Gardata
Gardata Ispasterko auzoa da.
| Gardata | |
|---|---|
| gune populatua | |
 | |
| Administrazioa | |
| Herrialdea |  Euskal Herria |
| Probintzia |  Bizkaia |
| Bizkaiko eskualdea | Lea-Artibai |
| Udalerria | Ispaster |
| Geografia | |
| Koordenatuak | 43°21′50″N 2°31′04″W / 43.36381743°N 2.51780469°W |
 | |
| Demografia | |
Geografia
aldatuArtika izeneko auzune zabalaren parte bada ere, Gardatako baserri multzoak izaera propioa du gutxienez XV. mendetik, agiriek erakusten dutenez. Gaur egunean, Ispasterko udal agirietan auzunea "Artika-Gardata" izendatu ohi da.[1] Euskaltzaindiaren EODAn Gardata-Artika ageri da[2]. Auzune horiei eta Kurtziagakoari zerbitzatzeko, 20. mendean auzo-eskola egon zen Gardatan; etxe berriztua hantxe da 21. mendean ere.
Gardata ondoko dolina batean, Armintxeko kobazuloarekin bat egiten duen leize nagusietako bat dago, labar-arte aztarnategia suntsitzen ari den uholdeen arazoarekin zerikusi zuzena duena.[3]
Iruditegia
aldatu-
Gardata-Artikako auzo-eskola zaharra. -
Gardatako Alagarre baserria. -
Gardatako baserri bat.
.jpg)
Demografia eta biztanleria
aldatu2007ko urtarrilaren 1eko erroldaren arabera, auzoak 93 biztanle ditu.
| 2000 | 2001 | 2002 | 2003 | 2004 | 2005 | 2006 | 2007 |
|---|---|---|---|---|---|---|---|
| 96 | 97 | 99 | 97 | 98 | 93 | 89 | 93 |
Bestelako jakingarriak
aldatuHistorian zehar Lekeitioko herrian bertako txakolinaren salerosketa sustatzeko neurri protekzionistak hartu izan dira behin baino gehiagotan: herriko erreserbak amaitu arte, ezin izaten zen herrian kanpoko ardoa saldu. Hori zela eta, garai batean herriaren irteera guztietan tabernak egon ziren; haietako bat Gardatan.[1]
Espainiako Gerra Zibila hasi zenean, Mikel Laboa bere familiarekin (ama eta zazpi anai-arrebak) Gardatan errefuxiatua egon zen urte eta erdiz, Juli Zeberio etxeko neskamearen familiaren etxean.[4] Artean Mikelek hiru bat urte baino ez zituen arren, bertako jendearen hizkeraren doinua bizitza osoan oroituko zuen, Lekeitioak izeneko kantu-bilduma sortzeraino.[5]
Ikus, gainera
aldatu
Kanpo estekak
aldatu
 |
Artikulu hau Bizkaiko geografiari buruzko zirriborroa da. Wikipedia lagun dezakezu edukia osatuz. |
- ↑ a b 1914-, Zubikarai, Augustin,. (1987). Ipazter. J. Fernandez Egiguren PMC 33157357. (Noiz kontsultatua: 2022-03-29).
- ↑ «EODA - Bilaketa - EODA» www.euskaltzaindia.eus (Noiz kontsultatua: 2022-03-30).
- ↑ Ades. (2018-12-17). «El arte rupestre de la Cueva de Armintxe en grave riesgo de inundación» Albisteak (Noiz kontsultatua: 2022-03-29).
- ↑ [https://gara.naiz.eus/paperezkoa/20081202/109785/es/Lo-que-hago-no-es-transgradir-es-sacar-que-tengo «�Lo que hago no es transgredir, es sacar lo que tengo� - GARA»] gara.naiz.eus (Noiz kontsultatua: 2022-03-29).
- ↑ Zabala, Juan Luis. «Orain mitoa da, betiko» Berria (Noiz kontsultatua: 2022-03-29).