Nadine Gordimer

Nadine Gordimer
Vida
Nacimientu	Springs, 20 de payares de 1923
Nacionalidá	Sudáfrica
Llingua materna	inglés
Muerte	Johannesburgu, 13 de xunetu de 2014 (90 años)
Familia
Padre	Isidore Gordimer
Madre	Hannah Gordimer
Casada con	Gerald Gavron (1949 – 1952); Reinhold Cassirer (1954 – 2001)
Fíos/es	Oriane
Estudios
Estudios	Universidá del Witwatersrand
Llingües falaes	inglés
Oficiu	poeta, escritora, novelista, dramaturga, cuentista, editora científica, prosista, direutora de cine
	Participante Xunta Añal del Foru Económicu Mundial 2004 ;
Llugares de trabayu	Johannesburgu
Emplegadores	Universidá de Harvard
Trabayos destacaos	El conservador (es) ; La hija de Burger (es) ; July's People (en) ; A Sport of Nature (en) ; The Pickup (en) ; Get a Life (en)
Premios	ver Premio de Roma ; comendador de les Artes y les Lletres ; Oficial de la Lexón d'Honor ; miembru de la Real Sociedá de Lliteratura ; WH Smith Literary Award (1961) ; Premio James Tait Black (1971) ; Premiu Booker (1974) : El conservador (es) ; Premio Literario de la Agencia Central de Noticias (1974) ; Premio Literario de la Agencia Central de Noticias (1979) ; Premio Literario de la Agencia Central de Noticias (1981) ; Premio Nelly Sachs (1985) ; Premio Anisfield-Wolf (1988) ; Premiu Nobel de Lliteratura (1991) ;
Nominaciones	ver Premiu Booker ; (2001): The Pickup (en) ; Premiu Booker ; (2006): Get a Life (en) ;
Miembru de	Academia de les Artes y les Ciencies d'Estaos Xuníos ; Real Sociedá de Lliteratura
Xéneru artísticu	novela curtia; cuentu
Creencies
Relixón	ateísmu
Partíu políticu	Congresu Nacional Africanu (de valor desconocíu a valor desconocíu)
IMDb	nm0329919

Nadine Gordimer (20 de payares de 1923, Springs – 13 de xunetu de 2014, Johannesburgu)^[11] foi una escritora sudafricana ganadora del Premiu Nobel de lliteratura en 1991. Nos sos llibros trata los conflictos interétnicos y l'apartheid.

Vida

Nació'l 20 de payares de 1923 en Springs, provincia de Gauteng, una población minera cerca de Johannesburgu. Los sos padres yeren inmigrantes xudíos de clase media. El so padre yera un reloxeru de Lituania, proveniente d'un llugar cercanu a la frontera letona y la so madre venía de Londres. Empezó a escribir rellatos a la temprana edá de nueve años y yá con quince publicó'l primeru d'ellos na revista Forum. Con venticinco años treslladóse a Johannesburgu, onde afitó la so residencia definitiva. Nunca destacó como estudiante y anque ingresó na prestixosa Universidá de Witwatersrand, nun llegó a rematar los sos estudios.

Decantóse nun principiu poles hestories curties, publicando en 1949 el so primer llibru tituláu Face to Face; esi mesmu añu casóse per primer vegada. En 1953 escribió The Soft Voice of the Serpent, siguiendo nel estilu d'historia curtia. Yá nestos escritos empezó a encetar la tema social de Sudáfrica, cola enayenadura de los comportamientos humanos y la segregación racial como telón de fondu.

Hasta 1953 nun vendría la so primer novela, The Lying Days, na que yá quedaría afigurada la so carauterística téunica narrativa marcada per una llinia sobria, ensin sentimentalismos, anque con una gran esmolición pola dexeneración humana que la arrodiaba. En 1954 casóse en segundes nupcies con Reinhold Cassirer, con quien tuvo un fíu. Nos años posteriores siguió escribiendo tanto noveles como rellatos curtios: Six Feet of the Country (1956), A World of Strangers (1958), Friday’s Footprint (1960), Occasion for Loving (1963), Not for Publication (1965), The Late Burgeois World (1966) A Guest of Honour (1970), Livingstone’s Companions (1971), The Conservationist (1974), Selected Stories (1975) y Burger’s Daughter (1979). Mientres estos años compaxinó la so actividá lliteraria con conferencies n'universidaes d'Europa y América.

