Enriqueta González Rubín

Enriqueta González Rubín
Vida
Nacimientu	Santianes del Agua, 17 d'abril de 1832
Nacionalidá	España
Muerte	L'Infiestu, 9 de payares de 1877 (45 años)
Estudios
Llingües falaes	asturianu
Oficiu	escritora, periodista

Enriqueta González Rubín (17 d'abril de 1832, Santianes del Agua – 9 de payares de 1877, L'Infiestu) foi una escritora y periodista asturiana.

Biografía

Enriqueta González Rubín tuvo l'honor d'entamar el xéneru narrativu n'asturianu nun momentu históricu cuando nun yera nada fácil pa una muyer el poder dedicase a les lletres.

Collaboró davezu con artículos, poesíes y narraciones na prensa de la dómina. Ente los medios nos qu'escribió, hai de solliñar El Faro Asturiano, d'u se conoz la mayoría de los sos escritos.

Nel so tiempu llogró una popularidá considerable, anque les inquietúes polítiques y sociales qu'amosaba la so obra y la non reedición de la mesma fixeron qu'escayera col correr de los años.

La so Obra

Los sos testos espeyen en bien d'ocasiones una preocupación importante poles condiciones de vida de la muyer y pola so educación y papel na sociedá.

Ye autora de dos noveles n'asturianu: una publicada por entregues n'El Faro Asturiano nel 1864 y que nun conocemos; y otra, el Viaxe del tíu Pacho el Sordu a Uviedo, espublizada nel 1875 y alcontrada apocayá.

Distinciones

30 Selmana de les Lletres Asturianes

Na Selmana del 4 al 8 de Mmyu de 2009 celebróse la XXX Selmana de les Lletres Asturianes, dedicándola a la memoria d'Enriqueta.

El Gobiernu del Principáu d'Asturies reeditó y rescató la obra, con estudios lliterarios de la mesma.

Premiu Enriqueta González Rubín de Periodismu

El Premiu Enriqueta González Rubín de Periodismu ye ún de los más prestixosos dientro de los concedíos al periodismu dende Asturies.

Vien convocándolu dende 2003 la Conseyería de Cultura, Política Llingüística y Turismu del Gobiernu del Principáu d'Asturies.

Biblioteca de Ribeseya

El 28 de setiembre de 2022 el Conceyu de Ribeseya decicidió pone-y el nome de la escritora a la biblioteca municipal^[2]

Bibliografía

Enriqueta González Rubín: el sinciu d'una escritora del XIX.
Viaxe del Tíu Pacho el Sordu a Uviedo (Facsímil de la edición de 1875)

Referencies

↑ URL de la referencia: http://www.elcomercio.es/gijon/20081025/oriente/ribadesella-busca-descendientes-escritora-20081025.html.
↑ «La Biblioteca de Ribadesella llevará el nombre de la escritora de Santianes, Enriqueta González Rubín» (castellanu) (28 de setiembre de 2022). Archiváu dende l'orixinal, el 2022-09-29. Consultáu'l 29 de setiembre de 2022.

Enllaces esternos

(2009) XXX Selmana de les lletres] (Asturies.com)

[86baaa207c0e89f5493ae487e729ac15fa98947f-1] URL de la referencia: http://www.elcomercio.es/gijon/20081025/oriente/ribadesella-busca-descendientes-escritora-20081025.html.

[2] «La Biblioteca de Ribadesella llevará el nombre de la escritora de Santianes, Enriqueta González Rubín» (castellanu) (28 de setiembre de 2022). Archiváu dende l'orixinal, el 2022-09-29. Consultáu'l 29 de setiembre de 2022.

[1]

[2]