André Frénaud

André Frénaud
Bizitza
Jaiotza	Montceau-les-Mines, 1907ko uztailaren 26a
Herrialdea	Frantzia
Lehen hizkuntza	frantsesa
Heriotza	Parisko 7. barrutia, 1993ko ekainaren 21a (85 urte)
Familia
Ezkontidea(k)	Monique Mathieu (en)  (1971ko ekainaren 8a -
Hezkuntza
Hizkuntzak	frantsesa
Jarduerak
Jarduerak	poeta
Enplegatzailea(k)	Lviveko Unibertsitatea
Jasotako sariak	ikusi Grand prix national de la poésie  (1973) Grand prix de poésie de la SGDL  (1989)

André Frénaud (Montceau-les-Mines, Frantzia, 1907ko uztailaren 26a - Paris, Frantzia, 1993ko ekainaren 21a) frantses poeta izan zen.

Biografia

Literatura-, filosofia- eta zuzenbide-ikasketak egin zituen Parisen. 1930ean, frantseseko irakasle izan zen Lvoveko Unibertsitatean (Polonian). Bigarren Mundu Gerra hasi zenean, Alemaniara deportatu zuten, baina ihes egitea lortu zuen, eta erresistentzian parte hartu zuen.

Bere poesia lanetan halako oldartu nahi bat azaltzen da, arrazoi existentzialengatik ezinegonez betea. Hizkera arrunta baina zehatza erabiltzen du beti, tonu-aldaketa bat-batekoez eta irakurlea harrituta uzten duten ustekabe eta kontraesanez ederki hornitua. Haren mundu poetikoa Sartre edo Albert Camusenaren pare jarri izan da: Les rois-mages (1943, "Errege Magoak"); Les mystères de París (1943, "Parisko misterioak"); La noce noire (1946, "Ezkontza beltza"); Poèmes de Brandebourg (1948, "Brandenburgoko poemak"); Poèmes de dessous Le plancher (1949, "Zoru-azpiko poemak"); Énorme figure de la déesse Raison (1949, "Arrazoi jainkosaren irudi-eskerga"); Les paysans (1951, "Baserritarrak"). 1960ko hamarraldian bi poema-bilduma argitaratu zituen: Il n´y a pas de paradis (1962, "Paradisurik ez dago") eta La sainte face (1968, "Aurpegi santua"). Handik zenbait urtera, La Sorcière de Rome (1973, "Erromako sorgina") poema luzea eman zuen argitara, eta hurrengo urtean, Mines des rien, petits délires (1974, "Ezeren meatokiak, txikinahikeriak").

Bibliografia hautatua

• Les Rois mages, Villeneuve-les-Avignon, Seghers, 1943.
• Poèmes de dessous le plancher suivi de La Noce noire, Gallimard, 1949.
• Il n'y a pas de paradis, Gallimard, 1962.
• L'Étape dans la clairière, Gallimard, 1966.
• Les Rois mages, édition corrigée, Seghers, 1966; édition définitive, Gallimard, 1977.
• La Sainte face, Gallimard, 1968.
• Depuis toujours déjà, Gallimard, 1970.
• Notre inhabileté fatale, Gallimard, 1972.
• La Sorcière de Rome, Gallimard, 1973.
• Haeres, Gallimard, 1982 ISBN 20702036X.
• Nul ne s'égare, Gallimard, 1986 ISBN 2070707407.
• Glose à la sorcière, Gallimard, 1995.

Erreferentziak

• Datuak: Q518672