Hereford

Hereford
Alministración
País	Reinu Xuníu
Nación constitutiva	Inglaterra
Rexón	Midlands del Oeste (es)
Condáu ceremonial	Herefordshire
Tipu d'entidá	ciudá
Códigu postal	HR1
Xeografía
Coordenaes	52°03′23″N 2°42′58″W / 52.0564°N 2.7161°O
	Hereford Hereford (Reinu Xuníu)
Superficie	17.1 km²
Demografía
Población	63 024 hab. (2016)
Porcentaxe	3255147.13% de Herefordshire
Densidá	3685,61 hab/km²
Más información
Prefixu telefónicu	01432
Llocalidaes hermaniaes	Dillenburg
	herefordcitycouncil.gov.uk

Pa ver otros usos d'esti términu, Hereford (dixebra).

Hereford ( /ˈhɛrᵻfərd/ (?·i)) ye una ciudá, sede episcopal, parroquia y county town de Herefordshire, na rexón de los Midlands del Oeste (Inglaterra, Reinu Xuníu). Atópase na ribera del ríu Wye, aproximao a 26 km al este de la frontera de Gales, 39 km al suroeste de Worcester, y 37 km al noroeste de Gloucester. Ye la mayor llocalidá del condáu.

Etimoloxía

Dizse que'l nome Hereford vien de les pallabres anglosaxones here, ‘un exércitu' o ‘una formación de soldaos' y ford, ‘vau', llugar por donda cruciar un ríu. Si esti fora l'orixe, suxeriría que Hereford foi'l llugar pol qu'una partida d'homes armaos vadeó el Wye. El nome en galés para Hereford ye Henffordd, que significa ‘camín vieyu', y refierse, probablemente a la calzada romana que llevaba al cercanu asentamientu de Stretton Sugwas.

Historia

La catedral de Hereford data de 1079 y alluga el Mapamundi de Hereford, un mapa del mundu medieval datáu nel sieglu XIII, restauráu a finales del sieglu XX. Tamién agospia la célebre Biblioteca Chained. Una primer carta puebla de 1189 dada por Ricardu I d'Inglaterra describe la ciudá como «Hereford de Gales» («Hereford in Wales»).^[1] Hereford esfruta del títulu de ciudá dende tiempu inmemorial, y esa considerancia foi confirmada per última vegada n'ochobre de 2000.^[1]^[2]

Anque Hereford ye conocida fundamentalmente como'l centru comercial d'una estensa zona rural agrícola, na ciudá producen aleaciones de níquel, productos químicos, marroquinería, sidra, cerveza, aves de corrolada, y ganáu, particularmente de la famosa raza Hereford de vacunu. La ciudá foi l'allugamientu del Special Air Service británicu (SAS) mientres munchos años, hasta que'l reximientu foi reasitiáu a les proximidaes de Credenhill a finales de los años 1990. Hereford ta sirvida por una estación de ferrocarril de la Welsh Coles Line (‘Llinia de les Marques de Gales'), qu'abrió en 1854. Hubo otra estación en Hereford, güei zarrada, llamada Hereford Barton.

Educación

En Hereford atópase'l Royal National College for the Blind.

Personaxes pernomaos

Ellie Goulding, cantante pop y compositora.
Ciudá orixinaria de la banda de rock Mott the Hoople, al igual que The Pretenders, con esceición de la cantante líder Chrissie Hynde, que nun ye natal de Hereford.

Ciudaes hermanes

Hereford ta hermanada con:

Dillenburg - Alemaña
Vierzon - Francia

Referencies

↑ ^1,0 ^1,1 «The Royal Charters of the City of Hereford». Hereford City Council. Archiváu dende l'orixinal, el 17 d'avientu de 2007. Consultáu'l 10 d'avientu de 2007.
↑ Beckett, J. V. (2005). escritu n'Aldershot. «City status in the British Isles, 1830–2002» (n'inglés). Historical urban studies (Ashgate).

Enllaces esternos

Conceyu de Hereford.
The Hereford Times, periódicu selmanal de Hereford y la so contorna.
Hereford en The Telegraph.
Guía online de Hereford Archiváu 2016-03-11 en Wayback Machine, información local sobre la ciudá.

[charters-1] 1,0 ^1,1 «The Royal Charters of the City of Hereford». Hereford City Council. Archiváu dende l'orixinal, el 17 d'avientu de 2007. Consultáu'l 10 d'avientu de 2007.

[2] Beckett, J. V. (2005). escritu n'Aldershot. «City status in the British Isles, 1830–2002» (n'inglés). Historical urban studies (Ashgate).

[1]

[2]