Mentoro
Mentoro estas persono en universitato aŭ altlernejo, kiu okupiĝas pri instruado kaj direktado (helpado) de alia persono. Tiu vorto devenas de la nomo de la rolulo el la Odiseado (eposo de Homero), kiu iĝis simbolo de la saĝa konsilanto kaj gvidanto de junulo.
Tiu specifa formo de la kurso nomiĝas ankaŭ mentorado, en kiu la mentoro observas kaj, okaze de problemoj ĉe la studanto, ekhelpas. La mentoro mem povas esti same studanto, de pli posta studjaro. La mentoro tiel jam konas la postulojn kaj la solvojn. Li povas helpi okaze de eraroj aŭ trostreĉiteco.
Reprezentantoj de socia konstruktivismo kritikas la mentorecon, ĉar tiu ne baziĝas je ekkona studado.
Pli ĝenerale, oni nomas "mentoro" helpeman pli spertan konsilanton en iu ajn profesio aŭ metio, precipe se ne temas pri formala estro aŭ trejnanto.