Ernest Rhys

Ernest Rhys
Ganwyd	Ernest Percival Rhys  17 Gorffennaf 1859  Islington
Bu farw	25 Mai 1946  Llundain
Dinasyddiaeth	Cymru
Galwedigaeth	bardd, golygydd, llenor, golygydd cyfrannog
Priod	Grace Rhys
Plant	Megan Rhys

Bardd, nofelydd a golygydd o Loegr o dras Gymreig oedd Ernest Rhys (17 Gorffennaf 1859 – 25 Mai 1946). Fe'i ganed yn Islington, Llundain.

Roedd yn un o sylfaenwyr The Rhymers' Club, gyda W. B. Yeats a T. W. Rolleston. Roedd hefyd yn gyfaill i'r bardd Ezra Pound.

Fe'i cofir yn bennaf am ei waith fel golygydd y gyfres Everyman's Library i gwmni Dent rhwng 1906 a 1946.

Ysgifennodd nifer o nofelau rhamantaidd ag iddynt gefndir Celtaidd yn aml, yn ogystal â cherddi, dau werslyf ar hanes a llenyddiaeth Cymru, ac erthyglau ar y Celtiaid. Fel ei gyfaill W. B. Yeats tueddai i gofleidio'r syniad o'r "Gwyll Celtaidd". Cyfieithiodd gerddi Cymraeg i'r Saesneg a golygodd flodeugerdd Geltaidd ddylanwadol, A Celtic Anthology (1927).

Llyfryddiaeth ddethol

• The Fiddler of Carne (1896). Nofel.
• A London Rose (1894). Cerddi.
• Welsh Ballads (1898). Cerddi.
• The Whistling Maid (1900). Nofel am Gymru.
• The Man at Odds (1904). Nofel am Gymru.
• The Leaf Burners (1917). Cerddi.
• Black Horse Pit (1925). Nofel.
• A Celtic Anthology (1927).
• Rhymes for Everyman (1933). Cerddi.
• Song of the Sun (1937). Cerddi.