David Wayne

David Wayne
Vida
Nacimientu	Traverse City (es) , 30 de xineru de 1914
Nacionalidá	Estaos Xuníos
Residencia	Bloomingdale (es) ; Traverse City (es)
Llingua materna	inglés
Muerte	Santa Monica, 9 de febreru de 1995 (81 años)
Causa de la muerte	cáncanu de pulmón
Familia
Padre	John David McMeekan
Madre	Helen Matilda Mason
Estudios
Estudios	Western Michigan University (es)
Llingües falaes	inglés
Oficiu	actor de teatru, actor de cine, actor de televisión, actor
Premios	ver Premio Tony al mejor actor de reparto en un musical (1947) ; Theatre World Award (1947) ; Premiu Tony al meyor actor d'una obra de teatru (1954) ; premio Grammy al salón de la fama (1997) ;
Nominaciones	ver Premiu Tony al meyor actor protagonista nun musical ; (1968);
IMDb	nm0915536

David Wayne (30 de xineru de 1914, Traverse City ^(es) – 9 de febreru de 1995, Santa Monica) foi un actor d'Estaos Xuníos que la so carrera interpretativa tomó un periodu de más de cincuenta años.

Biografía

El so verdaderu nome yera Wayne James McMeekan, nació en Traverse City (Michigan), y crióse en Bloomingdale, llocalidá del mesmu estáu. El primer papel importante de Wayne en Broadway foi'l de Og en Finian's Rainbow, actuación pola cual ganó'l Theatre World Award y el Premiu Tony al meyor actor nun musical. Al empar qu'actuaben nesta obra, él y el so compañeru de repartu, Albert Sharpe, interpretaben a personaxes irlandeses nel filme Portrait of Jennie.

Wayne ganó un segundu Tony, como meyor actor nuna obra de teatru, pola so actuación en La casa de té de la lluna d'agostu, y foi nomáu a otru como meyor actor nun musical pol so papel en The Happy Time. Otres obres teatrales nes que participó fueron Mister Roberts, Say, Darling, After the Fall, y Incident at Vichy.

Pal cine Wayne trabayó principalmente como actor de calter, con papeles como'l del simpáticu sinvergüenza de Adam's Rib (1949), película interpretada por Spencer Tracy y Katharine Hepburn. Na película M (1951) interpretaba a un asesín, papel lleváu a cabu na versión orixinal por Peter Lorre, y una de les poques oportunidaes nes que foi l'actor principal. Tamién destaca la so participación en The Tender Trap (El solterón y l'amor) (1955), con Frank Sinatra, Debbie Reynolds, y Celeste Holm.

Amás, Wayne foi l'actor que coincidió nun mayor númberu de rodaxes con Marilyn Monroe. En concretu, actuó nos siguientes filmes de l'actriz: As Young as You Feel (1951), We're Not Married (Nun tamos casaos) (1952), O. Henry's Full House (Cuatro páxines de la vida) (1952) (anque nun compartíen escena) y How to Marry a Millionaire (Cómo casase con un millonariu) (1953).

En 1961 Wayne foi Darius Woodley en dos episodios de la serie de la NBC The Outlaws, con Barton MacLane. Wayne tamién destacó na so interpretación del Dr. Charles Dutton na película de 1971 basada nuna novela de Michael Crichton The Andromeda Strain. En televisión foi'l malváu El Sombrereru Llocu na serie de los años sesenta Batman. Tamién nesti mediu, intervieno en 1964 nel episodiu final, tituláu "Pay Now, Die Later," de la serie de la CBS Mr. Broadway, protagonizada por Craig Stevens.

Otres de les producciones pa les cualos trabayó Wayne en televisión fueron: The Brian Keith Show, sitcom de la NBC na qu'actuó como'l Tíu Timothy Jamison; Ellery Queen, serie protagonizada por Jim Hutton na qu'interpretaba al padre de Queen; Dallas (CBS), serie na qu'encarnó ente 1978 y 1979 a Digger Barnes; House Calls, show con Lynn Redgrave y, más palantre, Sharon Gless, nel que tomó'l papel de Dr. Weatherby; The Golden Girls, show pal cual actuó como "Big Daddy" en finando en 1986 Murray Hamilton, el primer actor n'interpretar al personaxe.

Amás del so trabayu televisivu y cinematográficu, nos años sesenta Wayne foi presentador del programa radiofónicu de la NBC Monitor.

David Wayne finó en Santa Monica (California) en 1995, por causa de un cáncer de pulmón. Tenía 81 años d'edá. Los sos restos fueron encenraos, y les cenices apurríes a los sos allegaos.

Referencies

↑ URL de la referencia: http://famousdude.com/24392-david-wayne.html.
↑ ^2,0 ^2,1 Biblioteca Nacional de Francia. «autoridaes BNF» (francés). Consultáu'l 10 ochobre 2015.
↑ URL de la referencia: http://www.s9.com/Biography/Wayne-David.
↑ Identificador CONOR.SI: 153076067. Afirmao en: CONOR.SI.
↑ URL de la referencia: http://www.theatreworldawards.org/past-recipients.html.

Enllaces esternos

David Wayne na Internet Movie Database (n'inglés)

David Wayne na Internet Broadway Database (n'inglés)

David Wayne como The Mad Hatter

[4f1039e9a60b284c5942386e4725ba30d17c03c4-1] URL de la referencia: http://famousdude.com/24392-david-wayne.html.

[7c794a67d10b44be66dc66c630a281b70f07b10f-2] 2,0 ^2,1 Biblioteca Nacional de Francia. «autoridaes BNF» (francés). Consultáu'l 10 ochobre 2015.

[9078179660f54629d4118d0b39939875535ea5cf-3] URL de la referencia: http://www.s9.com/Biography/Wayne-David.

[8067affb6d1383656d6dc3538ce5f586ad1515c7-4] Identificador CONOR.SI: 153076067. Afirmao en: CONOR.SI.

[6dbbe843fa48945cc9e8c1d269ed814c13f7f6bd-5] URL de la referencia: http://www.theatreworldawards.org/past-recipients.html.

[1]

[2]

[3]

[4]

[5]