Alejo Vidal-Quadras
.jpg)
Aleix Vidal-Quadras i Roca (20 de mayu de 1945, Barcelona) ye un políticu catalán d'ideoloxía drechista, llicenciáu en Ciencies Físiques (1968) y catedráticu de Física Atómica y Nuclear na Universidá Autónoma de Barcelona dende 1989.
Escribe cuando en dellos medios de comunicación de dreches como'l diariu La Razón o La Gaceta o nel so blogue personal en Periodista Digital.
Biografía
[editar | editar la fonte]Provién de diverses families de l'alta burguesía barcelonesa,[6] ente los sos antepasaos ta'l pintor Josep Maria Vidal-Quadras, miembru del Cercle Artístic de Sant Lluc.
Llicenciáu en Ciencies Físiques pola Universidá de Barcelona en 1969, foi Premiu Estraordinariu de Doctoráu pola Universidá Autónoma de Barcelona en 1975. En 1983 recibió'l premiu "Enerxía Nuclear" de la Xunta d'Enerxía Nuclear.
En 1988 foi nomáu Catedráticu d'universidá caderalgu de Física Atómica y Nuclear na Universidá Autónoma de Barcelona, siendo vocal del Conseyu de Siguimientu sobre Seguridá Nuclear y Proteición Radiolóxica de Cataluña (1984-1992) y direutor del Serviciu de Física de Radiaciones de la UAB (1984-1992). Tamién trabayó d'investigador y docente nel Centru d'Investigaciones Nucleares d'Estrasburgu, na University College de Dublín y nel colexu "La Inmaculada" de los maristes de Barcelona.
Trayeutoria política
[editar | editar la fonte]Entamó la so carrera política en Solidaritat Catalana, un partíu ideolóxicamente conservador y que tuvo'l sofitu de Manuel Fraga nes eleiciones al Parllamentu de Cataluña de 1980. Dempués de la disolución nesi mesmu añu al nun consiguir representación na cámara autonómica, Vidal-Quadras entra n'Alianza Popular y consigue l'acta de conceyal nel Ayuntamientu de Barcelona nes eleiciones municipales de 1988. N'avientu de 1991 ye escoyíu presidente del Partíu Popular de Cataluña y Barcelona (d'esti últimu hasta 1993) tres ser el presidente de la comisión xestora del PP de Cataluña en 1990 tres una dixebra interna.[7] Vidal-Quadras yera diputáu nel Parllamentu de Cataluña dende 1988 hasta 1996 y conceyal en Barcelona dende 1991 hasta 1995, mientres una llexislatura. Él taba nel sector críticu con Jordi Pujol y, tres un pactu ente Aznar (candidatu a Presidente del Gobiernu d'España nes eleiciones xenerales de 1996) y Pujol (President de la Generalitat de Catalunya), Aznar daría más competencies al gobiernu catalán a cambiu del sofitu na só investidura a la presencia nacional.[8] Esti destutuí a Vidal-Quadras como presidente del PP de Cataluña al refugar el pactu y nun tendría más cargos públicos hasta 1999, cuando ye escoyíu eurodiputáu nes eleiciones al Parllamentu Européu de 1999, 2004, 2009 y 2014.
Mientres la etapa d'eurodiputáu, foi vicepresidente del Parllamentu Européu y xefe de la comisión de conciliación del Paquete Telecom, comisión onde se posicionó a favor de la «neutralidá na rede».[9]
En xineru de 2014 Vidal-Quadras dexa'l Partíu Popular por discrepancies y falta de democracia interna, y anunció que va afiliase a Vox, partíu fundáu por Santiago Abascal, Javier Ortega Smith, Cristiana Seguí, Iván Espinosa de los Monteros y José Antonio Ortega Lara n'avientu de 2013 y presentáu oficialmente'l 16 de xineru de 2014. Declaró que nun taba d'alcuerdu col gobiernu de Mariano Rajoy en materia terrorista, criticó la política impositiva, la non separación de poderes y les sos polítiques pa col nacionalismu catalán.[10] En marzu d'esi añu ye escoyíu presidente provisional de Vox, diendo a les eleiciones europees de 2014 con esti cargu. En xunu de 2014 abandona'l cargu y arrenuncia a la reeleición tres ser desautorizáu pola so intención d'averar el partíu a UPyD y Ciudadanos.[11] Finalmente, en febreru de 2015 comunica que dexa Vox.[12]
Obres
[editar | editar la fonte]- Cuestión de fondo (1993) ISBN 84-7639-162-5
- En el fragor del bién y del mal (1997) ISBN 978-84-239-7833-5
- La derecha: ¿Qué era? ¿Qué es? (1997) ISBN 978-84-233-2861-1
- Amarás a tu tribu (1998) ISBN 978-84-08-02441-5
- La constitución traicionada (2006) ISBN 978-84-96088-49-8
- Núñez Seixas, Xosé M. (2018). Crítica: Suspiros de España. El nacionalismo español 1808-2018.
Referencies
[editar | editar la fonte]- ↑ 1,0 1,1 1,2 1,3 1,4 1,5 URL de la referencia: https://www.parlament.cat/document/composicio/150323.pdf. Data de consulta: 22 xunetu 2021.
- ↑ URL de la referencia: http://www.europarl.europa.eu/meps/es/4308/ALEJO_VIDAL-QUADRAS_home.html. Data de consulta: 30 setiembre 2018.
- ↑ «Herido grave Alejo Vidal-Quadras tras recibir un tiro en la cara en plena calle del Barrio de Salamanca de Madrid». «"Vidal-Quadras acababa de salir de misa"»
- ↑ URL de la referencia: https://www.abc.es/espana/20150219/abci-vidal-quadras-201502191001.html.
- ↑ URL de la referencia: https://www.parlament.cat/document/composicio/150328.pdf. Data de consulta: 30 setiembre 2018.
- ↑ Xenealoxía de Vidal-Quadras
- ↑ Aznar advierte contra una escisión tras lograr Vidal-Quadras la presidencia del PP catalán http://hemeroteca.lavanguardia.com/preview/1991/12/02/pagina-15/33495248/pdf.html
- ↑ Aquella cena Aznar-Pujol en el Majestic http://www.elperiodico.com/default.asp?idpublicacio_PK=46&idioma=CAS&idnoticia_PK=521415&idseccio_PK=1006
- ↑ "Somos conscientes de que la neutralidad de la red preocupa" https://web.archive.org/web/20091016083043/http://noticias.lainformacion.com/arte-cultura-y-espectaculos/internet/somos-conscientes-de-que-la-neutralidad-de-la-red-preocupa_CuLVn3B7txDyB6Wxqk7UD5
- ↑ «Vidal-Quadras dice adiós a Rajoy» https://www.elmundo.es/espana/2014/01/27/52e59ff422601d811e8b4577.html
- ↑ Abascal pide a Vidal-Quadras que abandone VOX https://www.elmundo.es/espana/2014/08/29/54005b3c22601d21178b456e.html
- ↑ Vidal-Quadras abandona la militancia de VOX https://www.abc.es/espana/20150219/abci-vidal-quadras-201502191001.html
Enllaces esternos
[editar | editar la fonte]
Wikimedia Commons acueye conteníu multimedia sobre Alejo Vidal-Quadras.
Datos: Q2066569- Multimedia: Alejo Vidal-Quadras