Carles Puigdemont
Carles Puigdemont Casamajó[11] (29 d'avientu de 1962, Amer) ye un políticu y periodista catalán, miembru de Convergència Democràtica de Catalunya, alcalde de Girona dende 2011, diputáu nel Parllamentu de Cataluña dende l'añu 2006, miembru del grupu parllamentariu de Junts pel Sí.[12] y presidente de Cataluña hasta ochobre de 2017.
Biografía
[editar | editar la fonte]Cursó los estudios básicos y el bachilleratu nel so pueblu natal Amer, Girona, y nel internáu del Collell. A los 16 años yá exercía de corresponsal pal periódicu Los Sitios, de Girona, unviando cróniques futbolístiques y otres noticies.[13]
Empecipió Filoloxía Catalana nel Colexu Universitariu de Girona, estudios qu'abandonaría más tarde pa dedicase al periodismu.[13] En 1981 empezó a trabayar nel diariu El Punt, au acabó siendo redactor xefe. Tamién trabayó na revista Presència.[14]
En 1988 dedicóse a axuntar referencies de la prensa internacional sobre Cataluña, material que dio como frutu la espublización en 1994[14] del llibru Cata... què? Catalunya vista per la premsa internacional.[15] Ye miembru del Colexu de Periodistes de Cataluña.
Mientres los Xuegos Olímpicos de Barcelona (1992) tuvo una actividá destacada escontra la denominada "Operación Garzón".[14]
Nos años 90 viaxó per Europa y empezó a trabayar na aplicación de les nueves teunoloxíes a la información, lo que se traduciría na creación en 1999, por encargu de la Generalitat, de la Agència Catalana de Notícies (ACN).[13]
Puigdemont dirixó l'axencia hasta 2002, cuando l'entós presidente de la Diputación xerundense, Carles Pàramo (CiU), ufiertó-y ser el direutor de la Casa de Cultura de Girona.
En 2004 tornó al periodismu como direutor xeneral del periódicu Catalonia Today, un periódicu catalán n'inglés que contribuyó a impulsar.[14]
Dexó'l periodismu pa dedicase de llenu a la política en 2006 cuando CiU fíxo-y una doble ufierta: formar parte de la candidatura al Parlament de Catalunya y aspirar en 2007 a l'alcaldía de Girona.[13]
Trayeutoria política
[editar | editar la fonte]
En 1980 empecipió'l so activismu políticu marcáu pol independentismu. Asistió al so primer míting, de Jordi Pujol.[13]
Activista de la Crida a la Solidaritat en Defensa de la Llengua, la Cultura i nacer Catalanes perteneció a la Joventut Nacionalista de Catalunya (JNC) que contribuyó a fundar en Girona. Anguaño ye militante de Convergència Democràtica de Catalunya (CDC).[14]
En 2006 foi candidatu a les eleiciones al Parllamentu de Cataluña por CiU pola circunscripción de Girona y foi escoyíu diputáu.
En 2007 encabezó la llista de CiU al Conceyu de Girona, pero nun ganó les eleiciones y caltúvose na oposición.
El 1 de xunetu de 2011 convirtióse nel socesor d'Anna Pagans al frente del Conceyu de Girona, en ganando les eleiciones municipales celebraes el 22 de mayu de 2011, acabando asina con más de 32 años d'hexemonía del PSC[16] en Girona, que llevaba gobernando dende dempués de les eleiciones municipales de 1979.
El 15 de xunetu de 2011, cuando se dirixía a una conferencia del conseyeru de Salú, foi afrelláu por un grupu d'unes doscientes persones poles protestes de los retayos en dichu sector.[17]
En xunetu de 2015 sustituyó a Josep Maria Vila d'Abadal como presidente de l'Asociación de Conceyos pola Independencia y el so nome incorporóse a la llista de persones clave pa la "refundación" de CDC.[18]
Nes eleiciones al Parllamentu de Cataluña del 27 de setiembre de 2015 ocupó'l puestu númberu trés na llista de Junts pel Sí por Girona y foi reelixíu diputáu.[19]
El 9 de xineru de 2016 el presidente en funciones de la Xeneralidá de Cataluña Artur Mas anunció que proponía'l so nome pa ser investíu como nuevu presidente.[20]
Vida personal
[editar | editar la fonte]Ta casáu cola periodista rumana Marcela Topor[21] y tien dos fíos.[22]
Referencies
[editar | editar la fonte]- ↑ 1,0 1,1 1,2 «M. H. Sr. Carles Puigdemont i Casamajó». Parllamentu de Cataluña. Consultáu'l 23 avientu 2018.
