba)
Hezkuntza
Heziketa	Paris Law Faculty (en)
Doktorego ikaslea(k)	Marc Abélès (en) Michel Perrin (en) Simone Dreyfus (en) Philippe Descola (mul) Pierre Clastres (mul)
Hizkuntzak	frantsesa
Ikaslea(k)	ikusi Georges Mink (mul)
Jarduerak
Jarduerak	filosofoa, politikaria, antropologoa, argazkilaria, pedagogoa, idazlea, katedraduna, soziologoa, psikologoa, mythographer (en) , etnologoa eta ikertzailea
Enplegatzailea(k)	São Pauloko Unibertsitatea Gizarte Zientzietako Goi Mailako Ikasketen Eskola École pratique des hautes études Collège de France  (1959 -  1982)
Jasotako sariak	ikusi Ohorezko Legioko gurutze handia Commander of the National Order of Merit Arte eta letren komendadorea  (1981eko urtarrilaren 7a) Commander of the French Order of Academic Palms Commander of the Order of the Crown Great Cross of the National Order of Scientific Merit CNRS Urrezko domina  (1967) Erasmo saria  (1973) Commander of the Order of the Southern Cross Kataluniako Nazioarteko Saria  (2005) Aby Warburg Prize  (1996) Meister Eckhart Prize  (2003) honorary doctorate from Columbia University Honorary doctor of the University of Oxford honorary doctor of Harvard University honorary doctor of the University of Uppsala  (1977) honorary doctorate at the Laval University  (1979) International Nonino Prize  (1986) Ordem do Mérito Cultural  (2007) honorary doctorate from the Université de Montréal Fellow of the British Academy Huxley Memorial Medal  (1965) [[]]  (1993)
Influentziak	Georg Wilhelm Friedrich Hegel, Ferdinand de Saussure, Émile Durkheim eta Alfred Reginald Radcliffe-Brown
Kidetza	Frantses Akademia Ameriketako Estatu Batuetako Zientzien Akademia Nazionala Norvegiako Zientzia eta Letren Akademia Arteen eta Zientzien Herbehereetako Errege Akademia Britainiar Akademia Arteen eta Zientzien Ameriketako Estatu Batuetako Akademia Amerikako Sozietate Filosofikoa
Sinesmenak eta ideologia
Erlijioa	judaismoa
Alderdi politikoa	Langile-Internazionalaren Frantziar Sekzioa

Claude Lévi-Strauss (Brusela, 1908ko azaroaren 28a - Paris, 2009ko urriaren 30a) filosofo eta antropologo frantziarra izan zen. Gizarte zientzien epistemologian eragin handiko pentsalaria eta estrukturalismo izeneko eskolaren sortzaileetako bat da.

Biografia

Parisen egin zuen bigarren hezkuntza eta han, legeak eta filosofia hasi zen ikasten Sorbonako unibertsitatean baina ondoren filosofian kontzentratu zen soilik. 1948an Filosofiako Doktoretza lortu zuen.

Mont-de-Marsan eta Laongo ikastetxeetan filosofia irakatsi ondoren, Frantziako misio unibertsitarioren kide izendatu zuten Brasilen eta hara abiatu zen irakasle bezala Sao Pauloko unibertsitatera 1935. urtetik 1938. urtera arte. Sao Paulon, indigenen elkarteei buruzko lanak egin zituen Mato Grosson eta Amazonian.

Frantziara bueltatu zenean, II. Mundu Gerra hastear zegoenean, soldadutzara deitu zuten, baina armistizioaren ondoren, Estatu Batuetara alde egin behar izan zuen judua zelako. Bertan, New Yorkeko New School for Social Researchen irakatsi zuen. Geroxeago, Henri Focillon, Jacques Maritain, J. Perrin eta beste batzuekin batera New Yorkeko École Libre des Hautes études sortu zuten eta erakunde honetako zuzendari nagusia izendatu zuten.

1944an, Frantziako kanpo-arazoetarako ministroak deitu zion eta Frantzian geratu zen, baina 1945. urtean Estatu Batuetara itzuli zen. 1946tik 1947ra arte Frantziako Enbaxadan lan egin zuen Washingtonen kulturako albokoa bezala. Gero, Parisera itzuli zen eta tesia eta tesina aurkeztu ondoren doktoregoa lortu zuen. New Yorken igaro zituen urteak, hezteko balio izan zioten, Jakobson ezagutu baitzuen eta Jakobsonek bere teoriak azaltzen lagundu zion eta. Gainera, Franz Boas eta beste antropologoen adiskidea zenez, Estatu Batuetako antropologian sarrarazi zuten.

1940. urtean, Musée de l’Hommeko zuzendari ordea izendatu zuten eta ondoren École Pratique des Hautes Étudeseko zuzendaria. Collège de Franceko gizarte-antropologiako irakaslea izendatu zuten 1959. urtetik bere erretiratzera arte, 1982. urtean. Baita ere, Académie françaiseko kide izendatu zuten, 1973ko Maiatzak 24an, Henry de Montherlanten ordez.

Estatu Batuetako Zientzi Nazio-Akademiaren kide atzerritarra da, Estatu Batuetako Arte eta Letra-akademiaren kide, Herbehereetako akademia errealaren kide, Norvegiako Letren eta Zientzi-akademiaren kide eta Britania Handiko akademiaren kide da. Brusela, Oxford, Chicago, Stirling, Upsal, Montreal, Mexiko, Kongo, Visva Bhrati (India) eta Yale, Harvard, Johns Hopkins eta Columbiako unibertsitateetan doktore honoris kausa da.

1966. urtean, urrezko domina eta Viking Fund saria jaso zuen, nazioarteko etnologoen botoei esker. Beste hainbat sari ere jaso ditu, C.N.R.Sko urrezko domina (1967), Erasmus saria (1973), Nonimo fundazioaren saria (1986), Aby M. Warburg saria eta Ohorezko Legioko intsignia (1996).

Lanak

• La vie familiale et sociale des indiens Nambikwara (1948)
• Les structures élémentaires de la parenté (1949)
• Races et histoire (1952)
• Tristes tropiques (1955)
• Anthropologie structurale (1958). Euskarazko bertsioa dago: Antropologia estrukturala.
• Le totémisme aujourd'hui (1962)
• La pensée sauvage (1962). Euskarazko bertsioa dago: Pentsaera basatia.
• Les mythologiques: Le cru et le cuit (1964)
• Les mythologiques: Du miel aux cendres (1967)
• Les mythologiques: L'origine des manières de table (1968)
• Les mythologiques: L'homme nu (1971)
• Anthropologie structurale deux (1973)
• La voie des masques (1975)
• Le regard éloigné (1983)
• La potière jalouse (1985)
• De près et de loin (1988)
• Histoire de lynx (1991)
• Regarder, écouter, lire (1993)
• Saudades du Brasil (1994)

Kanpo estekak

Wikimedia Commonsen badira fitxategi gehiago, gai hau dutenak: Claude Lévi-Strauss

Wikiesanetan badira aipuak, gai hau dutenak: Claude Lévi-Strauss

• Claude Levi-Strauss. Etnografoaren mendea artikulua Berria egunkarian
• (Ingelesez) Linguistic and Commodity Exchanges by Elmer G. Wiens. Examines the structural differences between barter and monetary commodity exchanges and oral and written linguistic exchanges.

• Datuak: Q128126
• Multimedia: Claude Lévi-Strauss / Q128126
• Aipu famatuak: Claude Lévi-Strauss