Yevgeni Yevtuşenko

Yevgeni Yevtuşenko
rus. Евгений Евтушенко rus. Евгений Александрович Евтушенко
2015
Doğum tarixi	18 iyul 1932
Doğum yeri	Nijneudinsk, İrkutsk, Rusiya
Vəfat tarixi	1 aprel 2017 (84 yaşında)
Vəfat yeri	Talsa, Oklahoma, ABŞ
Vəfat səbəbi	ürək çatışmazlığı
Dəfn yeri	Peredelkino qəbiristanlığı[d]
Həyat yoldaşları	Bella Axmadulina (1955–1958)
Təhsili	Maksim Qorki adına Ədəbiyyat İnstitutu
Fəaliyyəti	şair, romançı, ssenarist, rejissor, aktyor, müəllim, yazıçı, publisist, fotoqraf, nasir
Fəaliyyət illəri	1949–2017
Mükafatları
Üzvlüyü	Amerika İncəsənət və Elmlər Akademiyası
Vikianbarda əlaqəli mediafayllar

Yevgeni Yevtuşenko (18 iyul 1932, Zima, İrkutsk vilayəti – 1 aprel 2017, Talsa) — məşhur rus və sovet şairi, nasir, publisist, aktyor. Ədəbiyyat üzrə iki dəfə Nobel mükafatı namizədi (1963 və 2010-cu ildə)

Həyatı

1932-ci ildə anadan olmuş Yevtuşenko keçmiş SSRİ-nin ən böyük şairlərindən hesab olunur. Baltikyanı almanlardan olan həvəskar şair Aleksandr Qanqnusun ailəsində anadan olmuşdur. Sonradan anası oğluna öz soyadını verib.

1949-cu ildən dərc olunmağa başlayan şair Stalin sonrası dövrün ən populyar şairlərindən hesab olunur. Şairliklə yanaşı, roman yazarı, publisist, aktyor kimi də tanınan Yevgeni Yevtuşenko dəfələrlə xarici səfərlərlə olmuş, Qərb ölkələrində əsərləri dərc olunmuşdur.

O, 1991-ci ildə Amerika Birləşmiş Ştatlarının Talsa Universiteti ilə müqavilə bağlayaraq ailəsi ilə birlikdə ölkəni tərk etmişdir. Ara-sıra Rusiyaya dönsə də, ömrünün sonlarına qədər Amerikada yaşamışdır.

1 aprel 2017-ci ildə xərçəng xəstəliyindən vəfat etmişdir. Vəsiyyətinə görə, 11 aprel 2017-ci ildə Peredelkino qəbristanlığında şair Boris Pasternakın məzarı yanında dəfn olunmuşdur.

Şair Yevgeni Yevtuşenko Xuraman Abbasovaya “Örpək” adlı şeir həsr etmişdir.