Lizardi (abestia)
Lizardi Mikel Laboaren abestia da. Jatorriz Bernardo Atxagak Lizardi olerkariaren omenez idatziriko olerki baten hitzetan oinarritzen da. 1985ean argitaratu zuen Sei albumean,[1] baita 1997ko Zuzenean albumean ere.[2]
| Lizardi (abestia) | |
|---|---|
| Jatorria | |
| Argitaratze-data | 1985 |
| Ezaugarriak | |
| Genero artistikoa | tangoa |
| Hizkuntza | euskara |
| Diskoetxea | Elkar |
| Deskribapena | |
| Honen parte da | Mikel Laboa (albuma) Zuzenean |
| Hitzak | Bernardo Atxaga |
| Bestelako lanak | |
| Musikagilea | Mikel Laboa |
| Argumentu nagusia | Jose Mari Agirrea |
Ni ez naiz Mikel Laboa komiki-liburuko gutxienez 8 orritan irudikatzen da Laboak abestia nola sortu eta grabatu zuen. Grabatzeko estudioan sartu eta egin zuen lehenengo saioa nahikoa izan zen grabazioa borobiltzeko, estudioan grabazioa ikusten ari ziren Jean Phocas soinu-teknikaria, Iñaki Salvador musikaria, eta Marisol Bastida guztiz hunkitu zirela.[3][4]
Doinua erritmoaren aldetik tangoa denez, Laboak dantzatu ere egiten zuen abestia interpretatzen zuenean, pianoan Iñaki Salvador aritzen zela.[5]
.jpg)
Hitzak
aldatuAbestiaren hitzak Bernardo Atxagakren olerki hau da:[6]
- Lizardi, Rimbaud etorri duk hitaz galdezka
- eta gu ere hire zain geundela
- esan zioagu
- ez hintzela aspaldi azaldu
- etxetik
- eta belatzean eseri gaituk denok
- erlojuak janez
- baina mezularia bidali diagu Alosko torrea
- eskilara luzetan
- beleak uxatzen
- ote hintzen ikus zezan
- gero kanpaiak entzun dizkiagu
- zakurrak zaunkaka
- orduan sortu haiz bidetik
- balantzaka
- eta hirekin aurrez aurre jarri garenean
- zerraldo erori haiz gure oinetan
- eta gorpu gogor hintzen
- udazkenaren tronoan
- hertsi dizkiagu begiak
- adiosik ez
- eta goizaldean
- muxika hezur batetan sarturik
- o petit poete
- pirotekniarik gabe lurperatu haugu
- baratzan.
Ikus, gainera
aldatuKanpo estekak
aldatu- Mikel Laboa "Lizardi" abestia youtube.com webgunean abestuz entzungai (hitzekin batera).
- Lizardi abestiaren letra musikablai.com webgunean.
Datuak: Q12262492
- ↑ «6» www.badok.eus (Noiz kontsultatua: 2023-01-12).
- ↑ «Zuzenean» www.badok.eus (Noiz kontsultatua: 2023-01-12).
- ↑ (Ingelesez) «'Ni ez naiz Mikel Laboa' liburuan aipatzen diren abestien zerrenda» Spotify (Noiz kontsultatua: 2023-01-10).
- ↑ Larratxe, Joseba. (2022). Ni ez naiz Mikel Laboa. Joseba Larratxe - Youtube (Noiz kontsultatua: 2023-01-02).
- ↑ de la Maza, Gabi. Lizardi (Mikel Laboa). Euskal Karaokeak - Youtube (Noiz kontsultatua: 2023-01-12).
- ↑ «Lizardi» www.badok.eus (Noiz kontsultatua: 2023-01-12).