- ↑ URL de la referencia: http://www.lavanguardia.com/politica/20160112/301340579718/puigdemont-marcela-topor-casaron-rito-ortodoxo-rumania.html.
- ↑ 3,0 3,1 3,2 3,3 URL de la referencia: http://www.elperiodico.cat/ca/noticias/politica/perfil-carles-puigdemont-puigdi-trono-4803663.
- ↑ URL de la referencia: https://www.vanitatis.elconfidencial.com/noticias/2017-09-09/puigdemont-familia-hermanos-sobrino_1440804/.
- ↑ URL de la referencia: http://www.ara.cat/especials/eleccions22m/ELECCIONS_MUNICIPALS-girona_0_485352215.html.
- ↑ URL de la referencia: http://www.diaridegirona.cat/girona/2016/01/10/carles-puigdemont/761805.html.
- ↑ URL de la referencia: https://www.vilaweb.cat/noticies/carles-puigdemont-un-periodista-independentista-per-a-desconnectar-despanya/.
- ↑ «El «católico» Carles Puigdemont».
- ↑ URL de la referencia: https://www.junts.cat/. Data de consulta: 18 xunetu 2020.
- ↑ Afirmao en: La crisis catalana. Autor: Carles Puigdemont. Páxina: 240. Editorial: Editorial La Campana. Llingua de la obra o nome: inglés. Data d'espublización: setiembre 2018.
- ↑ AFI: ['kaɾɫəs pudʒðəˈmon kəzəmə'ʒo]
- ↑ «Ficha nel Parllamentu de Cataluña» (catalán). Consultáu'l 9 de xineru de 2016.
- ↑ 13,0 13,1 13,2 13,3 13,4 «Carles Puigdemont, asina ye'l próximu president de Catalunya». Consultáu'l 2016-01-09.
- ↑ 14,0 14,1 14,2 14,3 14,4 «Carles Puigdemont i Casamajó | enciclopèdia.cat». Consultáu'l 2016-01-09.
- ↑ ISBN 8486491886
- ↑ Primer alcalde non socialista de Girona
- ↑ Agresión al alcalde
- ↑ «La refundació de CDC passa pels alcaldes» (catalán). Consultáu'l 2016-01-09.
- ↑ «Carles Puigdemont, un periodista na Presidencia de la Generalitat» (castellanu). Consultáu'l 2016-01-09.
- ↑ «Artur Mas esplica l'alcuerdu de Junts Pel Sí y la CUP». Consultáu'l 2016-01-09.
- ↑ Dixital, Nació. «Nació Digital: VÍDEU Marcela Topor, periodista i muller de Carles Puigdemont». Archiváu dende l'orixinal, el 2016-01-13. Consultáu'l 2016-01-10.
- ↑ «marca-barcelona-ye-una-oportunitat.html "Si sabem oferir un producte genuí, la marca Barcelona és una oportunitat"». Consultáu'l 2016-01-09.
Enllaces esternos
[editar | editar la fonte]
Wikimedia Commons acueye conteníu multimedia sobre Carles Puigdemont.
| Predecesor: Artur Mas |
Presidente de la Generalitat de Cataluña 2016-2017 |
Socesor: Quim Torra |
| Predecesor: Anna Pagans |
 Alcalde de Girona 2011–2016 |
Socesor: Albert Ballesta |
| Control d'autoridaes |
|
|---|
Datos: Q4740163- Multimedia: Carles Puigdemont
Cites famoses: Carles Puigdemont