Lumeco

Lumeco estas la energio, kiun luma objekto (plejofte stelo) disradias portempe. Lumeco estas mezurita per vatunuoj (W). Lumeco de stelo estas sendependa de distanco.

Kalkulado de la lumeco

La lumeco de fonto de radiado, kiu radias sian energion, egalas al la produkto de la energia flukso dum unuo de tempo $F$ kaj la lumigata areo $A$:

$L=F\cdot A.$

Se oni esprimas tiu surfacon per la spaca angulo $\Omega$ (laŭ la difino de ĉi-lasta), rezultas la lumeco "L" per

$L=\Omega R^{2}\cdot F.$

En tiu ekvacio, $R$ estas la distanco inter la konsiderata areo kaj la fonto.

Se la fonto estas izotropa, la energio distribuiĝas sur la tutan surfacon de la sfero kun radiuso $R$, $\Omega =4\pi$ kaj:

$L=4\pi R^{2}\cdot F.$

Vidu ankaŭ

• Leĝo de Stefan-Boltzmann
• Klasigo de steloj
• Kvazaro
• Magnitudo
• Suna lumeco