Nos años ochenta publicaría dalgunes de les sos obres más importantes: A Soldier’s Embrace (1980), July’s People (1981), Something Out There (1984), A Sport of Nature (1987), My Son’s Story (1990).

En 1991, añu nel que se-y concedió'l Premiu Nobel de Lliteratura, publicó Jump and Other Stories, siguiendo cola so carauterística perfeición formal, ensin utilizar elementos superfluos.

En 1994 publicó No one to Accompany Me, anque empezara a escribila años enantes y The House Gun en 1998. Yá nesti sieglu, The Pickup (2001), Get a Life (2005) y la so última obra, No Time Like the Present (2012), qu'amuesa l'actualidá de Sudáfrica al traviés de la vida d'una pareya d'antiguos militantes antiapartheid.

Recibió gran cantidá de premios y distinciones, como quince doctoraos honoris causa (poles universidaes de Yale, Harvard, Columbia, Cambridge, Leuven en Bélxica, Ciudá del Cabu y Witwatersrand ente otres).

En 2005, foi convidada a la Feria Internacional del Llibru en Guadalaxara, Méxicu, sentada ente Gabriel García Márquez y Carlos Fuentes.

Una voz fuerte

La Fundación Nelson Mandela, rindió homenaxe a Gordimer, pol so "fonda murnia pola perda de la gran dama de la lliteratura de Sudáfrica" "Perdimos una gran escritora, una patriota y una voz fuerte pola igualdá y la democracia nel mundu", amestó.

Nos sos últimos años, Gordimer fixo activismu na llucha contra'l VIH y el Sida, recaldando fondos pa Treatment Action Campaign, un grupu que busca ayudar a los enfermos sudafricanos a llograr medicines gratuites pa salvar les sos vides.

Tamién criticó al presidente sudafricano, Jacob Zuma, al oponese a un proyeutu de llei que llinda la publicación d'información considerada sensible pol gobiernu. "La reintroducción de la censura ye impensable cuando tenemos en cuenta lo que sufrió la xente pa desfacer de la censura en toles sos formes", espresó nuna entrevista'l mes pasáu.

Gordimer dexa tres fíos.

Finó'l 13 de xunetu de 2014, na so residencia de Johannesburgu.^[12], poveshita

Obres

1956, La nidia voz de la culiebra
1956, Seis pies de tierra (Six Feet of the Country)
1958, Mundu d'estraños (A World of Strangers)
1960, La buelga del vienres (Friday’s Footprint)
1965, Non pa publicar (Not for Publication)
1966, Ocasión p'amar (Occasion for Loving)
1966, El desapaecíu mundu burgués (The Late Burgeois World)
1970, Un invitáu d'honor (A Guest of Honour)
1971, Livingstone’s Companions
1974, El conservador (The Conservationist)
1975, Selected Stories (1975)
1979, La fía de Burger (Burger’s Daughter)
1980, Soldier’s Embrace
1981, Xente en xunetu (July’s People)
1984, Something Out There
1987, A Sport of Nature
1990, La historia del mio fíu (My Son’s Story)
1994, Naide que m'acompañe (No one to Accompany Me)
1998, Una arma en casa (The House Gun)
2002, L'alcuentru
2004, Saquéu
2006, Atrapa la vida
2007, Cuntar cuentos
2008, Beethoven tenía daqué de negru

