Bicol Express
An Bicol Express an primerong kakanon kan mga Bikolano. Sinasahugan ini kan kadakol na sili para masiram sa pagnamit kan mga taong makakan kaini lalo na kan mga Bikolano. Saro man sa primerong kakanon kan mga Bikolano an inaapod na pinangat o tinuktok sa bikol, ini gibo sa dahon na inaapod na natong asin may palaman na ini man saro sa mga mahaharang na kakanon kan mga Bikolano.
Saro an Bicol express sa bantog na panira sa pangudtuhan kan mga Bikolano. Bantog man ini sa distrito kan Malate, Manila ,kaso ginibo man lang sana ini sa istilong Bikolano. Ipinangaran ini pakatapos kan serbisyo pasahero kan tren hali sa Manila pasiring sa Bicol, sarong rehiyon sa Pilipinas na bantog sa mga mahaharang na lutuon.[1][1]
Ang Bicol Express pinagsasambit na gikan sa sarong bantog na bikolanong panira na pinag-aapod na Gulay na Lada. Simpleng kakanon ang panirang ini, nakakagutom pag ika nakahiling nin sarong kakanon na ini o kaya man pag nakaparong ka nin sarong Bicol express manlalaway ka. Suno ni kan mga kagurangan sagkod man mga kaakian, basta masiram an pakaluto o kaya man espesyal an pakaluto kan panirang ini. Sa mga kakanan asin restaurant sa Bicol dae niyo nawawara, barakalon ini asin masulong na maray. Dakol kang pwedeng gibuhon sa panirang arog kani. Pwede mo ni iluto sa may guta o kaya man sa mayong guta basta sana masiram an pakaluto mo.[2]
Dakol nagsasabi na pag nasobrahan ka daa sa pagkakan kaniyo mataraas daa ang altapresyon mo, pero sabi-sabi sana yan ta ang tototo depende man iyan sa pakaluto mo kung nasobrahan mo nin lana, mga taba o kun ano-anu pang mga malanab o sobra sa taba na pangsangkap.[3]
Proseso sa pagluto kan Bicol Express
[baguhon | baguhon an source]Mga Salak
[baguhon | baguhon an source]- 4 na tasang sili na giniriris na palaba
- 1 kutsarang asin
- 2 tasang guta
- 1 1/2-2 tasang labas na kasag
- 1/4 kilo nin liempo,giniris sa manipis tapos pa kuwadrado
- 3 tipasi nin giniris na bawang asin sibulyas
- 1 kutsarita nin asin pantimpla
- 1 tasang kakang guta
Pano Gibuhon
[baguhon | baguhon an source]- Ibabad an sili sa tubig na may asin.
- Igilid nguna sa 30 minutos.
- Balnawan asin Patitian
- Sa kawali, pakuluan an guta, kasag, liempo, bawang, sibulyas asin asin.
- Luwayan an kalayo saka lutuon nin 10 na minutos.
- Idugang ang sili saka lutuon sagkod mawara an kabanga kan sabaw.
- Iula an kakang-guta asin pabayaan sagkod na maglana.
