Supernova

Una supernova, (del llatín nova, nueva), ye ún españíu estelar que pue manifestarse d'un xeitu mui notable, inclusive a güeyu desnudu, en llugares de la esfera celeste onde enantes nun veíase nada en particular.

Esti nomatu foi usáu dende la antigüedá pa nomar l'españíu d'una estrella blanca y pequeña nes sos capes esteriores allumando na esplosión hasta 100.000 vegaes más fuerte que nel so estáu orixinal. Les supernoves caltienen destellos de lluz dende varies selmanes hasta meses. Entamando a brillar darréu ya apagándose d'un xeitu progresivu y llentu.

El so orixe pue ser diversu. Pueden ser estrelles masives que yá nun pueden desendolcar reaiciones termonucleares nel so nucleu, y que son incapaces de caltenerse pola presión de dexeneración de los electrones, lo que les lleva a contraerse repentinamente (colapsar) y xenerar, nel procesu, una fuerte emisión d'enerxía. Otru proceso más violento tovía, capaz de xenerar destellos inclusive munchu más intensos, pue asoceder cuando una enana blanca miembru d'un sistema binario peslláu, recibe suficiente masa de la so collacia como pa superar el llímite de Chandrasekhar y proceder a la fusión istantánea de tol so nucleu: estu dispara un españíu termonuclear qu'espulsa cuasi too, si non too, el material que la formaba.

La esplosión de supernova provoca la espulsión de lss capas esternss de la estrella al traviés de poderoses ondes de choque, enriqueciendo l'espaciu que la rodia con elementos pesaos. Los restos, a vegaes, formen ñubes de polvu y gas. Cuando'l frente d'onda de la esplosión alcanza otres ñubes de gas y polvo allugaes, les comprime y pue entamar la formación de nueves ñebulosss solares qu'orixinen, dempués de cierto tiempu, nuevos sistemes estelares (quiciabes con planetas, al estar lss nebulosas enriquecíes colos elementos procedentes de la esplosión).

Nel so nucleu a vegaes remanecer oxetos estelares dependiendo del tamañu de la antigua estrella. Estrelles pergrandes dexen furacos prietos, más pequeñes dexen púlsares, y más pequeñes, cenices estelares que enfriaranse col tiempu como enanes blanques.

Referencies

Enllaces esternos