iBet uBet web content aggregator. Adding the entire web to your favor.
Link to original content: http://ephemeris.alcuinus.net/politica.php?id=1464
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
POLITICA
Stalin et Putin a Russis personae auctoritate gravissimae habentur
Vladimirus Putin, praeses Russiae, a popularibus suis unus ex hominibus auctoritate gravissimis omnium temporum habetur. Ex percontatione Lunae die pervulgata apparet XXXVIII quidem ex centum Russis Iosephum Stalin virum gravissimum habere, locum autem secundum Putin una cum Alexandro Pushkin poeta obtinet, quorum utrique XXXIV ex centum suffragati sunt. Nullo tempore plures Putino favebant, postquam anno MMIII primum eligi potuit. Tertium locum Vladimirus Lenin tenet, qui anno MCMXVII rem publicam vi armisque in potestatem suam redegit. Quem sequuntur Petrus Magnus Caesar, Georgius Gagarin astronauta, Leo Tolstoi scriptor et Georgius Shukov, marescalcus Unionis Sovieticae. In indice XX nominum loco demum decimo quarto vir natione extera invenitur : Napoleo, imperator Francogallus, qui anno MDCCCXII a Russis cladem atrocissimam accepit. Locum XVI. Albertus Einstein nanctus est , physicus excellentissimus, locum paenultimum (XIX) Isaac Newton. Ultimum locum tenet – quid mirum? - Michael Gorbatshov, quo regnante Unio Sovietica dilapsa est: quem in personis gravissimis esse sex tantum centesimae censent. Scripsit Volfgangus Austriacus - 27/06/2017 10h22 . .
|
BREVES
Novissima demoscopia monstrant candidatam Democratarum ad munus praesidis USA Hilariam Clinton superare sui aemulum Republicanum Donald Trump 2-5%. - 05/11/2016 23h59
In Ungaria plebis scitum de migrantibus numerum legitimum suffragiorum non tulit, sed Minister Primarius Victorius Orban Cartam Constitutivam mutatum iri nuntiavit ne migrantes acciperentur non probante senatu. - 03/10/2016 18h35 Bratislaviae Slovacorum conveniunt duces 27 terrarum sociarum Unionis Europaeae - primum sine Britannia. Candidatus republicanorum ad munus praesidis USA Donald Trump superat in indagatione opinionum aemulatricem democratam Hilariam Clinton in tribus "civitatibus maximi momenti": Ohio (praestantia 5%), Florida (3%), Nevada (2%). - 15/09/2016 10h18
VIDE ETIAM
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
Latine loqui disce!!
==============
============= AMICI EPHEMERIDIS :
|