Predecesor:
Octavio Paz

Premiu Nobel de Lliteratura
1991

Socesor:
Derek Walcott

Referencies

↑ Afirmao en: The Feminist Companion to Literature in English. Páxina: 440. Autor: Virginia Blain. Llingua de la obra o nome: inglés. Data d'espublización: 1990.
↑ Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.
↑ ^3,0 ^3,1 Afirmao en: Encyclopædia Britannica Online. Identificador Encyclopædia Britannica Online: biography/Nadine-Gordimer. Llingua de la obra o nome: inglés.
↑ URL de la referencia: http://www.huffingtonpost.fr/2014/07/14/nadine-gordimer-ecrivain-afrique-du-sud-mort-prix-nobel-litterature_n_5584172.html.
↑ URL de la referencia: https://books.google.es/books?hl=ca&id=xHh5IHbBiZUC&q=oriane#v=snippet&q=oriane&f=false.
↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
↑ URL de la referencia: https://thebookerprizes.com/fiction/backlist/1974.
↑ URL de la referencia: http://www.nobelprize.org/nobel_prizes/literature/laureates/1991/gordimer-facts.html.
↑ URL de la referencia: https://thebookerprizes.com/the-booker-library/books/the-pickup. Data de consulta: 10 payares 2022.
↑ URL de la referencia: https://thebookerprizes.com/the-booker-library/books/get-a-life.
↑ Muerre Nadine Gordimer, premiu Nobel de Lliteratura
↑ «Fina la Nobel Nadine Gordimer, voz lliteraria contra'l ‘apartheid'». El País (14 de xunetu de 2014). Consultáu'l 14 de xunetu de 2014.

Enllaces esternos

Wikiquote tien frases célebres suyes o que faen referencia a Nadine Gordimer.

[9603b8d5e7d093d17f9e0452d650ec7e4b83908e-1] Afirmao en: The Feminist Companion to Literature in English. Páxina: 440. Autor: Virginia Blain. Llingua de la obra o nome: inglés. Data d'espublización: 1990.

[abc9457dcf728dd069b8ed5b2e1a86035cf2b679-2] Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.

[f1a21076381727aa44048090e26eb6e3e484ea5d-3] 3,0 ^3,1 Afirmao en: Encyclopædia Britannica Online. Identificador Encyclopædia Britannica Online: biography/Nadine-Gordimer. Llingua de la obra o nome: inglés.

[e5713471378c265033a493fbbd91b3d19d62dcda-4] URL de la referencia: http://www.huffingtonpost.fr/2014/07/14/nadine-gordimer-ecrivain-afrique-du-sud-mort-prix-nobel-litterature_n_5584172.html.

[1c9eae15805981a9862fc94a2e31903448df6830-5] URL de la referencia: https://books.google.es/books?hl=ca&id=xHh5IHbBiZUC&q=oriane#v=snippet&q=oriane&f=false.

[ffcf54055ce036c5685f28d92222ed9bfa1882a9-6] Biblioteca Nacional de Francia. «autoridaes BNF» (francés). Consultáu'l 10 ochobre 2015.

[c77fc5065b6c09418ab6377c2c1f4b5b14d13ff4-7] URL de la referencia: https://thebookerprizes.com/fiction/backlist/1974.

[bd4fe3b7c70edc857c84b55dd72305ec4d472d35-8] URL de la referencia: http://www.nobelprize.org/nobel_prizes/literature/laureates/1991/gordimer-facts.html.

[48ca8d362ec466234693372ddf0e1e45acecd7dd-9] URL de la referencia: https://thebookerprizes.com/the-booker-library/books/the-pickup. Data de consulta: 10 payares 2022.

[a4b3b2dbe89b85b193469e85e5c3401843e15dd5-10] URL de la referencia: https://thebookerprizes.com/the-booker-library/books/get-a-life.

[11] Muerre Nadine Gordimer, premiu Nobel de Lliteratura

[12] «Fina la Nobel Nadine Gordimer, voz lliteraria contra'l ‘apartheid'». El País (14 de xunetu de 2014). Consultáu'l 14 de xunetu de 2014.

[1]

[2]

[3]

[4]

[5]

[6]

[7]

[8]

[9]

[10]

[11]

[12]