Aceituna

Aceituna (Olivo) estas municipo de Hispanio, en la provinco Cáceres (Kacereso) kaj la regiono Ekstremaduro. La municipan nomon respegulas la blazono, kiu bildigas olivarban branĉon. Laŭ la stato de 2023 en la municipo vivis 581 loĝantoj sur areo de 40 kvadrataj kilometroj, kio rezultigas loĝdenson de 15 loĝantoj/km². La loĝantoj nomiĝas aceitunejos.

Aceituna
municipo en Hispanio vd
Flago	Blazono
Administrado
Lando	Hispanio
Regiono	Ekstremaduro
Provinco	provinco Kacereso
Komarko	Valo de Alagono
Poŝtkodo	10666
En TTT	Oficiala retejo [+]
Politiko
Urbestro	Josafat Clemente Perez
Demografio
Loĝantaro	581  (2023) [+]
Loĝdenso	15 loĝ./km²
Geografio
Geografia situo	40° 9′ N, 6° 20′ U (mapo)40.149444444444-6.3322222222222 [+]
Alto	472 m [+]
Areo	40 km² (4 000 ha) [+]
Horzono	UTC+01:00 [+]
Aceituna (Ekstremaduro) DEC situo en Ekstremaduro
Aceituna (Hispanio) DEC situo en Hispanio kaj en tuta Iberio
Alia projekto
Vikimedia Komunejo Aceituna [+]

Situo

Aceituna estas situa en la nordokcidenta parto de Ekstremaduro en la komarko aŭ distrikto Valo de Alagón, je altitudo de 472 m; je 98 km de Cáceres, provinca ĉefurbo kaj je 158 km de Mérida, la regiona ĉefurbo. La surfaco de ties teritorio estas de 40 km².

Ekonomio

Agrikulturo kaj brutobredado.

Limoj de la municipa teritorio

Aceituna limas kun:

• Santa Cruz de Paniagua norde.
• Montehermoso sude.
• Pozuelo de Zarzón okcidente.
• Santibáñez el Bajo kaj Valdeobispo oriente.

Historio

Aceituna estis fondita en la 13a jarcento kiel domaro de la tiama Senjorlando de Galisteo.

Aceituna emancipiĝis kiel libera municipo en 1837, kun la resto de la vilaĝoj de la senjorlando.

Demografio

Demografia evoluo de Aceituna inter 1787 kaj 2006
1787	1827	1850	1920	1950	1981	2001	2002	2003	2004	2005	2006
344	350	603	602	772	803	701	657	663	645	632	618

Monumentoj kaj aliaj vidindaĵoj

Religia arkitekturo

• La Preĝejo de Sankta Marina kun duoncilindra absido el ŝtono kaj sendependa sonorilturo for de la templo.
• La Ermito de Kristo, de la 16a jarcento
• Antikve estis du pliaj ermitoj, tiu de la Martiroj kiu troviĝis kie estas aktuale la statuo de la tamburisto (antikve tombejo), kaj alia post la trapasejo de Sankta Petro, en la komuna kamparo, kie estis la ermito de Sankta Petro.

Civila arkitekturo

• Statuo dediĉita al la tamburistoj (ludis tamburon per unu mano kaj fluton per la alia) de la municipo kaj de la tuta norda Ekstremaduro.

Festoj

En Aceituna oni celebras la jenajn festojn:

• Sankta Sebastiano, 20a, 21a kaj 22a de januaro.
• Sankta Marina (18a de julio)
• Festo de los Quintos
• Las Alborás