Alfabetu griegu

Alfabetu griegu
Tipos	alfabetu, sistema d'escritura natural y alfabeto bicameral (es)
Llingües	griegu, griegu antiguu y Griegu pónticu
Dates	sieglu IX edC
Basáu en	alfabetu feniciu
ISO 15924	Grek (200)
Direición del testu	d'izquierda a derecha
Estaya Unicode	U+0370-03FF, U+1F00-1FFF y U+10140-1018F
Formáu por	alfa, beta, gama, delta, épsilon, zeta, eta, theta, iota, kapa, lambda, Mi, Ν (es) , Ξ (es) , Ο (es) , Π (es) , Ρ (es) , Σ (es) , Τ (es) , Υ (es) , Φ (es) , Χ (es) , Ψ (es) y omega

El griegu escríbese col Alfabetu griegu, desendolcáu en dómines clásiques (alredor del sieglu IX e.C.) aportando hasta anguaño. Les sos lletres son emplegaes en munchos idiomes pa una bayura de funciones: símbolos matemáticos, nomes d'estrelles...

L'alfabetu griegu ye la adautación del alfabetu feniciu al mundu helénicu, magar qu'otres teoríes ven influyencies del proto-cananéu, incluso del exipcianu, asiriu o de la escritura cretense.

Al principiu esistíen sólo les mayúscules, siendo les minúscules emplegaes más tarde como valores numbéricos.

Tablas

Les lletres griegues y les sos derivaciones son como vienen darréu (la pronunciación sigue la normativa SAMPA):

Lletres clásiques

Lletra	Nome	Pronunciación	Valor	Lletra hebrea correspondiente	HTML
Α α	Alfa	/a/ /a:/	1	Aleph (') /a/	α
Β β	Beta	/b/	2	Beth /b/	β
Γ γ	Gama	/g/->/G/ /j/(ga,gue,gui,go,gu)	3	Gimel /g/	γ
Δ δ	Delta	/d/->/D/	4	Daleth /d/	δ
Ε ε	Épsilon	/e/	5	He (h) /h/	ε
Ζ ζ	Zeta	/dz/->/z/	7	Zain /dz/	ζ
Η η	Eta	/E:/->/i/	8	Heth (h*)	η
Θ θ	Theta	/t_h/->/T/	9	Thet (t*)	θ
Ι ι	Iota	/i/ -> /i/ /j/	10	Yodh (y) /j/	ι
Κ κ	Kapa ~ kappa	/k/	20	Kaph /k/	κ
Λ λ	Lambda	/l/	30	Lamed /l/	λ
Μ μ	Mi	/m/	40	Mem /m/	μ
Ν ν	Ni	/n/	50	Nun /n/	ν
Ξ ξ	Xi	/ks/	60	Samekh (s)	ξ
Ο ο	Ómicron	/o/	70	Ain ()	ο
Π π	Pi	/p/	80	Pe /p/	π
Ρ ρ	Ro	/r/	100	Resh /r/	ρ
Σ σ,ς	Sigma	/s/	200	Shin (sh) /S/	σ
Τ τ	Tau	/t/	300	Taw /t/	τ
Υ υ	Ípsilon	/u/->/y/->/i/	400	De Wau	υ
Φ φ	Phi	/p_h/->/f/	500	orixe disputáu	φ
Χ χ	Khi	/k_h/->/x/	600	orixe disputáu	χ
Ψ ψ	Psi	/ps/	700	orixe disputáu	ψ
Ω ω	Omega	/O:/->/o/	800	Ain ()	ω

Lletres obsoletes

Lletra	Nome	Pronunciación	Valor	Lletra hebrea correspondiente
Ϝ ϝ ₍₁₎	Digamma	/w/	6	Waw (Vav) /w/
Ϛ ϛ ₍₂₎	Stigma	/st/	6	Waw (Vav) /w/
Ͱͱ ₍₁₎	Heta	/h/	–	Heth (h*)
Ϻ ϻ ₍₁₎	San	/ts/	–	Sade (s*) /ts/
Ϙ ϙ ₍₁₎	Qoppa	/k/	90	Qoph /q/
Ͳ ͳ ₍₁₎	Sampi	/ss/ /ks/	900	Sade (s*) /ts/
Ϸ ϸ ₍₃₎	Sho	/ʃ/	–	Sade (s*) /ts/

₍₁₎: Lletra desaniciada del alfabetu nos primeros tiempos, enantes del periodu qu'agora se llama "clásicu".

₍₂₎: Lletra desaniciada bizantina.

₍₃₎: Lletra desaniciada bactriana.

Historia

El camudamiendu más grande, en comparanza col so predecesor (l'alfabetu feniciu), ye la introducción de vocales ensin les que'l griegu nun se podría lleer, a la escontra que'l feniciu. Foi'l primer alfabetu en crear vocales (ensin contar el pocu conocíu ugaríticu) y d'él deriven los alfabetos llatín y cirílicu, amás d'otros. Los alfabetos hindis y l'etíope asina como l'antiguu húngaru desendolcaron vocales de forma independiente. Les primeres vocales foron: alpha, epsilon, iota, omicron, y upsilon, copiaes de lletres fenicies que nun teníen valor fonéticu en griegu. En griegu oriental la lletra eta representaba una e llarga, y la omega una o llarga. Nos alfabetos semíticos les vocales delles vegaes representábense per aciu de signos nes consonantes, como anguaño fai l'árabe.

Hebo delles variantes del alfabetu na primera dómina, destacando l'occidental (calcidianu) y oriental (xónicu), siendo'l primeru'l que daría llugar al alfabetu etruscu y romanu. Atenes adoptó la escritura xónica nel 403 e.C., y llueu les otres versiones desaniciáronse. El griegu escribíase d'izquierda a drecha.

Na Edá Media, la escritura sufrió camudamientos paralelos a los del alfabetu romanu: les minúscules convirtiéronse nes dominantes na escritura manual. Aristófanes de Bizanciu creó l'acentuación pa una meyor pronunciación. La lletra σ escríbese ς al final de pallabra.

Referencies

↑ URL de la referencia: https://www.unicode.org/charts/PDF/U0370.pdf.
↑ URL de la referencia: https://www.unicode.org/charts/PDF/U1F00.pdf.
↑ URL de la referencia: https://www.unicode.org/charts/PDF/U10140.pdf.

Enllaces esternos

Greek Unicode Issues

[f812c2fffb6f19235636993dada26c6f8784cfc3-1] URL de la referencia: https://www.unicode.org/charts/PDF/U0370.pdf.

[daf7da1548c3bfc27721c0d3f96d6d8cd7bda734-2] URL de la referencia: https://www.unicode.org/charts/PDF/U1F00.pdf.

[5b2d8d0c5d7b1506d49542b16958b2eb4804a41f-3] URL de la referencia: https://www.unicode.org/charts/PDF/U10140.pdf.

[1]

[2]

[3]